| 1 |
| 1. | a. | Būy·ı zülfüñ gibi ʿanber-bār ü miskīn olmaya |
| b. | Ḫadd ü ḳaddüñ gibi raʿnā serv ü nesrīn olmaya |
| 2. | a. | Bister·i nesrīn gerekmez bir dem ārām itmege |
| b. | Āsitānuñ gibi dil miskīne bālīn olmaya |
| 3. | a. | Var mıdur bir yer ġamuñdan aġladuḳça dōstum |
| b. | Gözlerümüñ ḳanlu yaşı ile rengīn olmaya |
| 4. | a. | Gerçi ġamzeñ ḳaṣd·i cān itmekde tīr-endāzdur |
| b. | Līk çeşmüñ gibi ḳan içici bī-dīn olmaya |
| 5. | a. | Olmadı bir dem düşelden Mihrī ʿışḳıñ nārına |
| b. | Sīne yanup dil göyinip dīde nemgīn olmaya |
| 2 |
| 1. | a. |
Tebārekallāh eger
dil-berise |
| b. | Güzeller içre bugün serverise ancaḳ ola |
| 2. | a. | Çü düşdi şevḳ·i ruẖı āfitāb çehresinüñ |
| b. | Cihāna virdi żiyā enver ise ancaḳ ola |
| 3. | a. | Saçından oldı muʿattar dimāġ·ı rūy·ı cihān |
| b. | ʿAbīr·i müşk(i)le bu ʿanberise ancaḳ ola |
| 4. | a. | Hezār yerde deler sīnesini ʿuşşāḳuñ |
| b. | Ḫaddinüñ ġamzeleri ẖançerise ancaḳ ola |
| 5. | a. | Dilinde şām u seḥer Mihrīnüñ budur ẕikri |
| b. | Tebārekallāh eger dil-berise ancaḳ ola |
| 3 |
| 1. | a. | Ḫoş görür benden raḳībi raḥm idüp cānān aña |
| b. | Nice ḳatlansun bu yürek nice disün cān aña |
| 2. | a. | ʿĀşıḳuñ ḥaḳḳında çoḳ söz söyler inanma raḳīb |
| b. | ʿĀdet olmışdur cihānda dōstum bühtān aña |
| 3. | a. | Dil marīżine lebüñden eylemezsen ger ʿilāc |
| b. | Ḥikmet ile çāre bulmaz olsa biñ loḳman aña |
| 4. | a. | Atsa ġamzeñ tīrini cān pūtesine ḳāşlaruñ |
| b. | Gösterür dil daẖi cānā cevher·i peykān aña |
| 5. | a. | ʿAḳl·ı küll ü dānīş ü ʿilm ulū'l_el_bāb bāb |
| b. | Görmese ḥüsnüñ kitābından dirüz nā-dān aña |
| 6. | a. | Her seḥer bād·ı ṣabā bāġ·ı cihānda dil-berüñ |
| b. | Zülfine urduḳça şāne misk ider efşān aña |
| 7. | a. | Ṣafḥa·i ḥüsninde başlamış vefā resmin yazar |
| b. | Lāciverd ile yed·i ḳudret ẖatt·ı reyhān aña |
| 8. | a. | ʿIşḳ meydānında ṭop olsa güneş olmaz ʿaceb |
| b. | Kim ḳamer her dem hilālinden ṣunar çevġān aña |
| 9. | a. | Dil dilermiş ʿīd·i vaṣluñçün kemān ebrūlaruñ |
| b. | Çoḳdan itdüm dōstum ben cānumı ḳurbān aña |
| 10. | a. | Ḫaṭtuñ inşāsın ẖadüñ üstiñde kim yazdı ʿaceb |
| b. | Kim kirāmen kātibīn olmışdurur ḥayrān aña |
| 11. | a. | Yollar üzre Mihrīnüñ her dem görür ẖāk oldıġın |
| b. | Bir naẓar ḳılmaz nedür cürmi ʿaceb sulṭān aña |
| 4 |
| 1. | a. | Dōstum çün yüze gülmek eylemişsin ẖū saña |
| b. | Yüri iy hercāˀī var şimden gerü yā hū saña |
| 2. | a. | Gel aḳıtma gözlerümüñ ḳanlu yaşın sevdüġüm |
| b. | Ocaġuña ṣu ḳoyar ẖayr itmez āẖir bu saña |
| 3. | a. | Çeşmine cān virdüñ ey dil pendümi gūş itmedüñ |
| b. | Gör nice siḥr etdi āẖīr bu iki cādū saña |
| 4. | a. | Öldürürseñ lāʿlüñ ābı ḥayret ile ger beni |
| b. | Teşne cāndır Ḥaḳ tatturmasun bir içim ṣu saña |
| 5. | a. | Ẓulmet·i ġamda ḳodıysa seni yārüñ ġam yime |
| b. | Bulunur Mihrī cihāndur yine bir meh-rū saña |
| 5 |
| 1. | a. | Gelmişem yüz süriyü ṭoġru ḳılup rāh saña |
| b. | Dilerem ʿarż ḳılam ḥālümi ey şāh saña |
| 2. | a. | Anca ʿadl ıssı şehinşāh·ı ciḥānsın ki gelür |
| b. | Āsitānuña güneş ḥiẕmete her gāh saña |
| 3. | a. | Cān u dilden oḳur ey ruẖları gül medḥ saña |
| b. | Rūz ü şeb bülbül·i cān ṣubḥ u seher-gāh saña |
| 4. | a. | Yaḳdı yandırdı şehā teşne-dili ġayret odı |
| b. | Ẓulmet·i ġamda ḳoma Ḫıżr olā hem-rāh saña |
| 5. | a. | Nev-cevān ide Züleyẖā gibi ey Mihrī seni |
| b. | Ḳıla ger luṭf ile Yūsuf naẓarın şāh saña |
| 6 |
| 1. | a. | Niçe feryāda varā nālelerüm āh saña |
| b. | Niçe bir ʿarż ideyüm ḥālümi her ġāh saña |
| 2. | a. | İşidüp bülbül·i şeydā meger āh·ı seḥerüm |
| b. | Çaġırup derd ile dir āh beni vāh saña |
| 3. | a. | Ḥüsn·i sermāyesi elden gidicek bir gün ola |
| b. | Bildüre etdügini sevdügüm Allāh saña |
| 4. | a. | Gün yüzüñ burc·ı şeref üzre ṭulūʿ etdügiçün |
| b. | Giceler ṣubḥa deġin ta ki ḳalur māh saña |
| 5. | a. | Ḫāk ider ġayret odı bu dil·i miskīni yaḳub |
| b. | Bile yanuñda raḳīb olalı hem-rāh saña |
| 6. | a. | Nice senġīn dil imişsin ki es̲er itmedi hiç |
| b. | ʿĀşıḳ·ı şūrīdeler āhı seḥer gāh saña |
| 7. | a. | Nev-cevān etdi Züleyẖā gibi Mihrī seni ʿışḳ |
| b. | Ḳılalı luṭf ile Yūsuf naẓarın şāh saña |
| 7 |
| 1. | a. | Neyledüm n'etdüm günāhum bilmezem bu ben ġarīb |
| b. | Gördügince yüz çevürür yüzüme baḳmaz ḥabīb |
| 2. | a. | Gāh ki bir göz ucıyla merḥabā eylerdi yār |
| b. | Yine beñzer ki araya fitne bıraḳdı raḳīb |
| 3. | a. | Cān żaʿīf oldı firāḳuñdan meded ḳıl dōstum |
| b. | Ḫaste dil derdine luṭf it gel ʿilāc et ey ṭabīb |
| 4. | a. | Zülfüñüñ çengāline urma raḳībi ẖışm idüp |
| b. | Hey bu bir kelb·i laʿīndür taḳ bunuñ boynına īb |
| 5. | a. | Ṭāliʿüñ yoḳdur güzellerden ey Mihrī çāre ne |
| b. | Ḳısmet·i rūz·ı ezelde saña bu olmış naṣīb |
| 8 |
| 1. | a. | Ol cihān gülzārınuñ raʿnā ġazel-ẖ*ānı dürüst |
| b. | Ḫoş temām etmiş bu beytī içre dīvānı dürüst | |
| c. | Ḫaṭṭ·ı reyḥān kim ṭolanmışdur gülistānı dürüst | |
| d. | Hāledür kim devr idüpdür māh·ı tābānı dürüst |
| 2. | a. | Cān ile ḳıldum temāşā rūy·ı cānānı dürüst |
| b. | Ṣāniʿ·i ḳudret ki naḳş etmiş gülistānı dürüst | |
| c. | Ṣafḥa·yı ẖaddında yazmış ẖaṭṭ·ı reyḥānı dürüst | |
| d. | Ḥāledür kim devr idüpdür māh·ı tābānı dürüst |
| 3. | a. | Ḳāmeti cān gülşeninde serv ü ʿarʿar baġlamış |
| b. | Ḥüsninüñ şemsi cihān bāġına enver baġlamış | |
| c. | Ruẖlarında ḳākülüñ müşkīni ʿanber baġlamış | |
| d. | Hāledür kim devr idüpdür māh·ı tābānı dürüst |
