| 1 | a | Ḥamd-i Ḫudāvend-i cihān-āferȋn |
| b | Zȋver-i tebyȋn-i beyān-āferȋn |
| 2 | a | Ṭarḥ-ı nev-efgende-i ibdāʿ-ı kün |
| b | Rāst ber-ārende-i çarẖ-ı kühen |
| 3 | a | Tāb-dih-i rūy-ı ḳamer-ṭalʿatān |
| b | Encümen-efrūz-ı perȋ-sȋretān |
| 4 | a | Ol ki virüp meclis-i gerdūna zȋb |
| b | Eyledi ibdāʿ-ı firāz u nişȋb |
| 5 | a | Sāġar-ı ẖūrşȋd idüp pür-cilā |
| b | Oldı şafaḳ bāde-i şengerfsā |
| 6 | a | Meclis-i gerdūna virüp tāb u fer |
| b | Eyledi ol bezme mehi cām-ı zer |
| 7 | a | Ṣunʿı olup lāzıme-ārā-yı kevn |
| b | Eyledi ibdāʿ-ı heyūlā-yı kevn |
| 8 | a | Ṣunʿı olup mübdiʿ-i feyż-i es̲er |
| b | Eyledi bir noḳṭada ṭarḥ-ı ṣuver |
| 9 | a | Fikr-i daḳȋḳ-i ẖıred-i nükte-ḳāl |
| b | Eylese keyfiyyet-i ẕātın ẖayāl |
| 10 | a | Ġarḳa-i deryā-yı nedāmet olur |
| b | Ġavṭa-ẖor-ı lücce-i ḥayret olur |
| 11 | a | Ḳaṭre olup nāzil-i deryā-yı jerf |
| b | Terbiyet-ile ola dürr-i şigerf |
| 12 | a | Oldı bu nüh ṭārem-i mȋnā-esās |
| b | Feyż-peẕȋrā-yı şeref-iḳtibās |
| 13 | a | Yaʿnȋ muḥadded bu bisāṭ-ı sipihr |
| b | Oldı celi şaʿşaʿa-i māh u mihr |
| 14 | a | Her gice devr-i felek-i bȋ-s̲ebāt |
| b | Oldı sitürden-şüde-i ḥādis̲āt |
| 15 | a | Cūş1idicek ḳulzüm-i mevvāc-ı ẕāt |
| b | Oldı cihān ġarḳa-i baḥr-ı ṣıfāt |
| 16 | a | Alsa ẖıred ger ḳademinden ẖaber |
| b | Rāh-ı taḥayyürde ola pey2-siper |
| 17 | a | Levḥa-i ʿilminde hüveydā ḳamu |
| b | Pey-be-pey ü reg-be-reg ü mū-be-mū |
| 18 | a | Ṣūret-i esrār-ı zevāyā-yı dil |
| b | Nükte-i maẖfȋ-i ẖabāyā-yı dil |
| 19 | a | Açsa olur künh-i ṣıfātında per |
| b | Murġ-ı dile ẖūn-ı tefekkür heder |
| 20 | a | Ey ḳalem-i nāṭıḳa-bend-i ẖayāl |
| b | Ve’y ruẖ-ı mażmūna iden basṭ-ı ẖāl |
| 21 | a | Eyle yine naġme-i ẖūnȋn-es̲er |
| b | Bāġ-ı süẖan tā ola şād-ābter |
| 22 | a | Nāzla mestāne ẖırām it yine |
| b | Mestȋ-i bȋ-bāde vü cām it yine |
| 23 | a | Meykede-i ʿışḳda ol bāde-nūş |
| b | Ol yine ber-hem-zen-i ṣad ʿaḳl ü hūş |
| 24 | a | İtmege3s̲ebt-i süẖan-ı feyż-es̲er |
| b | Levḥa-i mihri yine ḳıl pey-siper |
| 25 | a | Seyyid-i kevneyne olup naʿt-gūy |
| b | İtme nevā-sencȋ-i efsāne-cūy |
| 26 | a | Eylemege s̲ebt-i medȋḥ-i nebȋ |
| b | Żamm-ı midād eyle sevād-ı şebi |
| 27 | a | Her süẖanı dil-keş ü sencȋde ḳıl |
| b | Noḳṭaların merdümek-i dȋde ḳıl |
| 28 | a | Pāy-zi-ser sāẖte-i fikret ol |
| b | Yaʿnȋ ki ser-bāẖte-i ḥayret ol |
| 29 | a | Terk-i ser it iç4yine ẖūn-ı derūn |
| b | ʿIşḳa bu āyȋn ile ḳıl āzmūn |
| 30 | a | ʿIşḳ-ı celȋ-şaʿşaʿaya maẓhar ol |
| b | Tȋġ-i melāmetle kefȋde-ser ol |
| 31 | a | Naʿt-ı peyem-berle olup naġme-sāz |
| b | Ḥayret ile cismüñe vir ihtizāz5 |
| 32 | a | Ol ki cihān teşne-i dȋdārıdur |
| b | Ṭālib-i gencȋne-i ās̲ārıdur |
| 33 | a | Ol şeh-i ḳudsȋ-ḥarem ü küfr-sūz |
| b | Debdebe-i şānla idüp bürūz |
| 34 | a | Mevkib-i iḳbāl-i dil-i müşrikȋn |
| b | Oldı Sikender ẖod-ı pehnā-yı dȋn |
| 35 | a | Ẕātıdur ol ẖusrev-i ʿālȋ-cenāb |
| b | Rūḥ-ı Ḳudüs ġāşiye-dār-ı rikāb |
| 36 | a | Oldı ḳudūmı-y-la basȋṭ-i zemȋn |
| b | Ṭaʿne-zen-i sāḥa-i ʿarş-ı berȋn |
| 37 | a | Ẕātıdur ol mihr-i kerem-güsterȋ |
| b | Bāriḳa-i ʿālem-i peyġam-berȋ |
| 38 | a | Nāmını yek ẕerre iden istirāḳ |
| b | Lā-büd olur ġarḳ-ı yem-i iştiyāḳ |
| 39 | a | Mihr [ü ] hevāsı-y-la zemȋn gerd [ü ] ẖāk |
| b | Şevḳ-i benānı-y-la ḳamer sȋne-çāk |
| 40 | a | Ḫaste-i ʿışḳ eylemiş ol rūy-ı ṣāf |
| b | Aḳsa n’ola bȋnȋ-i gülden ruʿāf |
| 41 | a | Vaṣf-ı ruẖın ger ẖıred-i nükte-ḳāl |
| b | İtmek içün zȋver-i levḥ-i ẖayāl |
| 42 | a | Deste alınca ḳalem-i nükte-zȋb |
| b | Desti olur nūrla keffü’l-ẖażȋb |
| 43 | a | Olmasa ger ol şeh-i ḳudsȋ-mekān |
| b | ʿİllet-i ibdāʿ-ı zemȋn ü zamān |
| 44 | a | Olur idi cümle ẓuhūrāt hem |
| b | Perde-nişȋnān-ı ġıṭā-yı ʿadem |
| 45 | a | Eyledi ol şāha sipihr-i dijem |
| b | Mıḳnaʿ-ı mihr ü mehi ferş-i ḳadem |
| 46 | a | Baʿde nebȋ6ḥażret-i Bū-Bekr-i pāk |
| b | Mihr-i fezāyende-i rūz-ı meġāk |
| 47 | a | Hem daẖı Fārūḳ-ı muʿallā-zemȋn |
| b | K’eyledi teşyȋd-i mebānȋ-i dȋn |
| 48 | a | Hem daẖı dāmād-ı resūl-i kerȋm |
| b | Yaʿnȋ ki ʿOs̲mān cenāb-ı ḥalȋm |
| 49 | a | Şems-i hüdā tābiʿ-i nūr-ı celȋ |
| b | Kim esedu’llāh-ı muʿaẓẓam ʿAlȋ |
| 50 | a | Hem daẖı aṣḥāb-ı nebȋ-i cevād |
| b | Āle vü evlāda ʿale’l-infirād |
| 51 | a | Ola teḥiyyāt-ı ilāhȋ ḳarȋn |
| b | Nūr-ı ṣalāt-ı mütevālȋ rehȋn |
| 52 | a | Bir dem olup bu dil-i miḥnet-perest |
| b | Sākin-i peyġūle-i şādȋ-şikest |
| 53 | a | Yaʿnȋ ki Güftȋ-i heves-āşinā |
| b | Derd-keş ü ġam-zede-i bȋ-nevā |
| 54 | a | Farṭ-ı ġam-ı ʿışḳ-i-le miḥnet-heves |
| b | Bȋ-hüde-ümmȋd ü ʿadem-mültemes |
| 55 | a | Ġamze-i dil-ber gibi bȋ-tāb-ı nāz |
| b | Çihre-i ʿāşıḳ gibi ẖāk-i niyāz |
| 56 | a | Mınṭaḳa-bend-i heves olmışdı dil |
| b | Murġ-ı ḥazȋn-i ḳafes olmışdı dil |
| 57 | a | Çarẖ-ı denȋ-perver ü nā-iʿtimȋd |
| b | Eyledi lerzende tenüm hem-çü bȋd |
| 58 | a | Bu dil-i bȋ-tāb u ʿadem-iltimās |
| b | Eyleyüp āẖir heves-i bȋ-ḳıyās |
| 59 | a | Ḥarf-i ümȋdi dil-i sevdā-yezek |
| b | Levḥa-i āmālden itmişdi ḥakk |
| 60 | a | Ġonca-i bāġ-ı dil-i āteş-nesȋm |
| b | Olmış-idi sȋneme bir dāġ-ı bȋm |
| 61 | a | Olsa ḳaçan dȋde-i ḳulzüm-nis̲ār |
| b | Ġavṭa-ẖor-ı ḳaṣd-ı tecellȋ-i yār |
| 62 | a | Eylemedin şāhid-i baẖta naẓar |
| b | Sȋlȋ-i ḥayret ura müjgānlar |
| 63 | a | Dil ġam-ile dest ü girȋbān idi |
| b | Tekye-zen-i bāliş-i ḥırmān idi |
| 64 | a | Dȋde sirişk-efgen-i ḥayret idi |
| b | Naḥbeger7-i dürr-i nedāmet idi |
| 65 | a | Ḳaṣr-ı ẖayāle dil-i bȋ-iẖtiyār |
| b | Oldı bu āyȋn ile süllem-şümār |
| 66 | a | Çarẖ-i-le min-baʿd idü p āştȋ |
| b | İtmeye ḳaṣd-ı ʿalem-efrāştȋ |
| 67 | a | Āẖir olup gūşe-nişȋn-i ferāġ |
| b | Urmaya ḥırmān ile cismine dāġ |
| 68 | a | Olmaz ise şemʿ-i emel reh-nümūn |
| b | ʿĀşıḳa bes şuʿle-i dāġ-ı derūn |
| 69 | a | Olmasa gül zȋver-i destār ger |
| b | ʿĀşıḳa yetmez mi olan dāġ-ı ser |
| 70 | a | Olmaḳ içün bu dil-i şādȋ-güsil |
| b | Keş-me-keş-i çarẖdan āsūde-dil |
| 71 | a | Oldı çü şemʿ-i ḳamer efrūẖte |
| b | Oldı bu āteşle felek sūẖte |
| 72 | a | Dil bu taẖayyülle olup pür-hevā |
| b | Oldı o dem ẖvāb-ı emel rū-nümā |
| 73 | a | Gördüm o dem bir çemen-i dil-firȋb |
| b | Devḥa-i cennet gibi ṣunʿ-ı ġarȋb |
| 74 | a | Geşt idüp eṭrāfı çü peyk-i naẓar |
| b | Eyledüm ol ẖıṭṭa-i pāke güẕer |
| 75 | a | Gördüm o dem ġamdan idüp infikāk |
| b | Ḳaṣr-ı Ḫavernaḳ gibi bir ṭarḥ-ı pāk |
| 76 | a | Ḳaṣr velȋ ġayret-i bāġ-ı bihişt |
| b | Ḫāk ü ḥarȋm ü deri ʿanber-sirişt |
| 77 | a | Bü’l-ʿaceb ol ġurfe-i ʿanber-vaḥal |
| b | Dȋde-i şevḳ itse naẓar fi’l-mes̲el |
| 78 | a | Ṣayḳal-ı dȋvār u geç-i pür-cilā8 |
| b | Nūr-ı nigāhı ide laġzȋde-pā |
| 79 | a | Mā-ḥaṣal ol cāy-ı feraḥ-güstere |
| b | Yaʿnȋ ki ol kāẖ-ı bülend-aẖtere |
| 80 | a | Olmış-idi bir ṣanem-i ser-firāz |
| b | Zȋver ü ārāyiş-i bālȋn-i nāz |
| 81 | a | Veh çi ṣanem māh-ı sipihr-iḥtirām |
| b | Veh çi ṣanem mihr-i s̲üreyyā-ġulām |
| 82 | a | Gūşe-i dāmāna men-i bȋ-nevā |
