161

İst149a
Mefʿūlü mefāʿīlü mefāʿīlü feʿūlün
1. a. Sen ḳılmaduġuñ derdüme dermānı unıtma
b. Ben ḥasret ile virdügüm ol cānı unıtma
2. a. Ḳanlu yaşum irdükçe revānlar idüben āh
b. Çāk itdügüm ey dōst girībanı unıtma
3. a. Dil-berler ile sen güle gezdükçe ḥabībüm
b. Hicrüñde olan dīdesi giryānı unıtma
4. a. Luṭfuñla ʿimāret ḳılıcaḳ müddeʿī gönlin
b. Cevrüñle yıḳılmış dil·i vīrānı unıtma
5. a. Ḳılduḳça ḥamāʿil ḳolını boynuña aġyār
b. Zülfüñ gibi ben göñli perīşānı unıtma
6. a. Bir kerre ḳadem baṣmaġa cānā yüzüm üzre
b. ʿAhd etmiş idüñ gel berü peymānı unıtma
7. a. Biñ yıl ki felek devr ide ʿāşıḳ saña cānā
b. Getürmeye bir Mihrī gibi anı unıtma

162

İst150a
Fāʿilātün fāʿilātün fāʿilātün fāʿilün
1. a. Şöyle ditrer cān ü dil her laḥẓa cānān üstine
b. Nitekim pervāne ditrer şemʿ·i tābān üstine
2. a. Derdle cān bülbüli billāh nice cān virmesün
b. Bir ṣaçı sünbül yüzi gül berg·i ẖandān üstine
3. a. Zāhidüñ ʿıġmaż·ı ʿayn itdügi maḥbūbı görüp
b. Bil şuña beñzer bu ẖār gāv bindi urġan üstine
4. a. Ḳaḍı vü müftī müderris zāhid ü pīr ü civān
b. Ḳanġısı cān virmedi maḥbūb oġlān üstine
5. a. Şemʿ·i ruẖsārına cānānuñ yüri pervāneveş
b. Sen ey Mihrī cān virüp her dem-be-dem yan üstine

163

İst150a, Aya 67b, Mil65b
Mefʿūlü fāʿilātü mefāʿīlü fāʿilün
1. a. Ġam gecesinde geçdi günüm āh ü vāhile
b. Bir dem muṣāḥib olmadum ol yüzi māhile
2. a. Cürmüm nedür ḳatuñda senüñ bir gün ey felek
b. Kim hem-ser etmedüñ beni zülfi siyāhile
3. a. Hicrüñ ġamında dil ne çeker şimdi dōstum
b. Bir ben bilürem ancaḳ anı bir Allāhile
4. a. Sen bī-vefā firāḳile cān irdi ḥulḳuma
b. Cānā yoluñda çıḳsa gerek bir gün āhile
5. a. Ṣofu ḳatuñda ẖūbları sevmek günāh ise
b. Sen fāriġ ol ḳo ben yanayın ol günāhile
6. a. Hey ġāfil olma ġamzelerinden güzellerüñ
b. Biñ şeyẖi yoldan iylediler bir nigāhile
7. a. Mihrī Necāti şiʿrine dirsin naẓīre līk
b. Sen bir gedā vü müflis o bir pādişahile

164

İst150a
Feʿilātün feʿilātün feʿilātün feʿilün
1. a. Ġamı deyāya ṣalup ẖürrem olalum gemide
b. Bāḳī ḳalmaz çü cihān ẖoş görelüm bu demi de
2. a. Nola çekdise gözüm yaşları deyāya beni
b. Ġarḳa virmişidi gözüm zevraḳın evvel nemi de
3. a. Rūzgāruñ elemile niçe bir aġlayavuz
b. Rūzgāruñ ilte kenāra bulavuz hem-demi de
4. a. Açalum ʿışḳ hevāsı(y)la bu dil yelkenini
b. Çekelīm lenger·i hicrānı ḳoyalum ġamı da
5. a. ʿĀşıḳa derler idi ṣabr gerek yāẖūd sefer
b. Bu kelām ḥaḳḳı budur gerçek imiş ādemi
6. a. Etdi gerçi ki felek Mihrī vaṭandan seni dūr
b. Ġurbetüñ ẖoşçay(i)miş ẖayli dile ʿālemi de
7. a. Dil·i mecrūḥuña ġam çekme ki bir gün dem ola
b. Bulasın ġurbet elinde aña sen merhemi de