| 4. | a. | Ḳaşları ḳavs·ı felekdür ṣüreti bedr·i ḳamer |
| b. | Gün cemālidür cihān rūyına viren nūr u fer | |
| c. | Ḳaplamışdur dil-berüñ gūyā miyānını ḳamer | |
| d. | Hāledür kim devr idüpdür māh·ı tābānı dürüst |
| 5. | a. | Cemʿ olup bir bezme gelmişler nice cānāneler |
| b. | Ḥalḳa ḳurmış murġ·i cānā zülfi dökmiş dāneler | |
| c. | Şemʿ·i ruẖsārına ol meh-rūlaruñ pervāneler | |
| d. | Hāledür kim devr idüpdür māh·ı tābānı dürüst |
| 6. | a. | Devr ider cām·ı şarābı sāḳī·i meh-pāreler |
| b. | Nūş ider ʿışḳ·ı meyden ʿāşıḳ·ı bī-çareler | |
| c. | Ol mehi ḳılmış īḥāṭā göz açup seyyāreler | |
| d. | Hāledür kim devr idüpdür māh·ı tābānı dürüst |
| 7. | a. | Cān alur çeşmi dili yaġma ḳılur ḥükmi revān |
| b. | Līk ḳılsañ bir naẓar ḥüsni baġışlar cāna | |
| c. | Dir gören anuñ girībān ile gerdānın hemān | |
| d. | Hāledür kim devr idüpdür māh·ı tābānı dürüst |
| 8. | a. | Şehr·i Āmāsiyyede bir ẖūb u raʿnā gülzār |
| b. | Her ṭarafda cān u dilden ṣad hezār ʿuşşāḳı var | |
| c. | Çevresinde dāˀire çekmişdür anuñ kūhsār | |
| d. | Hāledür kim devr idüpdür māh·ı tābānı dürüst |
| 9. | a. | Ṭāliʿüñ sād oldı Mihrī yeñdi baẖtuñ aẖteri |
| b. | Başuña ṭoġdı ġam·ı ẓulmetde devlet ẖāveri | |
| c. | Ol melek-manẓar ḳamerçehr ile çarẖuñ çenberi | |
| d. | Hāledür kim devr idüpdür māh·ı tābānı dürüst |
| 9 |
| 1. | a. | Cānā yeter bu cānuma cevr ü cefālar it |
| b. | Zecr ise cāna ancaḳ ola gel vefālar it |
| 2. | a. | Miḥnetler ile ḳarşuña öldüḳçe ʿāşıḳuñ |
| b. | Sen oyna gül raḳīb ile ẖoş ẖoş ṣafālar it |
| 3. | a. | ʿĀşıḳlaruñı bī-güneh öldürme dōstum |
| b. | Öldür raḳīb·i kāfiri bārī ġazālar it |
| 4. | a. | Luṭf ile ḳıl ʿilāc bu gün ey tabīb·i cānā |
| b. | Dil ẖastedür firākuñ(i)le gel devālar it |
| 5. | a. | Şīrīn-leb ile aġzuña sögmiş ey Mihrī yar |
| b. | ʿÖmri çoġ olsun el götür imdi duʿālar it |
| 10 |
| 1. | a. | Düşmen ḳamu kişiye raḳīb oldı ʿāḳibet |
| b. | Kör ṭāliʿüm ki baña ḥabīb oldı ʿāḳibet |
| 2. | a. | Dil derdine devālar umarken veren baña |
| b. | Şerbet yerine zehri ṭabib oldı ʿāḳibet |
| 3. | a. | Luṭf u vefāsı müddeʿiye oldı dāˀimā |
| b. | Cevr ü cefāsı baña naṣīb oldı ʿāḳibet |
| 4. | a. | Ṣaldı beni ḳapulara bī-ʿitibār edüp |
| b. | Yanında müddeʿī yüridip oldı ʿāḳibet |
| 5. | a. | Çoḳdur cihānda derd·I nigār ile mübteẕel |
| b. | Mihrī senüñ işüñde ġarīb oldı ʿāḳıbet |
| 11 |
| 1. | a. | ʿIşḳ bābından benüm(i)le eyledi ol yār baḥs̲ |
| b. | Cān(i)le virdüm cevābın itmedi tekrār baḥs̲ |
| 2. | a. | Müşkilüm ḥallolmazidi kūşe·i dersẖānede |
| b. | Etmesem ḥüsnüñ kitābından şehā her bār baḥs̲ |
| 3. | a. | Ey müderris çünki sen taḥṣīl·i cānān itmedüñ |
| b. | Ḳīl u ḳal içre ḳalup sen eyleme nā-çār baḥs̲ |
| 5. | a. | Muṣḥaf·ı ḥüsnüñi zülfiñden suˀāl etmiş raḳīb |
| b. | Eylemek cāʿiz midür Ḳurˀāndan küffār baḥs̲ |
| 6. | a. | ʿİlm·i ʿışḳı biz ey Mihrī şöyle taḥṣīl eyledük |
| b. | Şimdi her ʿāşıḳ bizümle etmege ḳorẖar baḥs̲ |
| 12 |
| 1. | a. | Bir dem ol dil-ber cemālinden ırāġ olmaḳ ne güc |
| b. | Bir nefes cānānesiz ʿālemde ṣaġ olmaḳ ne güc |
| 2. | a. | Gülsitānda ġonçenüñ yanında ẖār olmaḳ ne ẖoş |
| b. | Lāle gibi bülbülüñ baġrında daġ olmaḳ ne güc |
| 3. | a. | Ben gedāsını ḳomazlar yüz sürem dergāhına |
| b. | Pādişahuñ āsitānında yasaġ olmaḳ ne güc |
| 4. | a. | Çeşmi ẖışm etdükce cānā ġamzesi ẖançer çeker |
| b. | Mest elinde dōstlar ḳılıç bıçaġ olmaḳ ne güc |
| 5. | a. | Gülşen·i ḥüṣni kenārın ṭutdı Mihrī ẖaṭṭ·ı yār |
| b. | Bülbülüñ tāze gülistānında zaġ olmaḳ ne güc |
| 13 |
| 1. | a. | Dōstum ʿarż it cemālüñ cānımuz bulsun feraḥ |
| b. | Küfr·i zülfüñi görüp īmānumuz bulsun feraḥ |
| 2. | a. | Çün dile dil-ber ẖayāli geldi mihmān olmaya |
| b. | Pīş-keş cān virelüm mihmānunuz bulsun feraḥ |
| 3. | a. | Cām·ı laʿlinden nigāruñ sāḳiyā bir bāde ṣun |
| b. | Meclisümüz germ olup devrānumuz bulsun feraḥ |
| 4. | a. | Ẓulmeti bir cürˀayile ẖāne·i dilden götür |
| b. | Ol ṣafādan külbe·i aḥzānumuz bulsun feraḥ |
| 5. | a. | Ḫūblarun vaṣfın ey Mihrī şöyle takrīr eyle sen |
| b. | Kim oḳursa defter·i dīvānumuz bulsun feraḥ |
| 14 |
| 1. | a. | Bu göñlüm zevraḳın aldı bu gün bir ġonce-leb gül-ruẖ |
| b. | Yaşum deryāsına ṣaldı bu gün bir ġonce-leb gül-ruẖ |
| 2. | a. | Bülendī ḳaddi nāzile ṣalınup ser-firāzile |
| b. | Gülistān ṣaḥnına geldi bu gün ġonce-leb gül-ruẖ |
| 3. | a. | Belā-keş bülbülüm bildi fiġānumdan ṣafā buldu |
| b. | Yüzüme gül gibi güldi bu gün ġonce-leb gül-ruẖ |
| 4. | a. | Dile gerçi cefā ḳıldı birine biñ vefā ḳıldı |
| b. | Bize vaṣlın ʿatā ḳıldı bu gün ġonce-leb gül-ruẖ |
| 5. | a. | Alup şīrīn-ẕebān ile elinden Mihrīnüñ varın |
| b. | Aha geldüm didi yeldi bu gün ġonce-leb gül-ruẖ |
| 15 |
| 1. | a. | Eyledi yār beni derdiyle āvāre meded |
| b. | Ölürem etmezise ḥasret(i)le çāre meded |
| 2. | a. | Öldürürdüm dirimiş zülfüñe çeşmüñ beni yār |
| b. | Virme cellād eline aṣ beni ol dāre meded |
| 3. | a. | Çeşm·i mestüñ yine nā-ḥaḳ yere ḳan eylemesün |
| b. | Ṣuçını bildüre ḳatlin sene bir pāre meded |
| 4. | a. | Şerbet·i laʿlüñ imiş ẖaste dile dōst şifā |
| b. | Demidir eyle devā bu dil·i bīmāre meded |
| 5. | a. | Bir nefes ḳaldı ki Mihrī vire cān firḳat ile |
| b. | Çıḳmasun ḥasret(i)le hey meded ol yāre meded |
| 16 |
| 1. | a. | Zülf·i müşgīnüñ nola boynuma ṣaldıysa kemend |
| b. | Dōstum lāzımdurur dīvāneye elbette bend |