| b | Sāye-ṣıfat oldum o dem çihre-sā |
| 83 | a | Nāzla ol māh-ı tefaḳḳud-künān |
| b | Didi eyā ġam-zede-i nā-tüvān |
| 84 | a | Bāʿis̲-i iẓhār-ı melālüñ nedür |
| b | Eyle beyān ṣūret-i ḥālüñ nedür |
| 85 | a | Eyleyüp el-ḳıṣṣa men-i ġam-nijād |
| b | Tuḥfe-i aḥvālümi meclis-nihād |
| 86 | a | Didüm olup miḥnet ü ġamla çü nāl |
| b | Urmış-idüm pāy-ı cünūna şikāl |
| 87 | a | İtdi meni devr-i der-i kūy-ı ʿışḳ |
| b | Ābile-pāyȋ-i tek-ā-pūy-ı ʿışḳ |
| 88 | a | Sȋne olup dāġ-be-bālā-yı dāġ |
| b | Oldı baña ʿışḳ-i-le dāġ üsti bāġ |
| 89 | a | ʿIşḳ-i-le her dem olup āşüfte-ḥāl |
| b | Murġ-ı dili ḳayd-ı ẖazān itdi lāl |
| 90 | a | Ḫandeden ol cevher-i ferd-i dehān |
| b | Noḳṭa-i mevhūmeyi itdi ʿiyān |
| 91 | a | Didi niçün vaṣf-ı perȋ-peykerān |
| b | Olmaya ārāyiş-i levḥ-i beyān |
| 92 | a | Sen ki ẖuṣūṣā olasın nükte-fen |
| b | Ṭabʿuñ ola nādire-senc-i süẖan |
| 93 | a | Murġ9-ı ẖayālüñ olıcaḳ evc-gȋr |
| b | Ola kemȋn lānesi çarẖ-ı es̲ȋr |
| 94 | a | Bülbül-i ṭabʿuñ ger ola naġme-zen |
| b | Nesẖ ola āyȋn-i nevā-yı kühen |
| 95 | a | Şāhid-i maʿnā-yı nezāket-fezā |
| b | Ṭarz-ı nev ile ola cilve-nümā |
| 96 | a | Olsa ḳaçan kilk-i bedāyiʿ-me’āl |
| b | Çihre-ṭırāzende-i bikr-i ẖayāl |
| 97 | a | Eyleyicek nergis-i mestin raḳam |
| b | Şȋfte-i ġamzesi ola ḳalem |
| 98 | a | Şāhid-i mażmūnuñuñ ey nüktekār |
| b | Cāme-i zer-befti degül müsteʿār |
| 99 | a | Bikr-i ẖayālüñ ki füsūn-sāzdur |
| b | Her süẖan ābisten-i iʿcāzdur |
| 100 | a | Ḫāme ki zȋb-i dür-i meşḥūn ola |
| b | Ruḳʿa perȋ-ẖāne-i mażmūn ola |
| 101 | a | Rūy-ı ʿarūs-ı süẖan-ı dil-peẕȋr |
| b | Ġāliye vü ġāzeye olmaz esȋr |
| 102 | a | İtse raḳam ẖāmeñ olur bȋ-ḳuṣūr |
| b | Maḥşer-i ervāḥ-ı meʿānȋ-suṭūr |
| 103 | a | Oldı mükedder bu dil-i pür-miḥen |
| b | Nāṣiye-fersā-yı ḥarȋm-i veşen |
| 104 | a | K’ey gül-i nev-ẖāste-i ʿizz ü nāz |
| b | Eyleye Ḥaḳ cāme-i ʿömrüñ dırāz |
| 105 | a | Ḫāk-i rehüñ eyleye Ḥaḳ dāyimā |
| b | Nūr-peẕȋrā-yı dü çeşm-i ṣabā |
| 106 | a | Eyleyem āheng-i süẖan-güsteri |
| b | Ẓāhir ola ḳuvvet-i naẓm-āveri |
| 107 | a | Eyleyem ıṭlāḳ-ı ʿinān-ı süẖan |
| b | Raẖş-ı ẖayālüm ola tā ḳaṭr[e]-zen10 |
| 108 | a | Nūş ḳılup her gice11devr-i çerāġ |
| b | Şemʿ-i fürūzende ola dilde dāġ |
| 109 | a | Ḫūn-ı sirişkümle yazam evvelin |
| b | Nūr-ı nigāhumla çekem cedvelin |
| 110 | a | Eyle İlāhȋ bu sitem-perveri |
| b | Yaʿnȋ ki Güftȋ-i sitem-güsteri |
| 111 | a | Neş’e12-i ʿışḳ-ı ezelȋden ẖabȋr |
| b | Reşk-i yem-i jerf ola tā kim ġadȋr |
| 112 | a | Tā ola luṭfuñla mis-i bȋ-es̲er13 |
| b | Feyż-peẕȋrende-i iksȋr-i zer |
| 113 | a | ʿIşḳ-ı bütānı dile āyȋne ḳıl |
| b | Sırr-ı ġama sȋnemi gencȋne ḳıl |
| 114 | a | Sȋnemi ḳıl dāġ-be-bālā-yı dāġ |
| b | Tā kim ola ġayret-i gülzār u bāġ |
| 115 | a | Bāde-i ʿışḳa dilümi eyle cām |
| b | Tā ola ġalṭȋde-i nūr-ı müdām |
| 116 | a | ʿAks-i meyi tāb-dih-i dȋde ḳıl |
| b | Şāẖ14-ı gül-i ḥasreti15bālȋde ḳıl |
| 117 | a | Eyle bu dāġ-ı dilümi dāyimā |
| b | Şemʿ-i fürūzende-i bezm-i ṣafā |
| 118 | a | Ṣun dile bir cām-ı kevākib-fişān |
| b | Raẖş-ı ẖayālüm ola āteş-ʿinān |
| 119 | a | Eyle bu nev şāhid-i zȋbendeyi |
| b | Yaʿnȋ ki bu bāġ-ı firȋbendeyi |
| 120 | a | Cāme-i iʿzāz ile ḳıl ser-bülend |
| b | Naġme-i taḥsȋn ile it ercmend |
| 121 | a | Bu gül-i şād-āb u leṭāfet-nümūn |
| b | Dest-i ẖazāndan ola yā Rab maṣūn |
| 122 | a | Jālesi olsun o gülüñ ser-be-ser |
| b | Nūr-ı nigāh-ı dil-i ehl-i naẓar |
| 123 | a | Ola İlāhȋ bu ʿarūs-ı kelām |
| b | Zȋb-dih-i ḥaclegeh16-i ẖāṣ u ʿām |
| 124 | a | Devlet-i ḥüsni bula dāyim kemāl |
| b | İtmeye nā-maḥreme ʿarż-ı cemāl |
| 125 | a | Bikr-i ẖayāl-i dil-i muʿciz-penāh |
| b | Gevher-i ḥikmetle mükellel-külāh |
| 126 | a | Olsa n’ola ḥüsn-i-le mihr-iştihār |
| b | Cāme-i zer-tārı degül müsteʿār |
| 127 | a | Göñlümi hem-sāye-i pervāne it |
| b | Zülf-i temennā-yı dili şāne it |
| 128 | a | Eyle dili silsile-i ʿışḳa bend |
| b | Tā ola āvāze-i ʿışḳı bülend |
| 129 | a | Eyle reh-i ʿışḳda pūyān beni |
| b | Şȋfte-i çāk-ı girȋbān beni |
| 130 | a | Laẖlaẖa-i derd-i maḥabbetle tā |
| b | Ola meşāmm-ı dil-i ḥasret-nevā |
| 131 | a | Dāġ-nih-i sȋne-i müşk-i Ḫoten |
| b | Ḫāne-ber-endāz-ı nesȋm-i çemen |
| 132 | a | Şuʿle-i meyle gözüme17nūr vir |
| b | Ḥall-i hezār ʿuḳde-i mestūr vir |
| 133 | a | Dāġ-ı ġamı zȋb-dih-i sȋne ḳıl |
| b | Gülleri ʿaks-efgen-i āyȋne ḳıl |
| 134 | a | Tā ola murġ-ı dil-i ġam-āzmā |
| b | Naġme-i ḥasret-zen ü ẖūnȋn-nevā |
| 135 | a | Murġ18-ı ẖayāl-i dil-i muʿciz-nevā |
| b | Böyle olur nāṭıḳa-bend-i edā |
| 136 | a | Gevher-i elfāẓa viren zȋb-i tāmm |
| b | İtdi bu āyȋn ile basṭ-ı niẓām |
| 137 | a | ʿAhd-i ḳadȋm içre olup müstedām |
| b | Var-idi bir şāh-ı s̲üreyyā-ġulām |
| 138 | a | Gül-bün-i iḳbāli olup ser-bülend |
| b | Olmadı bir ġonca ile ercmend |
| 139 | a | Sāġar-ı ser-şār-ı emel muttaṣıl |
| b | Olmış-idi gerçi ki anda güsil |
| 140 | a | İçdügi cām-ı mey-i laʿline reng |
| b | Olur idi ol sebeb-ile şereng |
| 141 | a | Bu ġam u endūhla bȋ-ẖvāb idi |
| b | Pȋreheni19vāṣıl-ı meh-tāb idi |
| 142 | a | Olmış-idi bu ġam ile bȋ-mirā |
| b | ʿÖmri telef-sāz-ı laʿall ü ʿasā |
| 143 | a | Olmış-idi bu ġam ile lā-cerem |
| b | Ḫaṭṭ-ı ümȋd-i dil-i zārı be-hem |
| 144 | a | Oldı bu endȋşe ile mā-ḥaṣal |
| b | Pençe20-kün-i şāẖ-ı dıraẖt-ı emel |
| 145 | a | Tā ola ʿahdinde süẖan-güsterān |
| b | Yaʿnȋ ḥakȋmān-ı bedāyiʿ-resān |
| 146 | a | Şuḳḳa-ber-efrāşt[ȋ]-i sūy-ı felek |
| b | ʿĀzim-i siyāhȋ-i rūy-ı felek21 |
| 147 | a | Tā ola mı şāh-ı sipihr-iḥtişām |
| b | Devlet-i ferzend-i-le şȋrȋn-kām |
| 148 | a | Oldı çü ḥükm-i şeh-i ḳudsȋ-medār |
| b | Ol nesaḳ üzre çü celȋ-iʿtibār |
| 149 | a | İtdi o ḳudsȋ-raḳamān-ı ḳadem |
| b | Noḳṭa-i mȋm üstine ṭarḥ-ı raḳam |
| 150 | a | Bend idüp her biri cāme-niṭāḳ |
| b | İtdiler āẖir bu söze ittifāḳ |
| 151 | a | Kim ola şāẖ-ı gül-i iḳbāl-i şāh |
| b | Bir gül-i-le ġayret-i ẖūrşȋd ü māh |
| 152 | a | Naẖl-i vücūd-ı şeh-i gerdūn-medār |
| b | Ola berūmend-i şeref-yāb-ı bār |
| 153 | a | Āyȋne-i baẖt-ı şeh-i nükte-fāl |
| b | Ola cilā-dāde-i tāb-ı cemāl |
| 154 | a | Nādire-sencān-ı nevā-yı kühen |
| b | Böyle olur naġme-fezā-yı süẖan |
| 155 | a | Āẖirü’l-emr ol şeh-i gerdūn-ġulām |
| b | Lāzıme-i sūra idüp ihtimām |
| 156 | a | Sūr içün oldı be-ṣad inbisāṭ |
| b | Her ṭarafa ceşn-i fikende-bisāṭ |
| 157 | a | Meşʿale-i māhı yaḳup rūzigār |
| b | Eyledi bezm-i felegi tāb-dār |
| 158 | a | Zühre alup destine çengin o dem |
| b | Geldi hemȋn raḳṣa sipihr-i dijem |
| 159 | a | Penbe ile gülleri dest-i ṣabā |
| b | Eyledi dāġ-ı dil-i saḳf-ı semā |
| 160 | a | Süfre-i mihri döşeyüp nā-gehān |
| b | Ḳurṣ-ı mehi itdi felek zȋb-i ẖvān |
| 161 | a | Meclis-i gerdūna virüp tāb u fer |
| b | Başladı devr eylemege cām-ı zer |
| 162 | a | Oldı nigūn cām-ı hilāl-i semā |
| b | Düşse n’ola ḳaṭreleri cā-be-cā |
| 163 | a | Sāġar-ı ʿişret olıcaḳ cilveger |
| b | Yaḳdı felek sȋnesine dāġlar |