165

İst150b, Aya67a, Mil65a

Mefʿūlü mefāʿīlü mefāʿīlü faʿūlün
1. a. Ḳaddüñ gibi serv·i ẖırāmānlar içinde
b. Ḫaddüñ gibi yoḳ berg· gülistānlar içinde
2. a. Getürmeye sen māh gibi rūy·ı cihāna
b. Biñ yıl ki felek devr ide devrānlar içinde
3. a. Gördi çü gözüm ḳāmet· dil-cūyuñı cānā
b. El-minnetü'lillāh yine bustānlar içinde
4. a. Çün ḥoḳḳa dehānuñ ṣanemā ḳılsa tebessüm
b. Rūşen görinür lüˀlüˀ vü mercānlar içinde
5. a. Laʿlüñ nola ger teşnelere virse ḥayātı
b. Biñ dürlü nihān çeşme·i ḥayvānlar içinde
6. a. Ḫaddüñ gibi gül bitmedi bir bāġ·ı cinānda
b. Laʿlüñ gibi yoḳ laʿl·i bedaẖşānlar içinde
7. a. ʿUşşāḳlaruñ cemʿ idicek defter·i ʿaşḳa
b. Evvel yazılan Mihrī ola divānlar içinde

166

İst150b, Aya66a, Mil64a
Fāʿilātün fāʿilātün fāʿilātün fāʿilün
1. a. Ḳıl naṣīḥat dōstum çeşmüñe Allāh ʿışḳına
b. Bī-güneh ḳan etmesün hey hey di billāh ʿışḳına
2. a. Ol cefā-hū yāruma yarabbi sen inṣāf vir
b. ʿĀşıḳ ü ṣādıḳ-ḳademler itdügi āh ʿışḳına
3 a. ḥüsnüñ Yūsuf dil teşnedür bir curʿa ṣun
b. Laʿlün ābından zeneẖdānuñdaki çāh ʿışḳına
4 a. Ḳalmışam hicrüñ muġeylānında yol vir ʿāşıḳa
b. Kaʿbe·i vaṣluña varan dōstum rāh ʿışḳına
5 a. Dil-berā çün her gedāya āsitānuñdur sened
b. Sürme ḳapuñdan beni bu ʿālī dergāh ʿışḳına
6 a. Mihrīyi cevrüñle cānā āẖır öldürseñ gerek
b. Bārī tīz öldür cefādan ḳurtar Allāh ʿışḳına

167

İs151a
Mefāʿīlün mefāʿīlün feʿūlün
1. a. Göñül geçmez hevādan Allāh Allāh
b. Uṣanmaz dil-rübādan Allāh Allāh
2. a. Dün ü gün dil-berüñ kūyına vardum
b. Geçilmez mübtelādan Allāh Allāh
3 a. Yürürler ẖūblar bī-gānelerle
b. Ḳaçarlar āşinādan Allāh Allāh
4 a. Raḳībi yād eder luṭfile her dem
b. Bizi añmaz vefādan Allāh Allāh
5 a. Dil ü cān aldı bilmem daẖi ne ister
b. O şāhum ben gedādan Allāh Allāh
6 a. Ya vāṣıl it dil-bere ya luṭf it öldür
b. Beni ḳurtar belādan Allāh Allāh
7 a. Dehānına gelüpdür cān Mihrī
b. Daẖi ölmez cefādan Allāh Allāh

168

İst151a, Aya 67b, Mil65b
Mefāʿīlün mefāʿīlün faʿūlün
1. a. Göñül vireli sen nā-mihribāne
b. Teraḥḥüm ḳılmaduñ bir dem de cāne
2. a. Olaldan ʿışḳuñ ile cāñ yoldaş
b. Enīsüm ġam olupdur ġuṣṣa ẖāne
3. a. Ayaġın öpmege sen serv·i nāzuñ
b. Gözümüñ yaşı olmışdur revāñe
4. a. Raḳībe laʿl·i nābuñ ṣun ḳo ʿāşıḳ
b. Ciger ḳanını içsün kāne kāne
5. a. İçürür çerẖ elinden ʿādetidür
b. Kime şerbet kime zehri zemāne
6. a. Düşelden ʿışḳunuñ nārına Mihrī
b. Vücūdın maḥv ḳıldı yāne yāne