| 2. | a. | ʿİlm·i cādūluḳda bir üstāddur çeşmüñ senüñ |
| b. | Görse Hārutile Mārutu geçerdi anlara bend |
| 3. | a. | Ruẖlaruñ dil-şāhını māt eyledi bir luʿb(i)le |
| b. | Gözlerüñ cān ferzina ḥācet degül sürmek semend |
| 4. | a. | Kellesin ortaya ḳoyub öykünmiş lāʿlüñe |
| b. | Anuñçün çār-sūlar içre ber-dār oldı ḳand |
| 5. | a. | Gerçi çoḳ seyreyledüm bāġ·ı cihān ṣaḥrāların |
| b. | Rāstī ḳaddüñ gibi hiç görmedüm serv·i bülend |
| 6. | a. | Ḳo bizi meh-rūlaruñ mihriyle var sen fāriġ ol |
| b. | Nāṣiḥā etmez es̲er rusvāy·ı ʿışḳ olana pend |
| 7. | a. | Ḫūblaruñ tīġ·i cefāsından yüzüm döndürmezem |
| b. | Ṭoġrasalar sīnemi ger rīze rīze bend bend |
| 8. | a. | Derpeyince yollarına düşdügüm dil-berlerüñ |
| b. | Dir gören ẖayli belā-keşdür bu Mihrī derd-mend |
| 9. | a. | Yıllar ile ben yüzin görmem dirīġā āh kim |
| b. | Sāyesinde ẖoş geçer dil-dārumuñ bir levend |
| 17 |
| 1. | a. | Genc·i ġam vīrānesinde şimdi yārumdur nemed |
| b. | Sāyebānum maḥremüm ʿālemde varumdur nemed |
| 2. | a. | Ben gedā ḥāline hem-derd olmadı illā ki bu |
| b. | ʿİzz ü cāhum hem-demüm hem şehriyārumdur nemed |
| 3. | a. | Ten enīs olmışdur andan ayru olmaz bir nefes |
| b. | Sevdügüm yārüm vefā-dārum nigārumdur nemed |
| 4. | a. | Ḳış güninde gāh ki esdükçe bād·ı zemherir |
| b. | Ḫāne·i ẖalvet-gehümde germ·i nārumdur nemed |
| 5. | a. | Ey felek Mihrī siyeh-pūş etdüñise ġam mıdur |
| b. | Ḳālıba cemʿ olmadan rūḥ iẖtiyārumdur nemed |
| 18 |
| 1. | a. | Yoḳ ṣanurdum ʿālem içre cānile serden leẕīẕ |
| b. | Hey neler vārmış cihānda daẖi bunlardan leẕīẕ |
| 2. | a. | Leẕẕetin işbu cihānuñ şimdi bildük ḥāṣılı |
| b. | Yoġ(i)miş rūy·i zemīnde vaṣl·i dil-berden leẕīẕ |
| 3. | a. | Leblerüñ sögdükçe cānā aġzuma şeker yaġar |
| b. | Şöyle şīrīn loḳmadur pālūde·i terden leẕīz |
| 4. | a. | ʿĀşıḳa baş aġrıdup ʿarż itme nāṣıḥ cenneti |
| b. | Leblerin ṣorduḳ nigāruñ āb·ı kevs̲erden leẕīẕ |
| 5. | a. | Şimdi bir ṭūṭī kelāma mübtelādır Mihrī kim |
| b. | Söylese şīrīn sözi ḳand·ı mükerrerden leẕīẕ |
| 19 |
| 1. | a. | Āteş·i ʿışḳa ol ʿāşıḳlar ki cānıñ yaḳdılar |
| b. | Buldılar vuṣlat ebed çünkim cihānın yaḳdılar |
| 2. | a. | Yanmasun mı ʿāşıḳ·ı bī-çāreler pervāneveş |
| b. | Māh-rūlar çünki ḥüsni şemʿadānın yaḳdılar |
| 3. | a. | Hicr(i)le ṣanma seni yaḳdı vucūdum ẖūblar |
| b. | Ey nice dil mülketinüñ ẖānümānın yaḳdılar |
| 4. | a. | Lāʿline öykindügiçün lāle ruẖsārına şemʿ |
| b. | Lāleye dāġ urdılar şemʿüñ zebānın yaḳdılar |
| 5. | a. | Dil(i)le cān virdi Mihrī tercemān dil-berlere |
| b. | Aldılar göñlin ʿaceb bu tercemānın yaḳdılar |
| 20 |
| 1. | a. | Āşinālar ṣaġlıġile eylesün seyrānlar |
| b. | Durdıġınca bu cihān geldükçe bu devrānlar |
| 2. | a. | Dūr düşdüñ çüñki ey dil bülbül·i gülzārdan |
| b. | Gitdi güller biz ḳılalum nāle vü efġānlar |
| 3. | a. | Bister·i nesrīnde ārām eylesün ẖoş dōstlar |
| b. | Cismümüze püreler ursun bizüm dendānlar |
| 4. | a. | Yisün içsün ẖoş bulur yaylaḳlarında dem-be-dem |
| b. | Yudalum biz ġam evinde kāse kāse ḳanlar |
| 5. | a. | Ḳıldısa cismüñ bu şehrüñ ıssısında çāre ne |
| b. | Pes mekānıdır ġarīb olanlaruñ külẖānlar |
| 6. | a. | Yoḳdurur Mihrī bu gün daʿvāya maʿni gösterir |
| b. | Vaz gel hercāˀilerdür şimdiki yārānlar |
| 21 |
| 1. | a. | Ey dil bahār faṣlı vü çün devr·i lāledür |
| b. | Lā dimezüz ki ʿāşıḳa sevdā ḥavāledür |
| 2. | a. | Bezm·i çemende ṣaḥn·ı gülistānda devr iden |
| b. | Sāḳī elinde sāġar ü sāfī piyāledür |
| 3. | a. | Dil-ber cemāli üzre ʿarāḳlar ki dizlüdür |
| b. | Gül yapraġında ṣanasın anı ki jāledür |
| 4. | a. | Maʿşūḳ elinde cevr ü cefā vü ʿitāb ü nāz |
| b. | ʿĀşıḳ dilünde şām u seḥer āh u nāledür |
| 5. | a. | Bu rūz içünde kūşe·i gülşende Mihrīyā |
| b. | Devlet anuñ ki hem-demi bir çeşm·i āledür |
| 22 |
| 1. | a. | Eşk·i çeşmümden olur cūş itdügi ırmaġlar |
| b. | Dūd·ı āhumdandur ebr olduġı her dem daġlar |
| 2. | a. | Rūz u şeb yaşlar döker dolāb ser-gerdān olup |
| b. | Girye vü zārī ile ṭurmaz neyiçün aġlar |
| 3. | a. | Nālem işitdükçe ditrer berg ārām eylemez |
| b. | Yaşumı gördükçe her āb·ı revānlar çaġlar |
| 4. | a. | Gözlerüme sensüz ey rūh·ı revānum bir nefes |
| b. | Gülşen ile neyleyüm külẖān görinür bāġlar |
| 5. | a. | Geldüġüñce güldürürsin gül gibi dil bülbülin |
| b. | Gitdüġiñce lāleveş baġrumda ḳorsun daġlar |
| 6. | a. | Firḳatüñ zaẖmıyla Mihrī çoḳdan olurdı helāk |
| b. | Müstedām ol yine vaṣluñ aña merhem baġlar |
| 23 |
| 1. | a. | Ol mübārek ẕātuña her demde ṣıḥḥat yaraşur |
| b. | Ol muṭahhar cismüñe her anda rāḥat yaraşur |
| 2. | a. | Dār·ı rifʿatde ṣafā vü zevḳ(i)le leyl ü nehār |
| b. | Ṣaḥn·ı şıḥḥatde güzel ẖānumla ṣoḥbet yaraşur |
| 3. | a. | Ol vücūd·ı nāzenīnüñden ırāġ olsun elem |
| b. | Düşmenüñe ẖāne·i ġam içre miḥnet yaraşur |
| 4. | a. | Teb niçün ṭutar seni ṭutsın rakīb·i kāfiri |
| b. | Saña ṣıḥḥatler ʿadūña renc ü ẕillet yaraşur |
| 5. | a. | Tīġ·i ḳahr ile ʿadūñuñ başını ḳaṭʿ etmege |
| b. | Ẕātuñā cürˀet vü hem bāzūña ḳuvvet yaraşur |
| 6. | a. | Ney gibi iñleyen her dem ḥasūd olsun müdām |
| b. | Çeng ü ḳānūn ile her dem saña ʿişret yaraşur |
| 7. | a. | Ḥaḳ baġışlasun ilāhī seni ol vālīdeñe |
| b. | Kim anuñ bir dānesisin saña rif'at yaraşur |
| 8. | a. | Ḥamdülillāh kim mülāḳāt oldı Mihrī-dāʿīye |
| b. | Dir görenler ẕātuña erkān·ı devlet yaraşur |
| 24 |
| 1. | a. | Ol kān·ı vefā ẖoş bize gösterdi keremler |
| b. | Baṣdı kereminden yüzüm üstine ḳademler |
