| 1. | a. Beni cāndan uṣandırdı cefādan yār uṣanmaz mı |
| b. Felekler yandı āhumdan murādum şemʿi yanmaz mı |
| 2. | a. Ḳamu bīmārına cānān devā-yı derd ėder ihsān |
| b. Niçün ḳılmaz baña dermān beni bīmār sanmaz mı |
| 3. | a. Þeb-i ḥicrān yanar cānum töker ḳan çeşm-i giryānum |
| b. Uyarur ḥalḳı efġānum ḳara baẖtum uyanmaz mı |
| 4. | a. Gül-i ruẖsāruna ḳarşu gözümden ḳanlu aḳar ṣu |
| b. Ḥabībim faṣl-ı güldür bu aḳar ṣular bulanmaz mı |
| 5. | a. Ġamum pinhān dutardum ben dėdiler yāra ḳıl rūşen |
| b. Dėsem ol bīvefā bilmeñ inanur mı inanmaz mı |
| 6. | a. Degildüm ben saña māˀil sen ettüñ ʿaḳlumı zāil |
| b. Baña ṭaʿn eyleyen ġāfil seni görgeç utanmaz mı |
| 7. | a. Fużūlī rind-i şeydādur hemīşe ḥalḳa rüsvādur |
| b. Ṣoruñ kim bu ne sevdādur bu sevdādan uṣanmaz mı |