| 164 | a | Mā-ḥaṣal ol sūr içün rūzigār |
| b | Nāfe-i müşkin açup itdi nis̲ār |
| 165 | a | Virdi nişān şevher-i çarẖ-ı berȋn |
| b | Leylȋ-i gerdūna zer engüşterȋn |
| 166 | a | Eyledi teslȋm o dem kehkeşān |
| b | Mınṭaḳa-i zirre muraṣṣaʿ nişān |
| 167 | a | Germ olıcaḳ şevḳ-i-le ol encümen |
| b | Rişte-i lü’lü’sini virdi peren |
| 168 | a | Eylediler şāha be-ṣad iẖtiṣāṣ |
| b | Ḥaclegeh22-i bikr-i temennāyı ẖāṣ |
| 169 | a | Oldı çü āmȋẖte şȋr ü şeker |
| b | Āb dil-i āteşi itdi maḳarr |
| 170 | a | Eyledi ẓāhir yine Rabb-ı muʿȋn |
| b | Berg-i gül-i terden ʿiyān yāsemȋn |
| 171 | a | Geldi mizācına meger inḥirāf |
| b | Oldı çekān bȋnȋ-i gülden ruʿāf |
| 172 | a | Olsa güher-pāş seḥāb-ı şeref |
| b | Ḳaṭre-i dür ola çekān-ı ṣadef |
| 173 | a | Olsa ḳaçan ḳaṭre-fişān ebr-i ẓıll |
| b | Pür-güher-i feyż ola dāmān-ı tell |
| 174 | a | Gül-bün-i ḥüsn oldı be-feyż-i Ḫudā |
| b | Yaʿnȋ ki ābisten-i verd-i ṣafā |
| 175 | a | Mihr-i celȋ-şaʿşaʿa-i ḥüsn-tāb |
| b | Oldı meger ḥāmile-i āfitāb |
| 176 | a | Māder-i çarẖ oldı çü zāyende-fāl |
| b | Ṭıfl-ı ẖor itdi yine ʿarż-ı cemāl |
| 177 | a | Ḳābile-i māhdan irdi nüvȋd |
| b | K’aẖter-i burc-ı şeref oldı pedȋd |
| 178 | a | Devḥa-i iḳbāle o nev-res nihāl |
| b | Oldı çü peyveste-i evc-i kemāl |
| 179 | a | Şāh felek-ḳadr ü kerem-güsteri |
| b | Yaʿnȋ o ferzend-i bülend-aẖteri |
| 180 | a | Kesb-i ʿulūm itmek-içün23bȋ-mirā |
| b | Virdi bir üstāda k’ola reh-nümā |
| 181 | a | Ṣaḥn-ı debistānuñ o tāb-ı ʿiẕār |
| b | Her ṭarafın eyledi firdevszār |
| 182 | a | Eyledi ol ʿārıż-ı ẖūrşȋd-fer |
| b | Pehn-i debistānı çü leb-rȋz-i ẖvar |
| 183 | a | Kes̲ret-i neẓẓāreden anda meger |
| b | Ṣayḳal-ı dȋvār idi nūr-ı naẓar |
| 184 | a | Olmış-idi her ṭaraf ʿuşşāḳ-ı zār |
| b | Ġarḳa-i deryā-yı tecellȋ-i yār |
| 185 | a | Kes̲ret-i neẓẓāreden ol cāygāh |
| b | Farḳ olınmazdı çü nūr-ı nigāh |
| 186 | a | Lāyıḳ idi itse o ẖūrşȋd-fer |
| b | Pey-siper-i ẖāmesini levḥ-i ẖvar |
| 187 | a | Kilk-i ʿuṭārid aña teslȋm idi |
| b | Māh aña zer levḥa-i taʿlȋm idi |
| 188 | a | Nükte-serāyān-ı belāġat-raḳam |
| b | Böyle olur zȋb-ṭırāz-ı ḳalem |
| 189 | a | Zemzeme-sāzān-ı ḥadȋs̲-i kühen |
| b | Bāre-i taʿrȋfi idüp ḳaṭre-zen |
| 190 | a | Sābıḳa-gūyān-ı sipihr-i dijem |
| b | Eyledi bu merkeze vażʿ-ı ḳadem |
| 191 | a | ʿAhd-i ḳadȋm içre ʿadȋmü’n-naẓȋr |
| b | Var idi bir rind-i nezāket-debȋr |
| 192 | a | Nükte-şināsende-i devrān idi |
| b | Kesb-i maʿārifde şitābān idi |
| 193 | a | Nāmla dervȋş-i maḥabbet-ḳarȋn |
| b | Sūd u ziyān-dȋde-i çarẖ-ı berȋn |
| 194 | a | Bir gün o ṣāḥib-dil ü pākȋze-ẖū |
| b | Eyler iken her ṭarafı cüst ü cū |
| 195 | a | Gördi ki bir ṭarḥ-ı pesendȋdedür |
| b | Ḫışt-ı deri merdümek-i dȋdedür |
| 196 | a | Oldı idüp farṭ-ı taḥayyürle āh |
| b | Tekye-zen-i nūr-ı ʿaṣā-yı nigāh |
| 197 | a | Diḳḳat ile eyleyüp ol dem naẓar |
| b | Gördi ki bir mekteb-i ferruẖ-es̲er |
| 198 | a | Gördi müşaẖẖaṣ24 idüp ol dem nigāh |
| b | Ṣaf-zede olmış niçe pervȋn-i māh |
| 199 | a | Lȋk biri cümleden olmış firāz |
| b | Naẖl-i ḳadi zȋb-i ẖıyābān-ı nāz |
| 200 | a | Gerçi niçe gül-bün-i zȋbende var |
| b | Lȋk o gülde es̲er-i ẖande var |
| 201 | a | Bir ruẖ-ı tābende-i ẖūrşȋd-fer |
| b | Dȋde-i şevḳ eylese neẓẓāre ger |
| 202 | a | Ola giriftār-ı ruẖ-ı hem-çü māh |
| b | Eylemeye dȋdeye ʿavdet-nigāh |
| 203 | a | Olmada ol mertebe nüẓẓāra zār |
| b | Nūr-ı nigāh-ile o tāb-ı ʿiẕār |
| 204 | a | Fi’l-mes̲el olmış o ruẖ-ı āteşȋn |
| b | Şeb-nem ile pür-gül-i behcet-ḳarȋn |
| 205 | a | Tāb-dih-i levḥa-i rūy-ı çü māh |
| b | Ṣanma ola noḳṭa-i ẖāl-i siyāh |
| 206 | a | Ḳalmış olup ḥayret ile bȋ-ḳarār |
| b | Merdümek-i dȋde-i ʿuşşāḳ-ı zār |
| 207 | a | Yāẖud ider bir ḥabeşȋ rū-siyāh |
| b | Çeşme-i ẖūrşȋdde her dem şināh |
| 208 | a | Levḥa-i mihre ser-i kilk-i ḳażā |
| b | Ḳoydı meger noḳṭa-i ḥayret-fezā |
| 209 | a | Tāb-ı ruẖı şuʿle-i seyyāledür |
| b | ʿĀrıżı dāġ-ı dil-i ṣad lāledür |
| 210 | a | Hey’et-i ebrūsını itmiş Ḫudā |
| b | Gūşe-i miḥrāb-ı niyāz u duʿā |
| 211 | a | Ġamzesi efsūnger-i cādū-firȋb |
| b | Her nigehi ḥavṣala-sūz-ı şekȋb |
| 212 | a | Nāzla mestāne ẖırām itse ger |
| b | Maḥşer-i āşūb ola reh-güẕer |
| 213 | a | Görse eger tāb-ı ruẖın cām-ı mey |
| b | Sȋne-i ṣahbāya ura dāġ u key |
| 214 | a | Rūy-ı ʿaraḳ-pāş-ı büt-i māh-çihr |
| b | Olsa eger tāb-dih-i çeşm-i mihr |
| 215 | a | Dirdi ki bulmış ne ʿaceb āb u tāb |
| b | Dürr-i perenle ser-i silk-i şihāb |
| 216 | a | Olsa muḳābil o ruẖ-ı pāke ger |
| b | Ġonca-i taṣvȋr bula tāb u fer |
| 217 | a | Gülşene ʿarż itse ider ṭalʿati |
| b | Gülleri ġarḳ-ı ʿaraḳ-ı ẖacletȋ |
| 218 | a | Ola nigāh itse ruẖ-ı yāra ger |
| b | Güm25-şüde-i nūr-ı tecellȋ-naẓar |
| 219 | a | Murġ26-ı dil-i ʿāşıḳ-ı şūrȋde-ḥāl |
| b | Oldı giriftār-ı kemend-i celāl |
| 220 | a | Oldı cebȋn-sāya teh-i lāy-ı ʿışḳ |
| b | Aldı ayaḳdan anı ṣahbā-yı ʿışḳ |
| 221 | a | Eyleyüp endȋşe-i mūy-ı miyān |
| b | Maḥv-ı vücūd itdi çü mȋm-i dehān |
| 222 | a | Oldı o dervȋş-i melāmet-es̲er |
| b | ʿĀşıḳ-ı şeh-zāde-i ʿālȋ-güher |
| 223 | a | Didi ki yā Rab bu füsūn-sāz-ı nāz |
| b | Āteş-i ruẖsāresi ʿālem-güdāz |
| 224 | a | Rūḥ mıdur peyker-i behcet midür |
| b | İns midür ḥūrȋ27-i cennet midür |
| 225 | a | Ḳad mi bu yā naẖl-i dil-ārā mıdur |
| b | Fitne-i nev-ẖȋz-i temennā mıdur |
| 226 | a | Gözleri mey-ẖāne-i nāz u niyāz |
| b | Ġamzeleri sāḳȋ-i nȋreng-sāz |
| 227 | a | Ġamze degül fitne-i mestūrdur |
| b | Her nigeh ābisten-i ṣad şūrdur |
| 228 | a | Çeşmi siyeh-mest-i raḥȋḳ-i firȋb |
| b | Cāẕibe-i ḥüsn-i-le ṣunʿ-ı ġarȋb |
| 229 | a | Hey’et-i ebrūları müşkȋn kemān |
| b | Nāvek-i tȋre müjesi28cān-sitān |
| 230 | a | Çeşm degül fitne-i ẖvābȋdedür |
| b | Silsile-i ṭurresi pȋçȋdedür |
| 231 | a | Levḥa-i ruẖsārı gül-i māh-zȋb |
| b | Nergis-i cādūsı melā’ik-firȋb |
| 232 | a | Ḳanḳı sipihrüñ meh-i tābānıdur |
| b | Ḳanḳı riyāżuñ gül-i ẖandānıdur |
| 233 | a | Mā-ḥaṣal ol ʿāşıḳ-ı rūy-ı nigū |
| b | Böyle iderdi ġam-ile güft ü gū |
| 1.00 | a. | Ey sürme-i çeşme mihr olan ẖāk-i rehi |
| b. | Üftāde-i naẖl-i ḳāmetüñ serv-i sehi | |
| c. | Men ẖāke düşerse feyż-i iksir eyler | |
| d. | Kemter nigeh-i gūşe-i çeşm-i siyehi |
| 234 | a | Eyledi dervȋş-i maḥabbet-nigāh |
| b | Böyle diyüp ʿavdet-i ārāmgāh |
| 235 | a | Ḥasret ile gitdi o miḥnet-neverd |
| b | Ḳaldı ne ki şöyle ser-āsȋme-gerd |
| 236 | a | Zȋver-i ʿışḳ-ile çü buldı şeref |
| b | Eyledi ʿaḳl ü ẖıredi ber-ṭaraf |
| 237 | a | ʿIşḳdur ol neşve-i sırr-ı celȋ |
| b | Nüsẖa-i ʿışḳ-ı ezelüñ mücmeli |
| 238 | a | ʿIşḳdur ol feyż-i Ḫudā-yı ʿalȋm |
| b | Ṣayḳalȋ-i ḳalb-i ṣaḥȋḥ ü saḳȋm |
| 239 | a | ʿIşḳdur ol pertev-i envār-ı ẕāt |
| b | Maẓhar-ı keyfiyyet-i ẕāt u ṣıfāt |
| 240 | a | ʿIşḳdur ol neş’e29-i cām-ı şarāb |
| b | ʿIşḳdur ol nüsẖa-i ümmü’l-kitāb |
| 241 | a | ʿIşḳ-ı ezel ḳılmasa hergiz es̲er |
| b | Olmaz-idi cām-ı felek cilveger |