| 2. | a. | ʿĪsī nefesi eyledi biz mürdeyi zinde |
| b. | Ġam-gīn dilimüz buldı ferāḥ gitdi elemler |
| 3. | a. | Luṭfiyle ḳıldı dil·i vīrānemi māˀmur |
| b. | Göñlüñ ẖoş ide her dem anuñ ẖūb-ṣanemler |
| 4. | a. | İtdi bizi ol ẕāt·ı şerīfyile müşerref |
| b. | Görmeyiserüz ḥaşre degin ġuṣṣa vü ġamlar |
| 5. | a. | Mihrī niçesi şerḥ idesin vaṣfı beyānın |
| b. | Takrīr idemez dil ne ẖu taḥrīr ḳalemler |
| 25 |
| 1. | a. | (elif) Ey ḳāmeti raʿnā vü eyā ẖūb-nigār |
| b. | Bitmedi ḳaddüñe beñzer daẖi bir serv ü çenār |
| 2. | a. | (be) Bugün gülşen·i ḥüsnüñde ḳo efġān idelüm |
| b. | Yaraşur ṣaḥn·ı çemendeki ide feryād hezār |
| 3. | a. | (te) Temāşā iderüz vaṣluñı luṭfuñla bugün |
| b. | Dil·i dervīşe ʿaṭā eyleseñ ey şāh ne var |
| 4. | a. | (s̲e) S̲enā-ẖ*an olalı bülbül·i cān gülşende |
| b. | Ḥüsnüñe ḳarşu olur şām u seḥer ẖoş güftār |
| 5. | a. | (cim) Cemālüñi görüp ġayre naẓar eylerisem |
| b. | Dōstum tīr·i müjeñle iki gözümi çıḳar |
| 6. | a. | (ḥa) Ḥayātum gider ey dōst yüzüñ görmeyicek |
| b. | Sensüzin di imdi nice eyleye cān tende ḳarār |
| 7. | a. | (ẖı)Ḫayālüñ yazalı naḳşını dil levḥasına |
| b. | Gözedür ḳıble-nümā gibi gözüm leyl ü heḥar |
| 8. | a. | (dal) Dād etmeziseñ dādumuzı ẖūni gözüñ |
| b. | Beni nā-ḥaḳ yere öldürse gerek āẖir·i kār |
| 9. | a. | (ẕel) Ẕāhid güzeli sevmege tevbe etmiş imiş |
| b. | Döndi cürmini bilüp itdi yine istiġfar |
| 10. | a. | (re) Revā gördi felek biz nidelüm gülşende |
| b. | Bülbüle āh u fiġān hem-dem ola goncaya ẖār |
| 11. | a. | (ze) Zülfüñde beni ʿışḳ(i)le Manṣūr gibi |
| b. | Cān fedādır yoluña eyleye cānum ber-dār |
| 12. | a. | (sin) Senden çevirürsem yüzümi itme mecāl |
| b. | Kes ḳalem gibi başumı dilümi yar ey yār |
| 13. | a. | (şın) Şehā ẓulmün eli şehr·i dili yaḳdı diriġ |
| b. | Çıkısar cānı bedeninden idiser terk·i diyār |
| 14. | a. | (ṣad) Ṣandum ki seḥāb içre niḥān oldı ḳamer |
| b. | Yār ḥüsninde meger itmiş imiş zülfüñi tār |
| 15. | a. | (ḍād) Żaʿf·ı ġam·ı hecrüñle ḳo ölsün yeridür |
| b. | Dil·i āşufte ki cānā aña pend etmedi kār |
| 16. | a. | (ṭı) Ṭavāf·ı ḥaremüñ eylemişem bunca zemān |
| b. | İʿtiḳādum budur ey dōst beni yaḳmaya nār |
| 17. | a. | (ẓı) Ẓulm eyleme ʿāşıḳlaruña luṭf eyleye |
| b. | Eylemişdür bunlaruñ ʿışḳuñ odu cānına kār |
| 18. | a. | (ʿayn) ʿAynuñ dil ü cānlar mı kodı ʿālemde |
| b. | Ki itmedi ġamzelerüñ tīr ile anı şikār |
| 19. | a. | (ġayn) Ġāyetde ṣafādur k'ola yanuñda habīb |
| b. | Ol saña nāz ide sen anı idesin būse kenār |
| 20. | a. | (fe) Firāḳuñ gecesinde şu ḳadar āh etdüm |
| b. | Ki oldı dil āyinesi derdüm ile jeng ü ġubār |
| 21. | a. | (ḳaf) Ḳandīl·i ruẖuñdan yaḳar iy dōst delīl |
| b. | Ki güneş ʿāleme envāruñı eyler izḥār |
| 22. | a. | (kef) Göñlüm evi vīrānuñı māˀmūr itdi |
| b. | Ḥamdülillāh hele ʿışḳuñ olalıdan miˀmār |
| 23. | a. | (lam) Laʿl·i lebinüñ yādına bir meh-rūnuñ |
| b. | Ḫūb olur nūş ide mül çün irişe vaḳt·i bahār |
| 24. | a. | (mim) Mihrī düşeliden heves·i ʿışḳuña yār |
| b. | Oldı rüsvāy·ı cihān gitdi ḳamu ġayret ü ʿār |
| 25. | a. | (nun) Nem var daẖi ʿışḳuñda budur taḥsīlüm |
| b. | Dilde ġam dīdede nem sīnede āteş her bār |
| 26. | a. | (vav) Var itdügüñe ṣoñra peşīmān olasın |
| b. | Gül yüzüñ dāˀīresini ṭuṭıcak bir gün ẖār |
| 27. | a. | (he) Hebā eyleme sāʿyini bu ben miskīnüñ |
| b. | Çoḳ zamāndur ki yoluña dil ü cān etdi nis̲ār |
| 28. | a. | (lamelif) Lāˀiḳ ola mı ki ʿaceb ḳapuñda |
| b. | İtlerüñle bile ben daẖi olam ẖiẕmetkār |
| 29. | a. | (ye) Yeter cevr ü cefāñile beni şām ü seḥer |
| b. | Dōstum ẖāne·i ġamda iñilet zār u nizār |
| 26 |
| 1. | a. | Bize meyl eyleridi geh geh o çeşm·i ḳaralar |
| b. | Menʿ iderler oları bir iki yüzi ḳaralar |
| 2. | a. | Düşeli ʿışḳı hevāsı(y)la deryā·yı ġama |
| b. | Görmedi zevraḳ·ı dil ḥadd ü kenār ü ḳaralar |
| 3. | a. | Çekse zülfini ṣanem ruẖları üstine n'ola |
| b. | Yaraşur Kaʿbenüñ örtüsi ki ola ḳaralar |
| 4. | a. | İtdiler ʿāşıḳ·ı şūrīdelerüñ ʿışḳunı pāy |
| b. | Ḳorḳaram vaṣluña daẖi geleler el ḳaralar |
| 5. | a. | Cānı vir yār işiginde gel ey dil ṣādıḳ(i)señ |
| b. | ʿĀşıḳ oldur ki anuñ ṭopraġa ḳanın ḳaralar |
| 6. | a. | ʿIşḳ bābın daẖi bir vech(i)le taḥrīr idemez |
| b. | Miḥrī kim bunca zamān defter ü divān ḳaralar |
| 27 |
| 1. | a. | Bir ṣanem egnine almış sīm ü zer ḳaftānlar |
| b. | Yaraşır yolında ḳurbān olsa yüz biñ cānlār |
| 2. | a. | Bu libāsuñ vaṣfın işitse meleklerden revān |
| b. | Çāḳ ideydi ḥüllesini ḥūrī vü ġılmānlar |
| 3. | a. | Kevkeb·i seyyareveş seyreyledükçe gündüzin |
| b. | Ṭolmuşidi her ṭarafdan māh ile meydānlar |
| 4. | a. | Başumı ṭop eylemişdüm ben eġerçi çalmaġa |
| b. | Dil-rübālar eylemişidi zülfüni çevgānlar |
| 5. | a. | Der-gehüñden dil-berā dūr itme Mihrī bendeñi |
| b. | Gerçi çokdur āsitānuñda senüñ der-bānlar |
| 28 |
| 1. | a. | Bī-çāre göñül bilmezem āvāre nedendür |
| b. | Dermān nedürür bilsem aña çāre nedendür |
| 2. | a. | Her dem felegüñ cevri ile yār cefāsı |
| b. | Bilsem ki bu ben baẖt·ı siyeh-kāre nedendür |
| 3. | a. | Çeşmi baña vaṣlını ḥarām eyledi yārüñ |
| b. | Ben ḳanı ḥelāl itdüm o ẖūn-ẖ*āre nedendür |
| 4. | a. | Çün delmezimiş ġamzeleri ẖançeri baġrum |
| b. | Bes bu yüregümde görinen yāre nedendür |
| 5. | a. | Can bülbüli nālān ide gülzār·ı ẖaddüñden |
| b. | Sen yüz viresin iy yüzi gül ẖāre nedendür |
| 6. | a. | Ben ayaġuñı öpmeġe cānlar ḳılam īs̲ār |