169

İst151b, Aya 67a, Mil65a
Fāʿilātün fāʿilātün fāʿilātün fāʿilün
1. a. Gör ne yüz gösterdi bu zülf·i semen-sālar bize
b. Ḳodı biñ derd ü ġam ü hicrile sevdālar bize
2. a. Ḫurrem olsun her ḳadem baṣduḳça ṣahrālar size
b. Ḫāne·i ġamda yeter bu āhla vāhlar bize
3. a. Çekmişüz yüz biñ cefāsıñ her cihetden gerçi āh
b. Etmedi bir dem vefā bu ẖūb ü raʿnālar bize
4. a. Düşmişüz āhū gözüñ sevdāsına Mecnūnveş
b. Mesken olmışdur ḳamu bu kūh ü ṣaḥrālar bize
5. a. Pāre ḳılsa itlerüñ cānā raḳīb·i kāfiri
b. Olmazidi daẖi bir vechile ġavġavlar bize
6. a. Çāresi ṣabr eylemekdür Mihrī ḳassām·ı ezel
b. Böyle yazmış çünkü her vechile inşālar bize

170

İst151b
Mefāʿīlün mefāʿīlün faʿūlün
1. a. Göñül virdüm saña olmaduñ āgāh
b. Edersem ṭañ mıdur her demde ṣad āh
2. a. Oldur derdüñle dil āvāre her dem
b. Dil-ārāmum gele gör ḥāli geh gāh
3. a. Mükedder ḥālüme olmasa raḥmüñ
b. Ölürem sevdügüm derdüñle vallāh
4. a. Ṭoludur dūd·ı āhumla semālar
b. Ederem āh her dem her seḥer-gāh
5. a. Göñülle mihrüñe kim vermese dil
b. Olursa ṭañ mıdur rāhuñda güm-rāh
6. a. Duʿādur her kelām saña Mihrüñ
b. Ki dergāhuñ aña saʿd oldı her gāh

171

İst151b
Mefʿūlü fāʿilātü mefāʿīlü fāʿilün
1. a. Kaʿbe yüzinde nūrı görüp didi Aḥmede
b. Müzdüñe virelüm ṣalavātı Muḥammede
2. a. Etdi ḥarīm·i kūyını ʿuşşāḳ·ı dil maḳām
b. Bāb·ı selām oldı eşigi muvaḥḥade
3. a. İster göñül ki kūyını her dem ṭavāf ede
b. Dīdāra irür mücāvir olanlar çü Mekkede
4. a. Merve ḥaḳḳı ṣafāsın anuñ ol bilür hemān
b. ʿIşḳı yolında ṣıdḳla ḳurbān·ı cān ede
5. a. İḥrām etdüm egnüme ʿışḳı libāsını
b. Yeter cihāna cübbe de cennet de ḥulle de
6. a. Dil-teşnesine zemzem·i laʿlü(ñ)I rer(i)se
b. Ḫār·ı cefāda olmış(i)düm ben beriyyede
7. a. Mihrī süreli yüzin eşigine dōstum
b. Ḳalmadı meyli daẖi cinān·ı muẖallede

172

İst152a
Feʿilātün feʿilātün feʿilātün feʿilün
1. a. Ne cefā eyledi gör çerẖ bizüm cānumuza
b. Ḥasret etdi bizi her sevgilü yārānumuza
2. a. Rūzgāruñ biz umarduḳ ki vefāsın görevüz
b. Varduġınca o bizüm diş biledi ḳanumuza
3. a. Ḳanı ol ʿayş ü ʿişret ḳanı ol çeng ü rebāb
b. Āh her demde selām olsun o devrānumuza
4. a. Görmeden bir daẖi yārān yüzini āh eger
b. Erişe bir gün ecel desti girībānumuza
5. a. Kārumuz etdi felek bülbülveş zār ü fiġān
b. Ḥasret ideli bizi bu gül·i ẖandānumuza
6. a. Ne güneh etdük ola çerh·i sitem-kāre ʿaceb
b. Ki bizi dūr ider ol dāˀimā cānānumuza
7. a. Egleridi bularuñ lutfı ġarīb göñlümüzi
b. Şimdi kim vire ṣafā bu dil·i virānumuza
8. a. Ṣaldı küffār iline Allāh yārānlarumuz
b. Neyledi bu felegi gör ki müselmānumuza
9. a. Mihrī ger ʿömr vefā eylerise kesme ümīd
b. Geleler ṣaġlıġ ile bir gün ola yanumuza
10. a. Unudurlarsa bizi dōstlar unutsun nidelüm
b. Hele biz ṭuralum ıẖlāṣla īmānumuza