| 242 | a | Nükte-serāyān-ı dürer-irtisām |
| b | Böyle virür dürr-i kelāma niẓām |
| 243 | a | ʿIşḳ-i-le dervȋş-i maḥabbet-meniş |
| b | Sȋlȋ-i ḥasretle görüp ser-zeniş |
| 244 | a | ʿIşḳ-ile hem-vāre bulup pȋç30 ü tāb |
| b | Şaẖṣ-ı cünūnı-y-la iderdi cevāb |
| 245 | a | ʿIşḳ-i-le āşüfte-ẖayāl-i hevā |
| b | ʿAḳl-i-le bȋgāne-rev-i ibtilā |
| 246 | a | Şȋfte-dil ʿāşıḳ-ı miḥnet-heves |
| b | Dil-şüde-i naẖl-i ḳad-i tāze-res |
| 247 | a | Ḫançer-i hecr-ile olan sȋne-çāk |
| b | Dāġ-ı ġam u miḥnet ile derdnāk |
| 248 | a | Lāle gibi dāġ-be-dil dȋde ẖūn |
| b | ʿIşḳ-ṭaleb sāġar-ı ʿişret nigūn |
| 249 | a | Māyil-i naẖl-i ḳad-i mevzūn-ı yār |
| b | Bād gibi ʿışḳ-i-le bȋ-iẖtiyār |
| 250 | a | Beste-i zencȋr-i füsūn-ı nigāh |
| b | Şȋfte-i pȋçiş31-i zülf-i siyāh |
| 251 | a | Küşte-i tȋġ-i nigeh-i ẖışm-ı yār |
| b | Beste-dil-i ṭurre-i ʿanber-nis̲ār |
| 252 | a | Gelse ẖayāl-i ruẖ-ı dāniş-güsil |
| b | Olur idi secdegeh-i dȋde dil |
| 253 | a | Şȋve-i reftārı ile pāy-māl |
| b | Fikret-i gȋsū-y-ile āşüfte-ḥāl |
| 254 | a | Ceẕbe-i ʿışḳ itdi çü bȋ-iẖtiyār |
| b | Virdi bu kār üstine āẖir ḳarār |
| 255 | a | Saʿy-ı reh-i ʿışḳda muḳaddem ola |
| b | Nāṣiye-fersā-yı muʿallem ola |
| 256 | a | Anuñ ile neyl-i şeref eyleye |
| b | Vāsıṭa-i meyl-i şeref eyleye |
| 257 | a | ʿIşḳ-i-le āẖir ola ṭıfl-ı sebaḳ |
| b | Ḳaṭre-i eşkin ide zȋb-i varaḳ |
| 258 | a | Cāẕibe-i ʿışḳ olıcaḳ cilve-gȋr |
| b | ʿAḳl ü ẖıred eyleye selb-i es̲ȋr |
| 259 | a | Ṭarf-ı debistāna muḥaṣṣal tamām |
| b | İtdi hemān ʿaṭf-ı ʿinān-ı merām |
| 260 | a | Mekteb-i şeh-zādeye dervȋş-i zār |
| b | Vardı olup ʿışḳ-i-le āşüfte-kār |
| 261 | a | Gördi muʿallim anı āşüfte-ḥāl |
| b | Açdı telaṭṭufla zebān-ı su’āl |
| 262 | a | Didi eyā ʿārif-i ẖoş-ẕāt-ı ʿışḳ |
| b | Rām-şev-i dām-ı mülāḳāt-ı ʿışḳ |
| 263 | a | Dȋde-i ḥayretden olan ḳaṭre-pāş |
| b | Nāẖun-ı hicrān ile ẖāṭır-ẖırāş |
| 264 | a | Rişte-be-pā-zāde o murġ-ı heves |
| b | Āhla āteş-zen-i künc-i ḳafes |
| 265 | a | Nāyire-i ḥasret ile sȋne germ |
| b | Mest-i mey-i sāġar-ı āzerm ü şerm |
| 266 | a | Sūẖte-i āteş-i ruẖsār-ı yār |
| b | Yaʿnȋ ki pervāne-i şemʿ-i ʿiẕār |
| 267 | a | Fikr-i leb-i dil-ber ile şuʿle-nūş |
| b | ʿĀşıḳ-ı pür-ḥayret ü ḥikmet-niyūş |
| 268 | a | Eyle beyān naḳş-ı sevāduñ nedür |
| b | Maʿnȋ-i mażmūn-ı murāduñ nedür |
| 269 | a | Didi eyā ẖvāce-i dāniş-pijūh |
| b | Ve’y ʿilim-efrāz-ı meʿālȋ-şükūh |
| 270 | a | Şȋfte-i miḥnet-i derd-i ġamem |
| b | Meclis-i ẖāṣ-ı eleme maḥremem |
| 271 | a | Her dem olur ol nigeh-i fitne-ẖȋz |
| b | Zaẖm-ı dile sūniş32-i elmās-rȋz |
| 272 | a | Naḳş-ı çep33-endāzȋ-i gerdūn-ı dūn |
| b | Eyledi ḥırmān-ı dilüm āzmūn |
| 273 | a | Alsam ele sāġar-ı ʿişret-sigāl |
| b | Eyleye işkeste-i seng-i melāl |
| 274 | a | Dūnȋ-i baẖtum o ḳadar kim eger |
| b | Ṭarf-ı gülistāna idersem naẓar |
| 275 | a | Bāġdaki her gül-i behcet-nümūn |
| b | Ḫūn-ı sirişkümle ola ġarḳ-ı ẖūn |
| 2.00 | a. | Ey münşȋ-i ṭabʿ u naḳş-pȋrā-yı żamȋr |
| b. | Olma ġalaṭ-ārā-yı rüsūm-ı tedbȋr | |
| c. | Olmaz raḳam-ı baẖtı sefȋd ehl-i dilüñ | |
| d. | Ger levḥa-i āfitāba itseñ taḥrȋr |
| 276 | a | Yaʿnȋ bu şehr içre bu miḥnet-naṣȋb |
| b | Mıṣraʿ-ı tażmȋn gibi düşdüm ġarȋb |
| 277 | a | Baẖtı remȋde ʿalem-efrāz-ı ʿışḳ |
| b | Dil-şüde-i ġamze-i ġammāz-ı ʿışḳ |
| 278 | a | Bāġ-ı ümȋd-i dil-i ḥasret-nedȋm |
| b | Āhum ile olmada āteş-nesȋm |
| 279 | a | Dȋde-i baẖt-ı dil-i miḥnet-füzūn |
| b | Oldı o deñlü ġam-i-le ġarḳ-ı ẖūn |
| 280 | a | Her nereye kim ṣala tāb-ı naẓar |
| b | Eyleye deryāçe-i ẖūn çeşm-i ter |
| 281 | a | Bȋ-ẖıred-i ḥālet-i ʿışḳ u cünūn |
| b | ʿĀşıḳ-ı miḥnet-keş ü ġam-āzmūn |
| 282 | a | ʿİlmden olmaġa bu dem behre-yāb |
| b | Oldı ẖıred ṭālib-i feyż-i ẖiṭāb |
| 283 | a | Oldı çü üstād-ı meʿānȋ-naṣȋb |
| b | Gūş-güẕār-ı naġamāt-ı ġarȋb |
| 284 | a | Oldı rıżā-dāde-i ḳayd-ı ṭaleb |
| b | Ḫvāce-i şeh-zāde-i ʿālȋ-ḥaseb |
| 285 | a | Gördi çü dervȋş-i felāket-nüvȋd |
| b | Āyȋne-i baẖtda rūy-ı ümȋd |
| 286 | a | Levḥa-i taʿlȋme idüp ibtidā |
| b | Şekl-i elif oldı ḳaçan rū-nümā |
| 287 | a | Didi bu naẖl-i ḳad-i mevzūnıdur |
| b | Dȋde anuñ vālih ü meftūnıdur |
| 288 | a | Şekl-i elif mi ḳad-i dil-cū mıdur |
| b | Rā mı bu māhiyyet34-i ebrū mıdur |
| 289 | a | Dāl mı bu ḳāmet-i ʿāşıḳ mıdur |
| b | Rābıṭa-i ʿışḳa muvāfıḳ mıdur |
| 290 | a | Bir niçe dem ʿāşıḳ-ı bȋ-iẖtiyār |
| b | İtdi bu üslūbla anda ḳarār |
| 291 | a | Ḫvāce baḳup bir dem o üftādeye |
| b | Eyledi şāgird anı şeh-zādeye |
| 292 | a | ʿIşḳ ki bir dilde ola cāy-gȋr |
| b | Eyleye bāzȋçeȋ ṭıflāna pȋr35 |
| 293 | a | Pādişehi ʿışḳ ider geh gedā |
| b | Gāh gedāyı şeh-i ḳuds-i aʿlā |
| 294 | a | ʿIşḳdur āyȋne-i esrār hem |
| b | ʿIşḳdur el-ḳıṣṣa ḥudūs̲ u ḳıdem |
| 295 | a | Nefy-i ḥudūs̲ itmez idi ehl-i ʿışḳ |
| b | Cevher-i ẕāt olmasa ger aṣl-ı ʿışḳ |
| 296 | a | ʿIşḳdur ehl-i dile miʿrāc-ı rūḥ |
| b | Zȋver-i dȋbāce-i aṣl-ı fütūḥ |
| 297 | a | ʿIşḳdur [ol] ṣavb-ı hüdāya sübül |
| b | Cevhere-i mādde-i aṣl-ı küll |
| 298 | a | Ceẕbe-i ʿışḳ ʿāḳili mecnūn ider |
| b | Ḥālini hem-vāre diger-gūn ider |
| 299 | a | Eyledi şeh-zāde-i behcet-nişān |
| b | Dersini dervȋşe ser-ā-ser beyān |
| 300 | a | Düşse ḳaçan ʿaks-i ruẖı ṣafḥaya |
| b | Reşk ide ẖūrşȋd o ser-levḥaya |
| 301 | a | Tābiş-i rūyı-y-la olup tābnāk |
| b | ʿIşḳ-i-le olurdı varaḳ sȋne-çāk |
| 302 | a | Levḥa-i taʿlȋme idince naẓar |
| b | Maḥşer-i ervāḥ-ı meʿānȋ ider |
| 303 | a | Ġamzesi bir ẖançer-i dil-dūzdur |
| b | ʿĀrıżı bir şemʿ-i şeb-efrūzdur |
| 304 | a | Hey’et-i ebrūsı kemān-ı fiten |
| b | Her nigehi nāvek-i ẖārā-şiken |
| 305 | a | Olmış o ruẖsār-ı leṭāfet-ḳarȋn |
| b | Bāġçe-i ḥüsne gül-i āteşȋn |
| 306 | a | Tengdür ol mertebe mȋm-i dehān |
| b | Olsa ẖıred ṭālib-i feyż-i beyān |
| 307 | a | Ola dil-i zār u ʿadem-mültemes |
| b | Güm-şüde-i ḥayret ü ʿışḳ u heves |
| 308 | a | Çeşmi o āhū-yı füsūn-sāzdur |
| b | Ġamzesi āmȋẖte-i nāzdur |
| 309 | a | Eyler iken şāha o miskȋn nigāh |
| b | İrdi çü ferẖunde-dem-i çāştgāh36 |
| 310 | a | Cümle-i şāgird ʿale’l-infirād |
| b | Oldı çü destūrla ol demde şād |
| 311 | a | Māh-ı felek-tāb olınca revān |
| b | Buldı şikest encümen-i aẖterān |
| 312 | a | Lā-büd olur mihre irince zevāl |
| b | Ẕerreler idbārla ber-geşte-ḥāl |
| 313 | a | Olmasa gülşende ḳaçan verd-i ter |
| b | Çihre-i gülşen bula mı tāb u fer |
| 314 | a | Gitdi çü şeh-zāde-i ʿālȋ-tebār |
| b | Ḳaldı hemȋn derd-i-le dervȋş-i zār |
| 315 | a | Didi ki bu gerdiş-i vārūn nedür |
| b | Tȋġ-i melāmetle ciger-ẖūn nedür |
| 316 | a | Ẕevḳ ile ger bir dem ide muġtenem |
| b | Biñ ġam u ḥırmān ile eyler be-hem |
| 317 | a | Bir güli kim zȋver-i destār ider |
| b | Eyleye yüz dāġ-ı nedāmet be-ser |
| 3.00 | a. | Ey baẖt nedür bu nāziş-i gūn-ā-gūn |
| b. | Ehl-i dil olur mı renc-i ẖvāhişle zebūn | |
| c. | Peyġūle-i ġamda şemʿ-i tābende yeter | |
| d. | Bimār-ı melāle şuʿle-i dāġ-ı derūn |
| 318 | a | Eyler idi ʿışḳ-i-le ṭurmaz cevāb |