| b. | Rāygān viresin būse sen aġyāre nedendür |
| 7. | a. | Mihrī çeke cevrüñi vü luṭfuñ göre aġyār |
| b. | Devlet aña ẕillet bu cefā-kāre nedendür |
| 29 |
| 1. | a. | Cān boynıña zülfeynüñ ʿanber-resen olmışdur |
| b. | ʿIşḳ ehline dergāhuñ ḥubbü'l_vaṭan olmışdur |
| 2. | a. | Hicrüñle gözüm yaşı yaġmur gibi yaġaldan |
| b. | Başdan başa bu ʿālem çayır çemen olmışdur |
| 3. | a. | Dil bülbüli feryādın artursa ʿaceb midur |
| b. | Şeydā ḳılan anı sen ġonca-dehen olmışdur |
| 4. | a. | Cevrüñle beni cānā öldürme taḥammül it |
| b. | ʿIşḳuñ ġamıyla ẖod baña olan olmışdur |
| 5. | a. | Yoluñda senüñ cānā bilmem ne günāh itdüm |
| b. | Cevrüñ baña aġyāra luṭfuñ neden olmışdur |
| 6. | a. | Ḥaḳḳā ḳad ü ẖaddüñüñ kim olsa hevāsında |
| b. | Tābūt aña serv olup gülden kefen olmışdur |
| 7. | a. | Gül ruẖlaruñuñ çoḳdur ʿuşşāḳ·ı dili ammā |
| b. | Çeşmine raḳībüñüñ Mihrī diken olmışdur |
| 30 |
| 1. | a. | Cān virürem saña be-hey kāfir |
| b. | Bir naẓar kıl baña be-hey kāfir |
| 2. | a. | Sen gülidüñ çemende ben bülbül |
| b. | Ol zamānı aña be-hey kāfir |
| 3. | a. | Beni cevrile sen öldürmek |
| b. | Kim görüpdür revā be-hey kāfir |
| 4. | a. | Çekmişem ben cefāñı biñ kerre |
| b. | Sen de it bir vefā be-hey kāfir |
| 5. | a. | Bizi bir būseyile yād itseñ |
| b. | Olmaz idi ẖaṭā behey kāfir |
| 6. | a. | Dil ki derd-mendüñdür evvelden |
| b. | Derdine ḳıl devā be-hey kāfir |
| 7. | a. | Cān u dilden saña bu ʿālemde |
| b. | Mihrīdür mübtelā be-hey kāfir |
| 31 |
| 1. | a. | Çeşmüme dil uyup ruẖ·ı dildāra gitdiler |
| b. | Göz göre gör beni nice odlara atdılar |
| 2. | a. | Dil düzdi bāġ·ı ḥüsnine ol ṣunmasun diyü |
| b. | Zülf·i siyāh·ı mārı gülistānda yatdılar |
| 3. | a. | Gül ruẖlarına beñzedüm anuñ dimiş meġer |
| b. | Sūsenler üstine yüriyüp dil uzatdılar |
| 4. | a. | Nāzüklikile meyvesin aldum dehānınuñ |
| b. | Gör bāġbānı yaʿni ki uġrı gözetdiler |
| 5. | a. | Öldürmege getürdi diyü müddeʿīyi yār |
| b. | Çeşmiyle ġamzesi baña birden göz etdiler |
| 6. | a. | Didüm raḳībī dāra ʿaceb aṣdılar mı ola |
| b. | Bir ẖayr aġızlu didi ki çoḳdan uzatdular |
| 7. | a. | Deprendügince ḳuvvet virür cāna leblerüñ |
| b. | Şīrīn sözüñ kelāmına şeker mi ḳatdılar |
| 8. | a. | Bī-mihri Mihrī sevme didüm pend ṭutmaduñ |
| b. | Her cevri ki itdiler saña anlar ẖoş etdiler |
| 32 |
| 1. | a. | Çekmeyen bilmez nedür yārüñ cefāsı özgedür |
| b. | Düşmeyen bilmez nedür hicrüñ belāsı özgedür |
| 2. | a. | Olmayan ʿāşıḳ ne bilsün ehl·i ʿışḳuñ ḥālini |
| b. | Şerḥ olınmaz bu beyānuñ mācerāsı özgedür |
| 3. | a. | Rāstī seyr eyle ʿuşşāḳı nevālar gösterür |
| b. | Dilleri ḥayrān ider ʿışḳuñ ṣadāsı özgedür |
| 4. | a. | Ḫalvetüñde zāhidā ʿayb itme ehl·i ʿışḳa sen |
| b. | Künc·i ġamda ʿāşıḳuñ da bī-riyāsı özgedür |
| 5. | a. | İşüñ altun itmek isterseñ yüzüñ zer eylegil |
| b. | Ṭālib·i iksīr·i ʿışḳ ol kimyāsı özgedür |
| 6. | a. | Būy·ı zülf·i dil-berüñ ġayrin getürme ey ṣabā |
| b. | Bu dil·i sūzānuma ḳıble hevāsı özgedür |
| 7. | a. | Bir ṭabībe ben didüm bīmār·ı ʿışḳa çāre ne |
| b. | Didi dilber vaṣlıdur anuñ devāsı özgedür |
| 8. | a. | Bir perīnüñ ḥalka·i zülfine nā-gāh oldu ṣayd |
| b. | Şimdi Mihrī miskīnüñ dām·ı belāsı özgedür |
| 33 |
| 1. | a. | Ḫürrem iden ʿālemi cānā cemālüñ baġıdur |
| b. | Dōstum ʿuşşāḳa raḥm it gel ki ḥüsnüñ çaġıdır |
| 2. | a. | Bülbül iñler ẖārdan ben aġlaram aġyārdan |
| b. | Müstedām olsun bizümle ẖayli derd ortaġıdur |
| 3. | a. | Rīsmān·ı zülfüñle niçün baġludur boynum didüm |
| b. | Gösterüp çeşmin didi bu kafirüñ ṭutsaġıdur |
| 3. | a. |
Ḥasretinden aġlaram sen
|
| b. | Gözlerüm yaşı dükenmez ṣanki Nīl ırmaġıdur |
| 5. | a. | Çekmezidi bir nefes ẖāruñ cefāsın neylesün |
| b. | Līk bülbül gülsitān içre gülün ṭutsağıdur |
| 6. | a. | Bezm·i ḥüsnüñe vücūdum şemʿdür pervāne dil |
| b. | Bu yanan cānum fitīlidür yüreġüm yaġıdur |
| 3. | a. | Dehr elinden bir ṣafā cāmını nūş ettürmedün |
| b. | Ṣunduġuñ her dem felek Mihrīye biñ ṭas āġıdur |
| 34 |
| 1. | a. | Ḫaṭṭuñ benefşe ẖaddüñ ẖoş yāsemīne beñzer |
| b. | Gülzār·ı ḥüsnüñ ey dōst cennet içine beñzer |
| 2. | a. | Ḥaḳḳın di ey felek sen gördüñ mi devr idelden |
| b. | Ḫalḳ·ı cihānda bir ẖūb bu nāzenīne beñzer |
| 3. | a. | Yüzüñ görüp ḥasedden bedr olmasun ḳamer hiç |
| b. | Öykinmekile ḳaçan sen meh-cebīne beñzer |
| 4. | a. | Ḥalḳa oldı firkatüñden ḳāddüm benüm ey bī-raḥm |
| b. | Baġruñ senüñ ʿacebdür seng·i nigīne beñzer |
| 4. | a. | ʿIşḳuñ yolında cānā cān virdigüm görenler |
| b. | Dir ehl·i ʿışḳ içinde Mihrī güzīne beñzer |
| 35 |
| 1. | a. | Dil-berüñ bāġ·ı cemāli ki kış u geh yaz açılur |
| b. | Ṣan cihān gülşenidür gülleri ṭurmaz açılur |
| 2. | a. | Nice şerḥ eyleyeyin ġonca-dehānı ẖaberin |
| b. | Nā-gehān nār·ı nihāndan yine bir rāz açılur |
| 3. | a. | Ḳorḳaram laʿl·i lebinüñ ẖaberin söylemeġe |
| b. | Nā-gehān genc·i nihāndan yine bir rāz açılur |
| 4. | a. | Her ḳaçan kim iderem ʿışḳ·ı hevāsında sedā |
| b. | Āhumuñ perdelerinden nice şehnāz açılur |
| 5. | a. | Araram ḥüsn kitābın ki vefā resmi bulam |
| b. | Hā cefā bābı(y)la mesˀele·i nāz açılur |
| 6. | a. | Muṣḥaf·ı ḥüsnüni gördüñ çün oḳı sūre·i nūr |
| b. | Mihrī ʿāşıḳlara ʿālemde bu fāl az açılur |
| 36 |
| 1. | a. | Dil ser·i zülfüñe ber-dār olmaġa cānın sürer |
| b. | Ölmeġe yir ister uşda geldi urġānın sürer |
| 2. | a. | Boynuma ṭaḳsañ n'ola cānā kemend·i zülfüñi |