173

İst152a
Fāʿilātün fāʿilātün fāʿilātün fāʿilün
1. a. Var mıdur ʿālemde bir dil-ber cefā-kār olmaya
b. Ḥīle·i cevr ü sitemkārile mekkār olmaya
2. a. Ḳande olur sünbüllerin māh üzre ṭaġıtduḳda dōst
b. Zülfīnüñ bir ḳılına yüz biñ dil-figār olmaya
3. a. Ġamzeñüñ cānuma biñ biñ zaẖm ḳılduġın sehā
b. Ḥażret·i ḥaḳ ḳatına varıcaḳ inkār olmaya
4. a. Himmet ü cūduñ ẖayālümden ne tañ olmasa dūr
b. Luṭf ü iḥsānuñ umar bir ben güneh-kār olmaya
5. a. Dōstum cemʿ etseler ʿālemde bī-ṭālīʿleri
b. Bir daẖi Mihrī gibi baẖt·ı siyeh-kār olmaya

174

İst152b, Aya68a, Mil66b
Fāʿilātün fāʿilātün fāʿilātün fāʿilün
1. a. Hem-dem olmasun ilāhi āh ü efġān kimseye
b. Maḥrem olmasun cihāna zār ü giryān kimseye
2. a. Devr·i ḥüsnüñdür bugün sāyende ẖoş gör ʿāşıḳı
b. Bāḳī ḳalmaz dōstum bil kim bu devrān kimseye
3. a. Tīg·i ḳahrile deler çün şerḥa sīnemi
b. Bir naẓar ḳılsa gözi ucile cānān kimseye
4. a. Ḳorḳaram aġyār bir gün yār kūyından beni
b. Südüre cennetden uymasun bu şeyṭān kimseye
5. a. Mihrümi terk eylemiş Mihrī dimişsin dōstum
b. Etmegil billāh nā-ḥaḳ yire bühtān kimseye

175

İst152b
Mefʿūlü mefāʿīlü meflāʿīlü faʿūlün
1. a. Yā-Rab nola ḥālüm benüm ol yār giderse
b. Ḥasretle ḳılam niçeye dek zār giderse
2. a. Bülbül gibi ḳurbān olayın ẖār·ı cefāda
b. Sen ruẖları gül ṣūreti gül-zār giderse
3. a. ʿAhdine vefā ḳılmadı ol yār nidem āh
b. Ḳanlar yudayın derd(i)le her bār giderse
4. a. Ḳoydum ben elümle benüm başuma ẖāki
b. Baġruma baṣayın ṭaşı nā-çār giderse
5. a. Terk eyle seni ter ideni sen daẖi Mihrī
b. Aġyāra ḳoyup seni o bī-ʿār giderse

176

İst153a, Aya65b, Mil63b
Feʿilātün feʿilātün feʿilātün feʿilün
1. a. Yine dil düşdi bugün bir yüzi meh-pāresine
b. Luṭf idüp raḥm ide mi ʿāşıḳ·ı bī-çāresine
2. a. ʿAcabā laʿl·i lebinden yine emsem ḳıla mı
b. Yüregümde görinen ġamzeleri yāresine
3. a. Yāri ben hem-dem iderdüm baña illā nideyin
b. Müddeʿī girmese ger ikimüzüñ arasına
4. a. ʿIşḳı rāhında bulur mı dil ü cān terk edici
b. Bir benüm gibi cihān içre daẖi arasına
5. a. Ne ḳadar cevr ederiseñ ṣanemā terk etmez
b. Mihrī mihrüni senüñ ta meger ol vare sien