| b | Yaʿnȋ heyūlā-yı ẖayāle ẖiṭāb |
| 319 | a | Naẖl-i ḳadi ey ʿalem-efrāz-ı nāz |
| b | Tāb-ı ruẖı āteş-i ʿālem-güdāz |
| 320 | a | Sāye-i luṭfuñla idüp ser-bülend |
| b | Eyle bu ẖāk-i ḳademüñ ercmend |
| 4.00 | a. | Ey şūẖ-ı cihān ġamze-i evbāşuñ içün |
| b. | Tiġ-i müje-i dü çeşm-i ẖūn-pāşuñ içün | |
| c. | Mecrūḥ-ı nigāh-ı bi-emānuñdur dil | |
| d. | Ḳıyma men-i ẖūn-girifteye başuñ içün |
| 321 | a | Eyler iken böyle fiġān u enȋn |
| b | Yaʿnȋ ki dervȋş-i melāmet-rehȋn |
| 322 | a | Māh-ı celȋ-şaʿşaʿa-i tāb-sūz |
| b | Maṭlaʿ-ı ẖūrşȋdden itdi bürūz |
| 323 | a | Eyledi şeh-zāde-i ʿālȋ-himem |
| b | Dȋde-i dervȋşe çü vażʿ-ı ḳadem |
| 324 | a | Geldi ten-i ʿāşıḳ-ı bȋ-tāba cān |
| b | Eyledi ʿavdet yine rūḥ-ı revān |
| 325 | a | ʿAks-i ruẖı-y-la yine ol dil-sitān |
| b | Her ṭarafı eyledi Yūsufsitān |
| 326 | a | Mekteb içinde yine oldı pedȋd |
| b | Şāẖ-ı gül-i tāze-i behcet-nüvȋd |
| 327 | a | Oldı o nev ġonca-i sȋr-āb gül |
| b | Tekye-zen-i bāliş-i meh-tāb gül |
| 328 | a | İtdi debistānı o behcet-penāh |
| b | Tābiş-i ruẖsār ile leb-rȋz-i māh |
| 329 | a | Oldı yine ḥüsn-i-le ol meh-liḳā |
| b | ʿĀşıḳ-ı bȋ-tābına ḥayret-fezā |
| 330 | a | Ḥāṣılı dervȋş-i melāmet-es̲er |
| b | Eyler idi şāha nihānȋ naẓar |
| 331 | a | Belki idüp āteş-i ḥasretle āh |
| b | Eyler idi rūy-ı sipihri siyāh |
| 332 | a | Ger es̲er-i bādla zülf-i siyeh |
| b | Olsa ger üftāde-i rūy-ı çü meh |
| 333 | a | Dirdi ki eyvāh siyāhȋ-i şeb |
| b | Oldı giriftārȋ-i māha sebeb |
| 334 | a | Ḥayf ki zengȋ-i şeb-i tünd-ẖū |
| b | Çeşme-i mihr içre ider şüst ü şū |
| 335 | a | Böyle diyüp eyler idi bȋ-gürȋz |
| b | Dāmen-i müjgānını ẖūn-ābe-rȋz |
| 336 | a | Hȋç37 ola mı ʿışḳı beyān itmemek |
| b | Laẖlaẖa-i müşki ʿiyān itmemek |
| 337 | a | Geçdi bunuñ üstine bir niçe dem |
| b | ʿIşḳ-i-le dervȋş olup müttehem |
| 338 | a | Ḫvāce-i dānā-yı pesendȋde-kār |
| b | Oldı bu aḥvāle daḳāyıḳ-şümār |
| 339 | a | Āteş-i ʿışḳ-ı ġam-ı şeh-zādeden |
| b | Yaʿnȋ ki dil-sūzȋ-i ol bādeden |
| 340 | a | Gūne-i dervȋş-i belā-güsteri |
| b | ʿIşḳ-i-le gördi çü zer-i Caʿferȋ |
| 341 | a | Bildi ki nev-res o büt-i mehveşüñ |
| b | Tāze-nihāl ol ṣanem-i dil-keşüñ |
| 342 | a | ʿĀşıḳ-ı bȋ-tāb u hevā-dārıdur |
| b | Ḫaste-dil-i nergis-i bȋmārıdur |
| 343 | a | Eyledi şeh-zāde-i ʿālem-penāh |
| b | Cānib-i dervȋşe ġażabla nigāh |
| 344 | a | Ḥālet-i ʿışḳın bilüp ol dil-sitān |
| b | Eylemege başladı ẖışm-ı nihān |
| 345 | a | Nāliş-i bülbül idüp endūhgȋn |
| b | Gül yine ʿarż eyledi çȋn-i cebȋn |
| 346 | a | Bildi ki ol āhū-yı müşkȋn-kemend |
| b | Zülfine olmışdur ol āvāre bend |
| 347 | a | Ḫāme-i ḥasret-menişān-ı cihān |
| b | Eyledi bu nükteyi zȋb ü beyān |
| 348 | a | Ḥālet-i ʿışḳ u ġam-ı dervȋşden |
| b | Yaʿnȋ ki ol ʿāşıḳ-ı dil-rȋşden |
| 349 | a | Oldı ẖaber-yāb şeh-i kām-rān |
| b | İtdi yine şȋveye ʿaṭf-ı ʿinān |
| 350 | a | Gösterüp ebrūları çȋn-i ġażab |
| b | Ḳatl-i dil-i ʿāşıḳa ṣormaz sebeb |
| 351 | a | Ġamze-i pür-fitnesin ol meh-liḳā |
| b | İtdi yine germ-ʿinān-ı cefā |
| 352 | a | Ġamzesi ol gözleri seḥḥārenüñ |
| b | Sȋnesini ʿāşıḳ-ı āvārenüñ |
| 353 | a | Nāvek-i müjgānına idüp nişān |
| b | Eyledi ebrūsını müşkȋn kemān |
| 354 | a | Ḳatl-i dil-i ʿāşıḳa itdi hemȋn |
| b | Ġamze-i pür-fitnesini der-kemȋn |
| 355 | a | Āẖirü’l-emr ʿāşıḳ-ı miḥnet-nihād |
| b | Yaʿnȋ ki dervȋş-i melāmet-nijād |
| 356 | a | Gördi bu endȋşe-i kārı ehem |
| b | Kim ide gül-geşt-i beyābān-ı ġam |
| 357 | a | Dilde ġam-ı yārla yaḳup çerāġ |
| b | ʿIşḳ-i-le tā kim ola dāġ üsti bāġ |
| 358 | a | Āẖir o tenhā-rev-i pehnā-yı ġam |
| b | Ola beyābān-rev-i ṣaḥrā-yı ġam |
| 359 | a | Āteş-i āhı-y-la olup hem-ʿinān |
| b | Eyler idi bu sözi zȋb-i beyān |
| 5.00 | a. | Ey fitne-i ʿaḳl ü hūş olan şūẖ-ı cihān |
| b. | Ve’y ẖırmen-i ṣabr u ẖırede şuʿle-nişān | |
| c. | Dil mużṭarib-i miḥnet-i dū-rūy olmaz | |
| d. | Tek sinede dāġ-ı ʿışḳuñ olsun sūzān |
| 360 | a | Şehrden el-ḳıṣṣa be-ṣad derd-i ser |
| b | Eyledi dervȋş çü ʿazm-i sefer |
| 361 | a | Ḳanda ki ḥasretle iderse nigāh |
| b | Olur-idi anda müşaẖẖaṣ o māh |
| 362 | a | Ḳanda ki seyr eylese nev-res nihāl |
| b | Eyler idi ḳāmet-i yārı ẖayāl |
| 363 | a | Ḫūn-ı sirişki-y-le iderdi hemān |
| b | Reh-güẕer-i ḥasreti lālesitān |
| 364 | a | Mā-ḥaṣal eylerdi o bȋ-iẖtiyār |
| b | Eylese endȋşe-i gȋsū-yı yār |
| 365 | a | Ḫāne-ber-endāzȋ-i tedbȋr-i ʿışḳ |
| b | Silsile-cünbānȋ-i zencȋr-i ʿışḳ |
| 366 | a | Olur-iken ʿışḳ-i-le hāmūn-neverd |
| b | Yaʿnȋ ġam-ı hecr-i-le bȋ-hūde-gerd |
| 367 | a | Eyledi bu çarẖ-ı müşaʿbid-es̲er |
| b | Ḫazz-ı siyehfāmını bir dem beber |
| 368 | a | Çarẖ-ı sitem-güster ü pür-ʿarbede |
| b | Ḫırḳasını eyledi nȋlȋ-zede |
| 369 | a | Oldı yine āhū-yı çarẖ-ı berȋn |
| b | Müşk-fişānende-i rūy-ı zemȋn |
| 370 | a | ʿArṣa-i gerdūnda zerrȋn ġazāl |
| b | Oldı gürȋzān çü peyk-i ẖayāl |
| 371 | a | Oldı nücūm aẖger ü şām oldı şāl |
| b | Oldı o dem micmere-gerdān hilāl |
| 372 | a | Yaʿnȋ bürūz eyleyüp ās̲ār-ı şām |
| b | Oldı cihān güm-şüde-i tār-ı şām |
| 373 | a | Eyler iken nāle o miḥnet-nüvȋd |
| b | Māh-ı nev oldı yine ol dem pedȋd |
| 374 | a | Eyleyüp āheng-i niyāz u recā |
| b | Didi ki ey şūẖ-ı melāḥat-nümā |
| 375 | a | Eyleme tȋġ-i sitemüñ der-niyām |
| b | Zaẖm-ı ġamuñ tā ki ola müstedām |
| 376 | a | Tȋġ-i per-endāz mı ebrū mıdur |
| b | Şeb mi bu yā pȋçiş-i gȋsū mıdur |
| 377 | a | Sāḳȋ-i ḥüsnüñ mi olan bāde-ẖvār |
| b | K’oldı kenār-ı ḳadeḥi āşikār |
| 378 | a | Ḫançer-i zerrȋn miyānuñ mıdur |
| b | Yoẖsa o zer-tūz kemānuñ mıdur |
| 379 | a | Belki niṭāḳ-ı zerin ol dil-sitān |
| b | Eylemiş āvȋẖte-i āsumān |
| 380 | a | Oldı o üftāde-i miḥnet-sigāl |
| b | Secde-ber ü nūr-perest-i hilāl |
| 381 | a | Eyleyüp ol dem aña ʿarż-ı niyāz |
| b | Didi ki ey mest-i mey-i cām-ı nāz |
| 382 | a | Dāġ-ı ġamuñ sȋnede sūzān ola |
| b | Tügme-i zerrȋn-i girȋbān ola |
| 383 | a | Penbe-i dāġ-ı dil ola sūẖte |
| b | Belki çerāġ-ı ġamuñ efrūẖte |
| 384 | a | Fikret-i zülfüñle perȋşān olam |
| b | Rāh-neverd-i ġam-ı hicrān olam |
| 385 | a | Sen olasın nāz-ile düşmen-nevāz |
| b | Olmayasın derd-i dile çāre-sāz |
| 386 | a | Dȋde-i ġayra olasın rūşenā |
| b | Ṣalmayasın sāye-i luṭfuñ baña |
| 387 | a | Şemʿ-i ruẖuñ ʿālem-i meclis-fürūz |
| b | Baña ola dāġ-ı ġam-ı sȋne-sūz |
| 388 | a | Sāġar-ı luṭfuñ ṭuta elde raḳȋb |
| b | Baña ola dāġ-ı maḥabbet naṣȋb |
| 389 | a | Ben ġam-ı hecrüñle olam sȋne-çāk |
| b | Belki ciger-sūẖte-i infikāk |
| 390 | a | Ġayr ola iḥsānuñ ile muġtenem |
| b | Dūr-rev-i ẖāṭırı endūh [u] ġam |
| 6.00 | a. | Ey çeşmi siyāh-mest-i mey-ẖāne-i nāz |
| b. | Ve’y ġamzesi mest-i cām-ı ser-şār-ı niyāz | |
| c. | Müstaġni-i ʿışḳuñ eylemez vażʿ-ı ḳadem | |
| d. | Çarẖ itse perend-i mihrini pāy-endāz |
| 391 | a | Ṣubḥ olınca o felāket-ḳarȋn |
| b | Yaʿnȋ ki dervȋş-i melāmet-rehȋn |
| 392 | a | Dūd-ı dil-ile idüp āh u elȋm |
| b | Eyledi ebrū-yı sipihri vesȋm |