| b. | ʿĪd·i vaṣl irse ḳaçan her kişi ḳurbānın sürer |
| 3. | a. | Ṭār ü mār itmiş ruẖında yār zülf-i ʿanberīn |
| b. | Ṣanasın ṭāvūsdur gülşende cevlānın sürer |
| 5. | a. | ʿĀşıḳa maʿşūḳ çün cevr ide gelmişdür ezel |
| b. | Terk·i ʿādet eylemez her kişi erkānın sürer |
| 5. | a. | Mihrī·yi dil-ẖastenüñ ḥālin ṣorarsa yāra diñ |
| b. | Bir nefes ḳalmışdurur ammā āh ol cānın sürer |
| 37 |
| 1. | a. | Dili virdüm yalıñuz ṣanma saña cān biledür |
| b. | Dil nedür cān daẖi cānā saña ḳurban biledür |
| 2. | a. | Geçdi ey ḳaşı kemān ġamzeñ oḳı cāndan öte |
| b. | Daẖi çeşmüñ niçe bir sīneme müjġān biledür |
| 3. | a. | N'idelüm gözden ıraġ oldıñise dōst yeter |
| b. | Çün ẖayālüñ dil·i vīrānuma mihmān biledür |
| 4. | a. | Görüp ol yāri baña söylemesün diyü raḳīb |
| b. | Muttaṣıl sāye gibi gör nice şeyṭān biledür |
| 5. | a. | Mihrī bülbül gibi efġānuñı dilden ḳoma kim |
| b. | Lāle ẖaddinde anuñ çün gül·i ẖandān biledür |
| 38 |
| 1. | a. | Düşmenler üstine ṣanemüñ el üşürdiler |
| b. | Yanlı ẖaberle uş beni gözden düşirdiler |
| 2. | a. | Hecr āteşiyle dil ẖo[d] ezelden kebābidi |
| b. | Sīnemde yaḳdılar cigerümde pişürdiler |
| 3. | a. | Öldürdüm idi müddeʿī bir çelmeyle tīz |
| b. | Neylersin itler ʿav ʿavı ʿaḳlum şaşurdılar |
| 4. | a. | Öldürmesi ġazā diyü ʿuşşāḳ cemʿ olup |
| b. | Kāfir raḳībe her birisi bir ṭaş urdılar |
| 5. | a. | Derdlü yürek ey Mihrī cefāya ideydi ṣabr |
| b. | Cevr·i zamāna ẖūbları ḥadden aşurdılar |
| 39 |
| 1. | a. | Didi dil-ber ḥüsnümüñ ḥayrānı ol didüm be-ser |
| b. | Didi her dem ʿışḳumuñ giryānı ol didüm be-ser |
| 2. | a. | Didi ḥüsnüm gülistānınuñ hezārān derdle |
| b. | Rūz u şeb bülbül gibi nālānı ol didüm be-ser |
| 3. | a. | Didi Kāʿbe kūyumuñ itseñ ṭavāfın ṣıdḳ(i)le |
| b. | ʿĪd·i vaṣlumuñ hemān ḳurbānı ol didüm be-ser |
| 4. | a. | Didi yüz sür āsitānumda ṭurup leyl ü nehār |
| b. | Sen de hiẕmetkārumuñ der-bānı ol didüm be-ser |
| 5. | a. | Didi ey Mihrī saña cānān gerekse cān vir |
| b. | İmdi gel ʿışḳum yolında fānī ol didüm be-ser |
| 40 |
| 1. | a. | Zülfüñ ü ḳaşuñ ḳadüñ gördüm ki cān andan çıḳar |
| b. | Bunlara cān virmeyen elbette cānāndan çıḳar |
| 2. | a. | Tīr·i ġamzeñ ṭutmasun jengār ġamdan dōstum |
| b. | Yüregümi yar gel peykānuñı ḳandan çıḳar |
| 3. | a. | Bī-güneh maḥbūsdur çāh·ı zenaẖdānuñda dil |
| b. | Zülfüñe aṣ ḳurtar ol miskīni zindāndan çıḳar |
| 4. | a. | Ben vefā umduḳça ol bī-raḥm dil-ber āh kim |
| b. | Cevri ḥadden aşurur nāzile orandan çıḳar |
| 5. | a. | Ġamzesi düzdi bulup dilde ẖayālī ẖaznesin |
| b. | Didi ancaḳdur ki dirler genc vīrāndan çıḳar |
| 6. | a. | Zülfüñe baş ḳoşdı ġamzeñ yaḳdı diller şehrini |
| b. | Şimdi fitne ʿāleme sen çeşm·i fettāndan çıḳar |
| 7. | a. | Müddeʿī söziy(i)le elden çıḳardum yāri āh |
| b. | Her geh şeyṭāna uyar elbette īmāndan çıḳar |
| 8. | a. | Ey belā-keş Mihrī sen beñzer Belāyī neslisin |
| b. | Saña dāˀim bī-vefālar ġālibā andan çıḳar |
| 41 |
| 1. | a. | Şol dil-rübā ki ḥüsn ilinüñ kişveri geçer |
| b. | Bir şehdür ol ki cān u göñül leşkeri geçer |
| 2. | a. | Ol dil-rübāya dil nice olmaya müşterī |
| b. | Cümle cihān güzellerinüñ serveri geçer |
| 3. | a. | Virse żiyā cemāli cihāna ʿaceb midür |
| b. | Ol dil-berüñ ki ḥüsn·i cemāl enveri geçer |
| 4. | a. | Cellād çeşmi cānuma ḳaṣd itmedün henüz |
| b. | Derdlü yürege ġamzesinüñ ẖançeri geçer |
| 5. | a. | Cān viremez yolumda dime Mihrī dōstum |
| b. | Ṣādıḳlaruñ cihānda bu daẖi beri geçer |
| 42 |
| 1. | a. | Şöyle kim dil ẖānesinde mihr·i cānān gizlüdür |
| b. | Nitekim cānda elif ten içre hem cān gizlüdür |
| 2. | a. | Dāmenin öp devlet isterseñ yüziñ sür pāyine |
| b. | Derdine vir cānuñ ey dil anda dermān gizlüdür |
| 3. | a. | Ḳaşı bismillāh ile oḳı cemāl·i muṣḥafın |
| b. | Küfr·i zülfinde gör anuñ nice īmān gizlüdür |
| 4. | a. | Leblerinde dişleri naẓmın gören dir gūyiyā |
| b. | Ḥoḳḳa·i yāḳūt içinde dürr ü mercan gizlüdür |
| 5. | a. | Müddeʿīyi güldürüp aġlatmasun diñ beni yār |
| b. | Ġarka virür ʿālemi yaşumda ṭūfān gizlüdür |
| 6. | a. | Ġam degül ṭutsa ẖaṭı yārüñ ˀiẕārı çevresin |
| b. | Ẓulmetüñ içinde lā-büd āb·ı ḥayvān gizlüdür |
| 7. | a. | Ġamzesi oḳlarına sīnem nişān olalı āh |
| b. | Yār bilür yüregümde niçe peykān gizlüdür |
| 8. | a. | Ġuṣṣasın dilde görüp ṣordı ẖayāli ben didüm |
| b. | Ḫayli müddetdür derūnumda bu mihmān gizlüdür |
| 9. | a. | Āşikāre būse cer itdüm lebinden didi yār |
| b. | ʿĀrif ol ʿārif ḳatında luṭf ü iḥsān gizlüdür |
| 10. | a. | ʿIşḳ bir sırr·ı ilāhīdür ne bilsün mübtedī |
| b. | Ḥamdülillāh Mihrī cāhilden bu ʿirfān gizlüdür |
| 43 |
| 1. | a. | Ṣarrāfı da benden beter āvāre olupdur |
| b. | Beñzer ẖadi dil-berlerinüñ ḳare olupdur |
| 2. | a. | Ḳo yüzleri aġ olmasun ol ẖīzlerüñ kim |
| b. | ʿUşşāḳı ḳor iḥsānları aġyāre olupdur |
| 3. | a. | Mest·i mey·i ʿaşḳ olmış ü gözine götürmiş |
| b. | Evkār ṭurur arḳası dīvāre olupdur |
| 4. | a. | Bir ġonca kim açılmadın anuñ bite ẖārı |
| b. | Şimden gerü bunlaruñ işi vāre olupdur |
| 5. | a. | Her bādede cānān lebi yādına ey Mihrī |
| b. | Ṣarrāfı da benden beter āvāre olupdur |
| 44 |
| 1. | a. | ʿĀşıḳiseñ ʿışḳ yolında ṣaḳlama nāmus ü ʿār |
| b. | Cehd idüp bu yolda cān vir yoẖsa elden gitdi yār |
| 2. | a. | Fāriġ olup ger göñülsüz isterisen yārunı |
| b. | Ġāfil olma ki ḥaẕer ḳıl ġayrınuñ olur nigār |
| 3. | a. | ʿĀlemi ġarḳ eyleriseñ kimse silmez yaşuñı |