177

İst153a, Aya69b, Mil67b
Feʿilātün feʿilātün feʿilātün feʿilün
1. a. Yine dil düşdi bugün bir gözi āhū eline
b. Ki güneş görse yüzin gire seḥābe eline
2. a. Gelse ol yār nola külbe·i aḥzānumuza
b. Yüzüm üstine ḳadem baṣmaġa bu gölgelige
3. a. Nola ol rūḥ·ı revānum ḳosa iḥsānlar idüp
b. Ḫāk·i pāyine yüzüm sürmege bir kerrelige
4. a. Ḳahr·ı aġyārile bıçaḳ süñüge irmişdi
b. Cevr·i yārile bu kez geçdi süñükden ilige
5. a. Yārı yanumda görüp ẖışmla çün baḳdı raḳīb
b. Ol çirpil şeklini döndürdi hemān sirkelige
6. a. Reh·i ʿışḳuñda ʿömr geçdi mülāzımlıġile
b. Ya gel öldür ya ḳabūl eyle beni bendelige

178

İst153a
Mefʿūlü mefāʿīlü mefāʿīlü faʿūlün
1. a. Eşcār yine dürlü şukūfeyle ṭonandı
b. ʿAyş eyleyelüm kūşe·i gülşende gel imdi
2. a. Sevdā belürüp başda nola dil de delürse
b. Pes vaḳt·i bahār irdi vü enhār bulandı
3. a. Nice aġlayasın ẖār u cefāsıy(ı)la ey dil
b. Baḳ ġonçelerüñ ḥüsnine gül gibi gel imdi
4. a. Gel vaḳt·i ṣafā devr·i bahāruñ günidür
b. Ey dil demidür sen daẖi şevḳile ṭol imdi
5. a. Şol deñlü fiġān eylemişem güllere ḳarşu
b. Bülbüllerüñ uyẖusı uçup cümle uyandı
6. a. Yüz sürümek içün pāyine her serv·i revānuñ
b. Gözüm yaşı Ceyẖūn·ı revān bāġı ṭolandı
7. a. Geçmiş ki ḥayıf Mihrī Amasiyyede ʿömrüñ
b. Ḳosṭanṭinede ʿāḳiliseñ gitme kāl imdi

179

İst153b, Aya75a, Mil73b
Mefāʿīlün feʿilātün mefāʿīlün feʿilün
1. a. Egerçi yazamadum ḥüsnüñüñ kitābetini
b. Velīk çoḳ okumışam cemālüñ āyetini
2. a. Baña müfessiri ʿışḳuñ ezelde bildürdi
b. Lebüñ ʿibāretini gör ḥaḳuñ hidāyetini
3. a. Egerçi müşkil idi līk cāñda ẖıfẓ itdüm
b. Ṣaçuñ mesāiliy(i)le yüzüñ ẖavāṣetini
4. a. Cemālün adına ẖutbe oḳur göñül her dem
b. Kim itdi imdi ciḥānda bunuñ ẖiṭābetini
5. a. Ḳo zülfi ḳıṣṣasın oḳı cemāli muṣḥafını
b. Götürmek ister(i)sen cān ü dil ḍalāletini
6. a. Müyesser ola görem mi ḥabībümüñ bir gün
b. Cefāsı terkiy(i)le cevrinüñ nihāyetini
7. a. Beni oş oşile egler raḳībi būse ile
b. Aña ʿināyetini gör baña nezāketini
8. a. Kişiye ẓulm begüm pād-şāhı eyleyicek
b. Kimüñ ḳapusına varup ider şikāyetini
9. a. Cefālaruñ ġamuyla cevrinüñ risālesini
b. Oḳumayan ne bilür Mihrīnüñ ḥikāyetin

180

Feʿilātün feʿilātün feʿilātün feʿilün
Mefāʿīlün feʿilātün mefāʿīlün feʿilün
1. a. Etmedi vaṣlı metāʿına o cān yārlıġı
b. Dil virüp eylemişüz gerçi ẖırīdārlıġı
2. a. Niçün ey dōst bu efġānuma gūş eylemedüñ
b. Bülbülüñ ẖoş mı gelür yoẖsa güle zārlıġı
3. a. Bülbül aġlar gül içün ẖār meyānını ḳucar
b. Virmesün kimselere dünyede nā-çārlıġı
4. a. Yüzine güldügiçün şişlere ṣancar güli ẖar
b. Nidelüm ol ẖu(y) ḳomaz ḳandese aġyārlıġı
5. a. Mihrī dil-ẖasteden ey dōst çevürme yüzüñi
b. Gel unutma ṣanemā eski vefādārlıġı