| 393 | a | Bir niçe eyyām ser-i kūhda |
| b | Yaʿnȋ ki ol cāy-ı ġam-enbūhda |
| 394 | a | Ḳaldı belā-yı ġam-ı hicrān ile |
| b | Nāliş ü feryād-ı ferāvān ile |
| 395 | a | Nāẓım-ı dürr-i süẖan-ı dil-peẕȋr |
| b | Böyle ider naẓm-ı ʿadȋmü’n-naẓȋr |
| 396 | a | Çünki bu cānibde şeh-i kām-rān |
| b | Yaʿnȋ ki şeh-zāde-i behcet-nişān |
| 397 | a | Eyledi dervȋş-i belā-güsteri |
| b | ʿIşḳ-i-le bȋ-tāb o ġam-perveri |
| 398 | a | Dūrȋ-i ʿışḳında olup münfaʿil |
| b | Oldı bu endȋşesi rāḥat-güsil |
| 399 | a | ʿIşḳ ola bir dilde çü hengāme-gȋr |
| b | Eyleye maʿşūḳı muḳaddem esȋr |
| 400 | a | Ḳursa ḳaçan ʿışḳ bisāṭ-ı şarāb |
| b | İtmek içün ʿālemi mest-i ẖarāb |
| 401 | a | Sāġar-ı mey olmadın anda şikest |
| b | Evvel ider ġamze-i sāḳȋyi mest |
| 402 | a | ʿIşḳ muḳaddem dil-i şemʿi yaḳar |
| b | Sūzişi pervāneye eyler es̲er |
| 403 | a | Olmasa gül ʿışḳ-i-le ger sȋne-çāk |
| b | Bülbüli itmezdi esȋr ʿışḳ-ı pāk |
| 404 | a | Olmasa keyfiyyet-i cām-ı raḥȋḳ |
| b | İtmez idi bāde-keşānı ḥarȋḳ |
| 405 | a | Bir dem olup rūy-ı felek ẖande-rȋz |
| b | Münẖal-i çarẖ olmış-idi müşk-bȋz |
| 406 | a | Ḫāne-i ẖammār-nişȋn-i seḥer |
| b | Gördi raḥȋḳ ile ṭolu cām-ı zer |
| 407 | a | Sāḳȋ-i gerdūn-ı sitem-āzmūn |
| b | İtdi yine cām-ı meyin ser-nigūn |
| 408 | a | Rüstem-i devr-i felek-i fitne-nām |
| b | Tȋġini idince seḥer der-niyām |
| 409 | a | Zaẖm-ı ciger-kāvȋ-i gerdūn-ı dūn |
| b | İtdi feżā-yı felegi ġarḳ-ı ẖūn |
| 410 | a | Eyledi bir şāhid-i ferẖunde-fāl |
| b | Cāme-i zerrȋn ile ʿarż-ı cemāl |
| 411 | a | Yaʿnȋ ki ṣubḥ oldı ser-ā-ser pedȋd |
| b | Oldı dil-i ʿāleme behcet nüvȋd |
| 412 | a | Ṣubḥ ki oldı şeh-i ḥüsn-intiʿāş |
| b | Tābiş-i ruẖsār ile ẖūrşȋd-pāş |
| 413 | a | Oldı yine naẖl-i ḳad-i fitne-sāz |
| b | Velvele-endāz-ı ẖıyābān-ı nāz |
| 414 | a | Cilvegeh-i nāzını ol fitne-ẖȋz |
| b | Eyledi ārāmgeh-i resteẖȋz |
| 415 | a | İtdi bu kār üstine ṭarḥ-ı s̲ebāt |
| b | Ḥażret-i şeh-zāde-i ẖūrşȋd-ẕāt |
| 416 | a | Tā ki olup teşne-i dȋdārını |
| b | Yaʿnȋ o ḥasret-keş-i ruẖsārını |
| 417 | a | Nāme-i luṭf-ile nevāziş ide |
| b | Ḥāl-i perȋşānını pürsiş ide |
| 418 | a | Yazmaġa bir nāme-i müşkȋn-raḳam |
| b | Oldı benān zȋb-ṭırāz-ı ḳalem |
| 419 | a | Ḫāmeyi siḥr-i süẖan-ı nāzdan |
| b | Yaʿnȋ o cādū-yı füsūn-sāzdan |
| 420 | a | Mest idüp bāde-i mażmūn-ı pāk |
| b | Oldı ġam-ı ḥasret-ile sȋne-çāk |
| 421 | a | Nāme ki bir feyż ü pesendȋdedür |
| b | Noḳṭasıdur merdümek-i dȋdedür |
| 422 | a | Her bün-i ḥarfinde ser-ā-ser nihān |
| b | Lāy-ı ẖum-ı bāde-i ḥikmet-resān |
| 423 | a | Var-idi bir ḳāṣıd-ı berḳ-iştiʿāl |
| b | Görmez idi gerdini peyk-i ẖayāl |
| 424 | a | İtse sebük-pāyȋ vü sürʿat-nümā |
| b | Yolda ḳala sāyesi çün naḳş-ı pā |
| 425 | a | Nāmeyi virdi aña şāh-ı cevān |
| b | Cānib-i dervȋşe ola tā revān |
| 426 | a | Aldı ele nāmeyi çünkim berȋd |
| b | Oldı dil-i ʿāşıḳa vuṣlat nüvȋd |
| 427 | a | Bāde-i ḥasretle olan ṭabla-ẖvār |
| b | Yaʿnȋ ki dervȋş-i melāmet-medār |
| 428 | a | Rāh-ı taraṣṣudda olup pāy-māl |
| b | Olmış-idi ʿışḳ-i-le āşüfte-ḥāl |
| 429 | a | İrdi o dem ḳāṣıd-ı ferruẖ-es̲er |
| b | Müjde-i vuṣlat gibi şȋrȋn ẖaber |
| 430 | a | Buldı o miḥnet-keş ü dil-dādeyi |
| b | Yaʿnȋ ki dervȋş-i belā-zādeyi |
| 431 | a | Nāṣiye-fersā-yı reh-i ʿışḳ-ı yār |
| b | Miḥnet-i hicrān ile āşüfte-kār |
| 432 | a | Virdi aña nāme-i ser-besteyi |
| b | Bülbüle gūyā gül-i nev-resteyi |
| 433 | a | Nāme-i ser-beste-i mihr ü vefā |
| b | Ġonca-i pȋçȋde38-i feyż-āşinā |
| 434 | a | Gördi ki bir şāhid-i pākȋze-rū |
| b | Fitne ile ġamzesi pür-güft ü gū |
| 435 | a | Gördi ki bir ruḳʿa-i muʿciz-es̲er |
| b | Dāmeni leb-rȋz-i güher ser-be-ser |
| 436 | a | Gördi ki bir ṭurfe vü şān-ı ġarȋb |
| b | Ġamzesi cādū-yı melā’ik-firȋb |
| 437 | a | ʿĀrıżına dȋde-i ḥayret esȋr |
| b | Çeşm-i mihir tāb-ı ruẖından żarȋr |
| 438 | a | Ḥāṣılı dervȋş-i pesendȋde-kār |
| b | Belki o fürḳat-keş ü ḥasret-tebār |
| 439 | a | Eyleyüp iẓhār-ı ġam u bendegȋ |
| b | Oldı cebȋn-sā-yı ser-efgendegȋ |
| 440 | a | Didi ki bu ġonca-i bāġ-ı vefā |
| b | Oldı ʿaceb ḳanḳı riyāż içre vā |
| 441 | a | Nāme degül bu Ḥabeşȋ bir ṣanem |
| b | Ḫāller ol noḳṭa-i müşkȋn-raḳam |
| 442 | a | Açdı ḳaçan ol gül-i işküfteyi |
| b | Dürc-i hezārān dür-i nā-süfteyi |
| 443 | a | Şāhid-i mażmūn-ı belāġat-fezā |
| b | Nūr-ı naẓar gibi olup rū-nümā |
| 444 | a | Dimiş eyā ġam-zede-i nā-murād |
| b | Miḥnet-i hicrān ile fürḳat-nihād |
| 445 | a | Nāvek-i dil-dūz-ı cefāya hedef |
| b | Levḥ-i ruẖ-ı şāhid-i baẖta kelef |
| 446 | a | Ḫār-ı melāl ü ġam-i-le dil-ẖırāş |
| b | Zaẖm39-ı derūna olan elmās-pāş |
| 447 | a | Sȋne-i pür-dāġla hecr-āşinā |
| b | Bāġ-ı ġama bülbül-i ẖūnȋn-nevā |
| 448 | a | Miḥnet ü ḥasretle ġam-engȋẖte |
| b | Āb-ı ruẖ-ı ʿışḳı iden rȋẖte |
| 449 | a | Tā key olup ʿışḳ-i-le hāmūn-neverd |
| b | Eyleyesin kendüñi bȋ-hūde-gerd |
| 450 | a | Āteş-i ʿışḳumla bulup iḥtirāḳ |
| b | Olmayasın sūẖte-i iştiyāḳ |
| 451 | a | Dāẖil-i ser-ḥalḳa40-i fürḳat misin |
| b | Bāde-keş-i sāġar-ı ḥasret misin |
| 452 | a | Derd-ile bȋdār mısın41ṣubḥ u şām |
| b | ʿIşḳ-i-le hüşyār mısın ṣubḥ u şām |
| 453 | a | Cām-ı mey-i luṭf-ı şeh-i nükte-dān |
| b | İtdi dil-i bāde-keşi ser-girān |
| 454 | a | Āyȋne-i baẖtda ol dil-ḥazȋn |
| b | Gördi ruẖ-ı şāhid-i baẖtı hemȋn |
| 455 | a | Didi İlāhā bu nevāl-i ʿaṭā |
| b | Ḫvāb mıdur k’oldı baña rū-nümā |
| 7.00 | a. | Şūride-i ḥüsn-i ʿālem-ārādur dil |
| b. | Divāne-i rūy-ı māh-simādur dil | |
| c. | Gerdūn n’ola görmezse nişān-ı ḳademüm | |
| d. | Güm-nām-ı feyāfi-i temennādur dil |
| 456 | a | Ṭurfe revişdür reviş-i kār-ı ʿışḳ |
| b | ʿAḳl olamaz bunda ẖaber-dār-ı ʿışḳ |
| 457 | a | Lāzıme-i ʿışḳ olur maḥv-ı küll |
| b | Kim budur āyȋn-i ḳadȋm-i sübül |
| 458 | a | ʿIşḳ-ı celȋ-şaʿşaʿa ẖūrşȋddür |
| b | Rābıṭa-i ʿālem-i tefrȋddür |
| 459 | a | ʿIşḳ ʿaceb sūz u güdāzendedür |
| b | Çihre-i āmāle ṭırāzendedür |
| 460 | a | ʿIşḳ ʿaceb maʿnȋ-i neşnȋdedür |
| b | Nūr-dih-i merdümek-i dȋdedür |
| 461 | a | Sāġar-ı ʿışḳ olmasa ger tāb-dār |
| b | Meclis-i ḥüsn olmaz-idi ber-ḳarār |
| 462 | a | Gülşen-i ʿışḳ olmasa ger meykede |
| b | Ġonca-i cām olmaz-idi vā-şüde |
| 463 | a | ʿIşḳ ḳaçan cilve-i āzerm ider |
| b | Ḫāṭır-ı maʿşūḳı o dem nerm ider |
| 464 | a | ʿIşḳdur esrār-ı nihāndan murād |
| b | Nükte-i maẖfȋ vü ʿiyāndan murād |
| 465 | a | ʿIşḳdur āyȋne-i envār-ı ẕāt |
| b | Belki hem ol āyȋne-i vehm-ṣıfāt |
| 466 | a | ʿIşḳdur aʿyānda olan cilveger |
| b | Cümle-i eşkāl ü rüsūm u ṣuver |
| 467 | a | ʿIşḳdur ol bāde-i lāy-ı ḳadȋm |
| b | Ser-ẖoş-ı teh-cürʿası ʿaḳl-ı kelȋm |
| 468 | a | ʿIşḳ dile bāde vü hem cāmdur |
| b | Cürʿa-keşi ʿārif-i Bisṭāmdur |
| 469 | a | Olmasa ger daʿvet-i ʿışḳ-ı dü-lā |
| b | Olmaz-idi ġonca-i miʿrāc vā |
| 470 | a | ʿIşḳdur aṣl-ı süẖan-ı ehl-i ḥāl |
| b | Belki hem ol āyȋne vü hem cemāl |
| 471 | a | Kilk-i mühendis-menişān-ı edā |
| b | Böyle urur ḳaṣr-ı ẖayāle binā |