| b. | Ṣoñra ger ḳan aġlarisen günde biñ kez zār zār |
| 4. | a. | Gülsitānında iken ol ġoncanuñ feryād ḳıl |
| b. | Yoẖsa yarın gül gider ḳalursun ey miskīn hezār |
| 4. | a. | Ḫār elinden dāmenin ḳurtarmaġiçün dil-berüñ |
| b. | Sen daẖi her gülsitāna yüz urup yalvar ne var |
| 5. | a. |
|
| b. | Dāmenine ter gülüñ yapışmasun saˀy eyle ẖār |
| 6. | a. | Bir zamān Mihrī felekde seyr iderdi şimdi gör |
| b. | Bu sebepden oldı uş ayaḳlar altında ġubār |
| 45 |
| 1. | a. | Gerçi dil mecrūḥdur hicrüñle gözde nem de var |
| b. | Ḥamdülillāh kim viṣālüñden aña merhem de var |
| 2. | a. | Dil-ġarībin nār·ı hicrān ger yaḳarsa ġam yeme |
| b. | Saña ey ḳanlu yaşum āhum gibi hem-dem de var |
| 3. | a. | Tīġ·i ḳahruñdan cigerler pārelendi gerçi āh |
| b. | ʿĀteş·i ʿışḳuñ yanar sinemde gūyā dem de var |
| 4. | a. | Atmasun mı tīr·i ġamzeñden kemān ebrūlaruñ |
| b. | Yalıñuz cānum degül aña hedef sīnem de var |
| 5. | a. | Hem-dem olduñsa ḥabibe ġurre olma müddeʿī |
| b. | Bu cihāndur şādlıḳ soñında lā-büd ġam da var |
| 6. | a. | Sāye·yi dildārla germ olma sen ʿāşıḳlara |
| b. | Dil-berüñ laʿli nebātın dişlemiş ādem de var |
| 7. | a. | Bu cihān bāġında Mihrī nice nālān olmasun |
| b. | Bir senüñ gibi ẖuṣuṣā ġonca-leb gül-fem de var |
| 46 |
| 1. | a. | Gözi(y)le ġamzesi ṣanemüñ el bir itdiler |
| b. | Ṣanduḳ·ı sīnem aña nişān idüp atdılar |
| 2. | a. | Aḥsend ki bir ẖadenġle biñ pāre ḳıldılar |
| b. | Cān pūtasını toġrısı ṭoġrı gözetdiler |
| 3. | a. | ʿIşḳuñ yolunda oẖ gibi ṭoġrı gelen şehā |
| b. | Nāmusı şīşelerini çoḳdan uşatdılar |
| 4. | a. | ʿÖmrüm ṭavīlligine yine s̲abit delildür |
| b. | Çün ruẖlarında zülf·i ṣanemler uzatdılar |
| 5. | a. | Öldürmesi muḥaḳḳaḳ idi dün raḳībi yār |
| b. | Kim māniʿ oldu kim bugün ipin uzatdılar |
| 6. | a. | Cān şemʿasına yanduġumu dōstlar görüp |
| b. | Dil micmeriy(i)le göyünüp bile tüttüler |
| 7. | a. | Cān almaġ ile mi ḳoyalar seni ẖūblar |
| b. | Ey Mihrī ḳatlan daẖi daẖi saña nitdiler |
| 47 |
| 1. | a. | Kim var güzeller içre cihānda saña yeter |
| b. | Yāẖud belā-keş ʿāşıḳ·ı şeydā baña yeter |
| 2. | a. | Dil ḥücresinde her gece ʿışḳuñ muṭavvelin |
| b. | Görmege cān delīl ü tenüm būriyā yeter |
| 3. | a. | Zecrise ḥadden aşdı gözüm yaşı başdan |
| b. | Cevrise yetdi cānuma ey dil-rübā yeter |
| 4. | a. | Ḳahruñ cihānda ben görürem luṭfuñı raḳīb |
| b. | Öldürmekise ʿāşıḳı hey bī-vefā yeter |
| 5. | a. | Yüz sürmekile izlerine oldum āşinā |
| b. | Kūyuñda itlerüñle bu ben mübtelā yeter |
| 6. | a. |
|
| b. | Yār eşiginde Mihrīye bir ḳurı cā yeter |
| 6. | a. | Bir dāne ile zülfi göñül mürġin itdi ṣayd |
| b. | Baña cihānda ʿömrüm olınca ġıda yeter |
| 48 |
| 1. | a. | Gördüm ruẖını zülf·i şebinde nihān yatur |
| b. | Ṣandum seḥāb içinde meh·i āsumān yatur |
| 2. | a. | Ḥüsnüñ mis̲āli bir daẖi gelmiş midür ʿaceb |
| b. | Her kūşesinde berg·i gül·ü erġuvān yatur |
| 3. | a. | Ḳılsa vaṭan ʿaceb mi bu dil āsitānuñı |
| b. | Pes ʿandelīp ḳande göre gülsitān yatur |
| 4. | a. | Ben kumrı gibi dōst direm ṣubḥ olınca ah |
| b. | Ol ẖoş rakīb ile ṣarulup cāna cān yatur |
| 5. | a. | ʿIşḳuñ meyini nūş ideli Mihrī dōstum |
| b. | Gitdi başına gelmedi ʿaklı bī-cān yatur |
| 49 |
| 1. | a. | Güzellerile göñül gerçi āşīnālardur |
| b. | Velīk her dem olardan gelen cefālardur | |
| c. | Demezler ʿāşıḳı gördükçe mübtelālardur | |
| d. | Figān güzeller elinden ki bī-vefālardur |
| 2. | a. | Egerçi ʿādetidür ẖublaruñ çü ʿāşıḳa nāz |
| b. | İgende ḥadden aşurmayup etseler hele az | |
| c. | Geçürdiler günümüz her dem āhla ḳış ü yāz | |
| d. | Figān güzeller elinden ki bīv-efālardur |
| 3. | a. | Cefāların göre ʿāşıḳ vefāların aġyār |
| b. | Sürer cihānda münāfıḳ ṣafāların herbār | |
| c. | Seveni kendüleri sevmeġe iderler ʿār | |
| d. | Figān güzeller elinden ki bī-vefālardur |
| 4. | a. | Vefālu gerçi güzel çoḳ denürdi devrānda |
| b. | Biz anı görmemişüzdür cihānda bir anda | |
| c. | Bilimedüm bunlaruñ nāmı var nişān kande | |
| d. | Figān güzeller elinden ki bī-vefālardur |
| 5. | a. | Ölince Mihrī cihanda bu sırrı itme tebāh |
| b. | Yaḳanı çāḳ idüp it gördügüñe derdle āh | |
| c. | Mezārun üzre biten ḥaşr olınca diye giyāh | |
| d. | Figān güzeller elinden ki bī-vefālardur |
| 50 |
| 1. | a. | Geh hicr·i yār ü gāh beni ġamlar öldürür |
| b. | Geh vaṣl·ı dil-ber ile geçen demler öldürür |
| 2. | a. | Düşmen güler bu ḥālüme ben aġlaram müdām |
| b. | Hey buña cān mı ḳatlanur ādemler öldürür |
| 3. | a. | Ḫaste dile ẖayāliydi emsem eyleyen |
| b. | Müşkil budur ki şimdi beni emler öldürür |
| 4. | a. | Aġlañ gülüñ ki birgün eyā dostlar rakīb |
| b. | Ecel irişmeden beni derhemler öldürür |
| 5. | a. | Ḫār·ı cefāda Mihrī ölürse ne ġam raḳīb |
| b. | İt ḳırıcı seni anı gül-femler öldürür |
| 51 |
| 1. | a. | Leblerüñi gördügümce dōstum cān imrenür |
| b. | Yalıñuz bir ben miyem kāfir müselmān imrenür |
| 2. | a. | Göreli zülfüñ şebinde yüzüñüñ envārını |
| b. | Çerẖ ser-gerdān olupdur māh·ı tābān imrenür |
| 3. | a. | Serv ḳaddüñ nāzla seyr etdügince bāġda |
| b. | Her yaña aġzı ṣuyı aḳar aña büstān imrenür |
| 4. | a. | Bāġ·ı ḥüsnüñde ṣabā depretdügince zülfüñi |
| b. | Ġoncalar ḥandān olup zülfüñe reyḥān imrenür |
| 5. | a. | Düşmişem çāh·ı zenaẖdānuña gerçi rāḥatam |
| b. | Ḥamdülillāh ḥālüme her ehl·i zindān imrenür |
| 6. | a. | Ḥoḳḳa·i yāḳut içre billāh ol dür-dāneye |