| 472 | a | Şehr-i gülistān der-i Baġdādda |
| b | Yaʿnȋ ki ol belde-i ābādda |
| 473 | a | Var-idi bir gül-ẖenȋ-i ġam-me’āb |
| b | Bulmış-idi āteş-i ʿışḳ-ile tāb |
| 474 | a | Bir gün olup pādişeh-i şehre dūş |
| b | Oldı ẖum-ı bāde gibi pür-ẖurūş |
| 475 | a | Oldı reh-i ġamda o miḥnet-medār |
| b | Mā-ḥaṣal üftāde-i bȋ-iẖtiyār |
| 476 | a | Her dem olup reh-güẕer-i şāhda |
| b | Ḥayret-i neẓẓāre-i ol māhda |
| 477 | a | Ṣubḥ ki ʿazm eylese naẖçȋre42şāh |
| b | Ḥasret ü ḥayretle iderdi nigāh |
| 478 | a | Ġamzesi eylerdi nevāziş anı |
| b | Sāye-i iḥsān ile pürsiş anı |
| 479 | a | Var idi yanında şehüñ bȋ-naẓȋr |
| b | Bir hüner-ārāy vezȋr-i müşȋr |
| 480 | a | Gül-ẖenȋ-i zār u elem-güsterüñ |
| b | ʿĀşıḳ-ı miḥnet-keş ü ġam-perverüñ |
| 481 | a | Şāha olan ʿışḳına olup vuḳūf |
| b | Eyler anı ṭarḥ-ı ẓurūf-ı ḥurūf |
| 482 | a | Yaʿnȋ idüp ḥālet-i ʿışḳın beyān |
| b | İtdi ġażabnāk şehi ol zamān |
| 483 | a | Bir gün iderken yine şāha naẓar |
| b | Oldı nihādından anuñ bā-ẖaber |
| 484 | a | Söyledi cellāda şeh-i kām-rān |
| b | Sürʿat-i ḳatlinde ola berḳsān |
| 485 | a | Sāġar-ı ʿömrini nigūn eyleye |
| b | Cismini ġalṭȋde-i ẖūn eyleye |
| 486 | a | Şāha hemān laḥẓa43vezȋr-i güzȋn |
| b | Didi ki ey dāver-i devlet-ḳarȋn |
| 487 | a | Rütbe-i şāhāna bu lāyıḳ degül |
| b | Mertebe-i ʿadle muvāfıḳ degül |
| 488 | a | ʿIşḳ-i-ledür zȋver-i ḥüsn ü cemāl |
| b | ʿIşḳdur āyȋne-i rūy-ı kemāl |
| 489 | a | Olmasa meşşāṭe-i ʿışḳ āşikār |
| b | ʿĀrıż-ı ḥüsn olmaz-idi tāb-dār |
| 490 | a | ʿIşḳ ki bir dilde ola cilveger |
| b | Ġāret ü tārāc-ı şekȋbā ider |
| 491 | a | ʿIşḳ-ı żarūrȋ dili eyler esȋr |
| b | Ṣabr u taḥammül olamaz pençe-gȋr |
| 492 | a | Ṣadr-ı felek-rütbe-i fȋrūz-ı şāh |
| b | Yaʿnȋ vezȋr-i hüner-endūz-ı şāh |
| 493 | a | İtdi dil-i şāhı bu vech-ile nerm |
| b | Āteş-i nuṣḥ ile anı itdi germ |
| 494 | a | İtdi dil-i şāha es̲er sūz-ı ʿışḳ |
| b | Yandı yine şemʿ-i şeb-efrūz-ı ʿışḳ |
| 495 | a | Eylemege başladı ol pāk-ẕāt |
| b | ʿĀşıḳ-ı zāra nigeh-i iltifāt |
| 496 | a | Görse ser-i rāhda her bāmdād |
| b | ʿĀşıḳ-ı dil-dādesin olurdı şād |
| 497 | a | ʿĀdet-i me’lūfesi üzre o māh |
| b | Yaʿnȋ ki ol şāh-ı felek-bārgāh |
| 498 | a | Ṣaydgehe bir gün iderken güẕār |
| b | Gördi ki [yoḳ] ʿāşıḳ-ı bȋ-iẖtiyār |
| 499 | a | Gördi ki yoḳ ḥayretȋ-i ṭalʿati |
| b | Dil-şüde-i ṭalʿat-i pür-behceti |
| 500 | a | Tāb-ı ruẖa gördi ki āyȋne44yoḳ |
| b | Naḳd-i tevellāsına gencȋne yoḳ |
| 501 | a | Gördi ki45gülzārına yoḳ ʿandelȋb |
| b | Eylemege zemzeme-i dil-firȋb |
| 502 | a | Rābıṭa-i sūza gerekdür güdāz |
| b | Lāzıme-i nāzdur āẖir niyāz |
| 503 | a | Şemʿe viren revnaḳı pervānedür |
| b | Zülfi ṭırāzende iden şānedür |
| 504 | a | Bülbül ider gülleri nāz-āşinā |
| b | Güldür iden anı niyāz-āşinā |
| 505 | a | Mā-ḥaṣalı gördi vezȋr-i güzȋn |
| b | Geldi teġayyür [ruẖ]-ı şāha hemȋn |
| 506 | a | Didi ki ey şāh-ı meʿālȋ-penāh |
| b | Maḥż-ı füyūżāt-ı cenāb-ı İlāh |
| 507 | a | ʿIşḳ-i-ledür zȋver-i ḥüsn-i bütān |
| b | ʿIşḳdur ārāyiş-i meh-ṭalʿatān |
| 508 | a | İtdi dil-i şāha maḥabbet es̲er |
| b | Ḥāl-i perȋşānına itdi naẓar |
| 8.00 | a. | Ol bülbül-i ʿışḳuz ki ḳaçan zār oluruz |
| b. | Keyfiyyet-i ʿışḳdan ẖaber-dār oluruz | |
| c. | Olsaḳ ne ḳadar gül gibi pür-ẖūn yine biz | |
| d. | Āġūş-küşā-yı ẖançer-i ẖār oluruz |
| 509 | a | Böyle olur murġ-ı dil-i naġme-zen |
| b | Zemzeme-endāz-ı bisāṭ-ı çemen |
| 510 | a | Şāhid-i ʿışḳ u ġamuñ üftādesi |
| b | Bȋ-kes ü miḥnet-keş-i dil-dādesi |
| 511 | a | Nāme-i maḥbūb-ı hümā-sāyeden |
| b | Mā-ḥaṣal ol luṭf-ı bilā-ġāyeden |
| 512 | a | Oldı o rüsvā-şüde-i pür-elem |
| b | Şevḳ-i-le güm-geşte-i rāh-ı ʿadem |
| 513 | a | Ḳaṭre-i gül-gūn-ı sirişk-i miḥen |
| b | ʿArṣa-i rūyında olup ḳaṭre-zen |
| 514 | a | Farṭ-ı taḥassürle n’ola olsa hem |
| b | Rāh-ı taḥayyürde ferāmüş-ḳadem |
| 515 | a | Oldı reh-i ʿışḳda ḥasret-keşān |
| b | Şāṭır-ı endȋşe ile hem-ʿinān |
| 516 | a | Mā-ḥaṣal ol ʿāşıḳ-ı ḥasret-nevāl |
| b | Oldı der-i dil-bere ruẖsāre-māl |
| 517 | a | Şehre gelüp dȋde-i pür-ābla |
| b | Dāġ-ı dil ü sȋne-i pür-tābla |
| 518 | a | Kūy-ı dil-ārāya çün itdi güẕer |
| b | Eyler idi nāle vü feryādlar |
| 519 | a | Eyledi ol ʿāşıḳ-ı ḥasret-ḳarȋn |
| b | Rūy-ı niyāzı yine ferş-i zemȋn |
| 520 | a | Didi niçün ol ṣanem-i şȋvekār |
| b | Olmaya üftādesine destyār |
| 521 | a | Dȋde-i ʿuşşāḳına ol ġonca-fem |
| b | Eylemeye nāzla vażʿ-ı ḳadem |
| 9.00 | a. | Ey ḥüsn-i-le reşk-āver-i tāb-ı ẖūrşid |
| b. | Ve’y ʿārıżı sürẖ ġonca-i bāġ-ı ümid | |
| c. | Ḳıl tiġ-i nigāhuñla dili ṣad pāre | |
| d. | Çek levḥa-i ʿömr-i ʿāşıḳa medd-i resid |
| 522 | a | Böyle diyüp eyler iken āh u zār |
| b | Oldı meh-i burc-ı şeref tāb-dār |
| 523 | a | Didi ki ey şȋfte-i bȋ-ẖıred |
| b | ʿIşḳ-i-le ālüfte vü miḥnet-sened |
| 524 | a | Gülşen-i ʿışḳumda olup dāyimā |
| b | Bülbül-i ẖoş-naġme-i ḥasret-nevā |
| 525 | a | Urmayasın şevḳ-i-le cismiñe dāġ |
| b | Olmayasın ṭālib-i feyż-i sürāġ |
| 526 | a | Böyle diyüp ol büt-i ʿāşıḳ-nevāz |
| b | Oldı nihān-ı tutuḳ-ı ʿizz ü nāz |
| 527 | a | İtdi o dil-dāde-i bȋ-ẖānümān |
| b | Gūşe-i ġam-ẖāneye ʿaṭf-ı ʿinān |
| 528 | a | Eyledi āhı-y-la o dil-sūẖte |
| b | Şemʿa-i dāġ-ı dilin efrūẖte |
| 529 | a | Ol dem idüp ʿarż-ı niyāz u recā |
| b | Oldı cebȋn-sā-yı der-i kibriyā |
| 530 | a | Didi ki ey Ḫāliḳ-i kevn ü mekān |
| b | Tāb-dih-i encümen-i aẖterān |
| 531 | a | Ġamze-i ẖūbānı iden mest-i nāz |
| b | Her nigehin ḥavṣala-sūz-ı niyāz |
| 532 | a | ʿĀrıż-ı dil-dārumı gül gül iden |
| b | Aña dil-i ʿāşıḳı bülbül iden |
| 533 | a | Eyleyen ebrūsını müşkȋn kemān |
| b | Nāvek-i tȋr-i nigehin cān-sitān |
| 534 | a | Zülfini pȋçȋde46bir ejder iden |
| b | Ġamze-i ẖūn-rȋzini ẖançer iden |
| 535 | a | Çeşmini mey-ẖāne-i nāz eyleyen |
| b | ʿĀşıḳı ser-mest-i niyāz eyleyen |
| 536 | a | Şȋve-i reftārın iden fitne-sāz |
| b | Ḳāmetini serv-i ẖıyābān-ı nāz |
| 537 | a | Saẖt-dil-i şāhı yine nerm ḳıl47 |
| b | Ḳalbini dil-beste-i āzerm ḳıl |
| 538 | a | Eyle bu sūz-ı dil-ile şāhı germ |
| b | Ḳıl dil-i sengȋnini āhumla nerm |
| 539 | a | Eyleye tā ol şeh-i nāz-āşinā |
| b | Merḥamet-i ḥāl-i dil-i bȋ-nevā |
| 540 | a | Nāṣiye-fersā-yı niyāz iken ol |
| b | Buldı hemȋn ṣavt-ı icābet vuṣūl |
| 541 | a | Eyledi ẖāk-i rehin ol naẖl-i nāz |
| b | Sāye-i iḥsānı ile ser-firāz |
| 542 | a | Gördi ki mihr-i şeref-i tāb-sūz |
| b | Maṭlaʿ-ı iḳbālden itdi bürūz |
| 543 | a | Tābiş-i ruẖsārı virüp tāb u fer |
| b | Eyledi ol külbeyi leb-rȋz-i ẖvar |
| 544 | a | Eyledi ʿaks-i ruẖ-ı şāh-ı cihān |
| b | Dȋde-i dervȋşi yine gülsitān |
| 545 | a | Olsa gedā n’ola şeref-muḳterin |
| b | Oldı hümā farḳına sāye-fiken |
| 546 | a | Buldı yine ʿāşıḳ-ı bȋ-ẖānümān |
| b | Ḳālib-i bȋ-rūḥ gibi tāze cān |
| 547 | a | Vaṣlı ile itdi nevāziş anı |
| b | Eyledi mest-i mey-i pürsiş anı |
| 548 | a | Laʿl-i lebi oldı tefaḳḳud-nümūn |
| b | Ḳıldı şeker-pāşȋ-i zaẖm-ı derūn |
| 549 | a | Eyledi dil-ẖastesine ol perȋ |
| b | Şerbet-i laʿli-y-le müdāvāgerȋ |
| 550 | a | Mā-ḥaṣal ey Güftȋ-i miḥnet-neverd |
| b | Vādȋ-i ālāmda bȋ-hūde-gerd |
| 551 | a | Bir niçe dem gerçi sipihr-i dijem |
| b | Ādemi eyler ġam-i-le müttehem |
| 552 | a | Alsa ele cām olup mey-perest |
| b | Seng-i sitemle ider anı şikest |
| 553 | a | Olsa eger ġonca-i āmāli vā |
| b | Urur aña sȋlȋ-i dest-i ṣabā |
| 554 | a | Alsa ele cām-ı mey-i ʿayş ger |
| b | Eyler anı kāse-i ẖūn-ı ciger |
| 555 | a | Lȋk ider bir dem olur rūzigār |
| b | Basṭ-ı telāḳȋ-i melāli şiʿār |
| 556 | a | Böyledür āyȋn-i sipihr-i sipenc |
| b | Geh ġam u geh ẕevḳ ü gehȋ ʿayş u renc |
| 557 | a | Ey reh-i ʿiṣyānda olan dāyimā |
| b | Pey49-siper-i nefs-i ḥiyel50-āşinā |
| 558 | a | İster-iseñ raḥmet-i Rabb-ı celȋl |
| b | Kendüñe ḳıl ʿacz ü ẖulūṣı51 delȋl |
| 559 | a | İster-iseñ Kaʿbe-i vaṣla vuṣūl |
| b | Ṭaʿne-keş-i ẖār-ı muġaylānı ol |
| 560 | a | Dāyim olan vuṣlatına ẖvāstgār |
| b | Lāzım ola derd-keş-i hecr-i yār |
| 561 | a | Ṭurma hemān eyle ʿibādāt-ı Ḥaḳ |
| b | Zȋb-i felāḥ oldı çü ṭāʿāt-ı Ḥaḳ |
| 562 | a | Merḥamet-i Ḥaḳdan olur feyż-ẖvāh |
| b | Maʿṣiyet ü ḥācet ü ʿöẕr ü günāh |
| 563 | a | İster-iseñ rātibe-i raḥmeti |
| b | Pȋş52-nihād ile ʿubūdiyyeti |
| 564 | a | Ḫāliḳe sen ṭurma niyāz içre ol |
| b | Sūz-ı tażarruʿla güdāz içre ol |
| 565 | a | Bir gün ider ḥażret-i Rabb-ı raḥȋm |
| b | Bende-i muḥtācına luṭf-ı ʿamȋm |
| 566 | a | Belki ide sūz-ı niyāzuñ es̲er |
| b | Bāġ-ı ümȋdüñ ola şād-ābter |
| 567 | a | Rūy-ı ʿubūdiyyeti ḳıl dāyimā |
| b | Ferş-i zer-endūd-ı der-i kibriyā |
| 568 | a | Ey kerem ü luṭf-i-le ferd ü eḥad |
| b | Mālik-i gencȋne-i feyż-i ebed |
| 569 | a | Mübdiʿ-i ās̲ār-ı zemȋn ü zamān |
| b | Fāʿil-i terkȋb-i vücūd-ı cihān |
| 570 | a | Baḥr-ı maʿāṣȋye ġarȋḳ olmışam |
| b | Āteş-i cürm-ile ḥarȋḳ olmışam |
| 571 | a | Raḥmet ü ġufrānuñı idüp sened |
| b | Eylemişem cürm ü ẖaṭā bȋ-ʿaded |
| 572 | a | Gāh olup bü’l-heves-i ibtilā |
| b | ʿIşḳ-i-le āşüfte-dimāġ-ı hevā |
| 573 | a | Eyleyüp endȋşe-i gȋsū-yı yār |
| b | Belki olup şȋfte-i mūy-ı yār |
| 574 | a | İtdi beni mest şarāb-ı ġurūr |
| b | Virdi mebānȋ-i ṣalāḥa fütūr |
| 575 | a | Ḥayret-i ʿiṣyānla ālüfteyem |
| b | Vesvese-i cürm ile āşüfteyem |
| 576 | a | Nādire-gūyān-ı ḥikāyāt-fen |
| b | İtdi bu vech üzre edā-yı süẖan |
| 577 | a | Ḳuṭb-ı Arisṭo-meniş-i rūzigār |
| b | Şeyẖ-i Felāṭūn-ẖıred ʿālȋ-vaḳār |
| 578 | a | Kevkeb-i mesʿūd-ı sipihr-i ṣalāḥ |
| b | Mihr-i żiyā-güster ü çarẖ-ı felāḥ |
| 579 | a | Mes’ele-dānende-i aṣl-ı ḥurūf |
| b | Ṣadr-ı güzȋn-mertebe vü feylesof |
| 580 | a | Zühd ü ṣalāḥı-y-la ferȋd ü vaḥȋd |
| b | Ḥażret-i şeyẖü’l-ʿulemā Bāyezȋd |
| 581 | a | Cemʿ-i mürȋdān ile bȋ-riyā |
| b | Eyleyüp āẕȋne namāzın edā |
| 582 | a | Zümre-i aḥbāb ile bȋ-iştibāh |
| b | Eyler-iken ʿazm-i reh-i ẖānḳāh |
| 583 | a | Gördi ser-i rāhda bir rind-i mest |
| b | Şȋşe-i ʿaḳl ü dilin itmiş şikest |
| 584 | a | Ṭutmış olup āb u gil içre maḥal |
| b | Ġavṭa-ẖor-ı lücce-i āb [u] vaḥal |
| 585 | a | Ḥażret-i şeyẖe53idüp ol dem nigāh |
| b | Didi ki ey sāye-i nūr-ı İlāh |
| 586 | a | Ḳoyma ki cāyum ola pest ü ḥażȋż54 |
| b | Eyle duʿāyıla beni müstefȋż |
| 587 | a | Eyleyüp ol dem kef-i luṭfın dırāz |
| b | Ḳadri gibi itdi anı ser-firāz |
| 588 | a | Eyledi dürrāʿa-i ʿiṣyānı çāk |
| b | Ẓāhirini eyledi bi’l-cümle pāk |
| 589 | a | Didi ki ey Ḫāliḳ-i ferd ü celȋl |
| b | Nāẓım-ı55manẓūme-i feyż ü cemȋl |
| 590 | a | Bu ḳuluñuñ ey kerem issi Ḫudā |
| b | Olmış-iken ẓāhiri levs̲-āşinā |
| 591 | a | Cāme-i ālāyişi çāk eyledüm |
| b | Ẓāhir-i ger-dārını pāk eyledüm |
| 592 | a | Sen olasın şāh-ı cihān-āferȋn |
| b | Ṣāniʿ-i ibdāʿ-ı zamān u zemȋn |
| 593 | a | Zȋver-i ẕātuñ ola nūr-ı beḳā |
| b | Cümle-i eşbāḥ fenādur fenā |
| 594 | a | Derk-i ṣıfātuñda senüñ dāyimā |
| b | Fehm [ü] taʿaḳḳul ola her dem hebā |
| 595 | a | Sen daẖı ḳıl bāṭınını cümle pāk |
| b | Nūr-ı hidāyetle anı tābnāk |
| 596 | a | Raḥmet-i Ḥaḳ şeyẖ-i hidāyet-fene |
| b | Baḳmadı ālūdegȋ-i dāmene |
| 597 | a | Olur iken bir ḳuluñ ey müsteʿān |
| b | Güm-şüde-i cürme hidāyet-resān |
| 598 | a | Ben ki senüñ dergeh-i iḥsānuña |
| b | Bārgeh-i raḥmet ü ġufrānuña |
| 599 | a | Dāyim olam nāṣiye-sā-yı recā |
| b | Belki cebȋn-sūde-i ʿacz ü velā |
| 600 | a | Hȋç56düşe mi şān-ı rübūbiyyete |
| b | Rütbe-i aʿlā-yı ulūhiyyete |
| 601 | a | Sāyili57ḥırmān ile redd eylemek |
| b | Bāb-ı murādātını sedd eylemek |
| 602 | a | Eyleye ḥāşā ki cenāb-ı Ḫudā |
| b | Sā’il-i dergāhını ye’s-āşinā |
| 603 | a | Oldı bu dȋbāce-i ḥamd-i İlāh |
| b | Zȋb-dih-i nāme-i Dervȋş ü Şāh |
| 604 | a | Ola İlāhȋ bu muraṣṣaʿ ṣafȋr |
| b | ʿIşḳ-fezāyende-i bernā58vü pȋr59 |
| 605 | a | Bu süẖan-ı dil-keş ü zȋbendeyi |
| b | Bu gül-i zȋbā-yı firȋbendeyi |
| 606 | a | Dȋde-i nā-ehlden it anı dūr |
| b | Olmaya tā kilki ẖırāş-ı süṭūr |
| 607 | a | Şāhid-i naẓmı olıcaḳ rū-nümā |
| b | Dȋde-i nā-ehle anuñ dāyimā |
| 608 | a | Her elifin nāvek-i ẖūn-rȋz ḳıl |
| b | Sȋnini bir erre-i ser-tȋz ḳıl |
| 609 | a | Görmeye ruẖsāre-i gülzārı hem |
| b | Sȋlȋ-i āsȋb-i ẖazān-ı elem |
| 610 | a | Sāġar-ı mażmūnı ola dāyimā |
| b | Encümen-efrūz-ı bisāṭ-ı edā |
| 611 | a | Çün ḳalem-i dil-keş ü iʿcāz-fen |
| b | Enbetehullāhu nebāten ḥasen60 |
| 612 | a | Eyledi bu nüsẖayı ṭarḥ-ı raḳam |
| b | Bāġ-ı ẖayāle yine urdı ḳalem |
| 613 | a | ʿAḳl-ı Felāṭūn-ḥikem-i rūzigār |
| b | Kātib-i muʿciz-raḳam-ı rūzigār |
| 614 | a | Rāyiż-i endȋşeye virüp ḥaşer |
| b | Eyledi çün ʿarş-ı ẖayāle güẕer |
| 615 | a | Levḥa-i mihri yine āhār idüp |
| b | Her ṭarafın maẖzen61-i esrār idüp |
| 616 | a | Dürr-i meʿānȋ-i s̲üreyyā-güher |
| b | Oldı çü revnaḳ-dih-i tār-ı naẓar |
| 617 | a | Gördi ki bir meclis-i ẖūrşȋd-cām |
| b | Cürʿa-i cāmına s̲üreyyā ġulām |
| 618 | a | Gördi ki bir gülşen-i sūz u güdāz |
| b | Ġoncaları cümle tebessüm-nevāz |
| 619 | a | Ġoncası olmış çemene62şuʿle-pāş |
| b | Ḫārı dil-i bülbüle virmez ẖırāş |
| 620 | a | Āyȋne63-i bāġda hep64āşikār |
| b | Sırr-ı ẖabāyā-yı dil-i rūzigār |
| 621 | a | Dāmen-i gülzārına itmez güẕer |
| b | Ṣarṣar-ı āsȋb-i ẖazān-ı keder |
| 622 | a | Gülleri her gāh şüküfte-cebȋn |
| b | Ġonca-i zȋbāsı leṭāfet-ḳarȋn |
| 623 | a | Sūseni olmış65olıcaḳ jāle-dār |
| b | Tȋġ-i perend-ār-ı şeh-i nev-bahār |
| 624 | a | Cevherȋ-i fikret-i rūşen-siyer |
| b | Dürr-i meʿānȋsine idüp naẓar |
| 625 | a | Dürr-i nikātın ẖıred-i nükte-bȋn |
| b | Pelle-i endȋşeye ḳoyup hemȋn |
| 626 | a | Eyledi müstaġnȋ-i lūlū anı |
| b | Zȋver-i rücḥān-ı terāzū anı |
| 627 | a | Gevher-i bȋcāde-i nāḳıṣ-bahā |
| b | Ola mı yāḳūt-ı müẕāb āşinā |
| 628 | a | Mühr-i ḳabūl ile virüp zȋb-i tāmm |
| b | Eyledi tārȋẖini zȋbā ẖitām |
Ḥarrarahu el-ʿabdü’l-müẕnib be-dest-i Yaḥyā fȋ leyleti’l-cumʿat yevm-i tisʿa ʿaşer min ẕi’l-ḳaʿde sene 1066
| 0000 | a | Her ki ẖvāned duʿā ṭamaʿ dārem |
| b | Zān ki men bende-i günehkārem |