| b. | Kim ola cān virmeye ol baḥre her kān imrenür |
| 7. | a. | Derdini derdine dermān ideliden dil-berüñ |
| b. | Mihrīnüñ her vechile derdine dermān imrenür |
| 52 |
| 1. | a. | Muṣḥafında hüsnünüñ cānā ẖaṭuñ iʿrābdur |
| b. | Ṣūretüñ ʿuşşāḳa cāmiʿ ḳaşlaruñ miḥrābdur |
| 2. | a. | Āsitānuña nice yüz sürmesün leyl ü nehār |
| b. | Ehl·i ʿışḳuñ secde-gāhı ḳıblesi ol bābdur |
| 3. | a. | Dil şeb·i zülfüñde gümrāh olmasa olmaz ʿaceb |
| b. | Ey şehr·i ẖubān·ı ʿālem ṣūretüñ meh-tābdur |
| 4. | a. | Yalıñuz bir ben miyem sen dil-rübāya mübtelā |
| b. | Cān ü dilden bu cihān ẖalḳı saña aḥbābdur |
| 5. | a. | Gözleri yaşın revānlar eyleyüp nālān ider |
| b. | Mihrī ḥüsnüñ gülsitānında bugün dūlābdur |
| 53 |
| 1. | a. | Ne ḥüsnüm āfitāb vü ne ẖod māh gencidir |
| b. | Ne kaşlarum kemān vü ne zülfüm nişāncıdur |
| 2. | a. | Bühtānlar eylemiş bize raʿnā diyü ẖatīb |
| b. | Şāʿirlerüñ bir nicesi ġāyet yalancıdur |
| 3. | a. | Lāġile būse istese bizden ʿaceb degül |
| b. | Saḳalı gelse her kişi eller gülincidür |
| 4. | a. |
Şimden gerü
|
| b. | Yıllarla yürek aġrısı ishāl rencidür |
| 5. | a. | Her āsitāna yüz sürüyüp būse cer ider |
| b. | Bu bāb içinde Mihrī de senden dilencidür |
| 54 |
| 1. | a. | Her seḥer vaḳtinde dil-ber çün ṣabāya rū ṭutar |
| b. | Zülf·i būyıyla cihān eṭrāfını ẖoş bū ṭutar |
| 2. | a. | Bir güzeller şāhını ḥüsn içre gördüm nāgehān |
| b. | Ser-te-ser dil mülkini didüm ki āẖir bu ṭutar |
| 3. | a. | Çeşm·i pür-efsun ile diller ḳomaz bend itmedük |
| b. | Siḥrle beñzer cihānı bu iki cādū ṭutar |
| 4. | a. | Firkatüñden iñlesem ditrer zemīn ü āsumān |
| b. | Ḥasretüñden aġlasam işbu cihānı ṣu ṭutar |
| 5. | a. | Mihrīye raḥm it bugün yoẖsa bilürsin dōstum |
| b. | İrteden tīz ḥüsnünüñ āyinesini mū ṭutar |
| 55 |
| 1. | a. | Yine eyyām·ı bahār irdi bezendi her diyār |
| b. | Ḳıldı āfāḳı şükūfeyle müzeyyen girdigār |
| 2. | a. | Nice nakş itdi gör ol naḳḳāş ṣunʿından yine |
| b. | Her diraẖt·ı ẖāmdan gösterdi bir rūy·ı nigār |
| 3. | a. | Devlet anlaruñ ki bu es̲nāda ola gülzārda |
| b. | Bir elinde cām·ı sāġar bir elinde zülf·i yār |
| 4. | a. | Geh yañaġından gül ala geh lebinden mül anuñ |
| b. | Geh miyānını der-āguş ide geh būse-kenār |
| 5. | a. | Gül gibi geldi yine ʿālem bahārıyla bugün |
| b. | Ṣūretin keşf eyledi gülzāra beñzer şehriyār |
| 6. | a. | Ḳadd·i dil-cūsını gördi raḳsa girdi servler |
| b. | Aña germ olup çemende ayasın ḳarṣar çenār |
| 7. | a. | Her gül-endāmuñ hevāsına mey·i ẖām iç yüri |
| b. | ʿĀrifiseñ fırṣatı fevt itme bu dem zinhār |
| 8. | a. | Didi Mihrī ol güle bencileyin bülbül mi olur |
| b. | Didi kim ben görürem günde senüñ gibi hezār |
| 56 |
| 1. | a. | Bizden ḳaçırur ḥüsnüni dil-ber ne kolaysuz |
| b. | Bülbülden irāġ oldu gül·i ter ne kolaysuz |
| 2. | a. | Ḳahrın çeke ḥadden aşırı ʿāşık·ı ṣādıḳ |
| b. | Luṭfıñ göre her cāhil ü ebter ne kolaysuz |
| 3. | a. | Biñ yerde dilüm delmiş iken ġamzesi tīri |
| b. | Çeşmi de ura sīneme ẖançer ne kolaysuz |
| 4. | a. | Yoḳ yere dehānı ẖaberin itdi deyü faş |
| b. | Düşürdi bizi dillere eller ne kolaysuz |
| 5. | a. | Şīrīn lebin aġyāra ṣunar Mihrīye ṣunmaz |
| b. | Ṭūṭī baḳa ḳarga yiye şeker ne kolaysuz |
| 57 |
| 1. | a. | Benden çevirür yüzini cānān ne ḳolaysuz |
| b. | Meyl itmedügi ḳulına sulṭan ne kolasuz |
| 2. | a. | ʿAşıḳları bir būsesine cān vire her dem |
| b. | Aġyārlara ol ṣarıla ʿuryān ne kolaysuz |
| 3. | a. | Derd ol dirīġā kişinüñ sevgilü yāri |
| b. | Yanından ıraġ oldugı bir an ne kolaysuz |
| 4. | a. | Sāˀillerine virmeye hiç ḥüsn·i zekātın |
| b. | Yādlara ḳıla luṭfla iḥsān ne kolaysuz |
| 5. | a. | Buyurmış iken aṣmaġa ol yār raḳībi |
| b. | Aṣılmadan it üzile urġan ne kolaysuz |
| 5. | a. | Öldüriser āẖır ġam·ı hicrān seni Mihrī |
| b. | Yār itmez ise derdüñe dermān ne kolaysuz |
| 58 |
| 1. | a. | Çün derdle āh eylemege başlaruz biz |
| b. | Her kandese ʿışḳ ehline yoldaşlaruz biz |
| 2. | a. | Her ġonca-lebün yāḍına efġānumuz artar |
| b. | Bülbüller ile gūya ki ḳardaşlaruz biz |
| 3. | a. | Şemʿ·i ruẖuña ta geceler ṣubha dek ey dōst |
| b. | Per yaḳmada pervāneye yoldaşlaruz biz |
| 4. | a. | Eksilmedi aġyār nidem yār eşiginden |
| b. | Ol kelb·i laʿīni şu ḳadar taşlaruz biz |
| 5. | a. | Ḫūblarda vefā bulımaduḳ Mihrī cihānda |
| b. | Bir baẖtı siyeah ṭāliʿi yoḳ başlaruz biz |
| 59 |
| 1. | a. | Ḥacı Nābī bizüm Allāha ḳalupdur işümüz |
| b. | Ki bu hercāˀilere uġradı ḳutsuz başumuz |
| 2. | a. | Ḳadri bilinmeyen ʿāşıklar içün ḥaşre degin |
| b. | Dögelüm başumuzı taşlara aḳsun yaşumuz |
| 3. | a. | Ḫārı elden ḳoyalum cān virelüm gül yolına |
| b. | Ḳaçan ise gidecekdür ḳoya gitsün başumuz |
| 4. | a. | Ḳuru lāf ile cihānı bize güldürmeyelüm |
| b. | Sırrile işleyelüm her işi bitsün işümüz |
| 5. | a. | Loḳma loḳma ḳoysunlar etümüz her demde |
| b. | Rāżıyuz tek her uyuz it yemesünler leşimüz |
| 6. | a. | Düşde gördüm ki rakībi bile reddeyledi yār |
| b. | Añla taʿbirümüzi ẖayra dönüpdür işümüz |
| 7. | a. | Dil-berüñ yolına Mihrī dürüşüp cehd idelüm |
| b. | Ḳalsun ol yolda bizüm dırnaġumuzla dişümüz |
| 60 |
| 1. | a. | Ḥasret çekerem derdle ḳan itmemek olmaz |
| b. | Miḥnet belümi devr·i kemān itmemek olmaz |
| 2. | a. | Göz yaşını ḳaddüñ görüp ey serv·i revānum |
| b. | Yüz ṣuyile sen serve revān itmemek olmaz |
| 3. | a. | Fettān gözüñüñ ḳaṣdı dil ü cānmış ey dost |
| b. | Tīr·i müjeñe sīne nişān itmemek olmaz |
| 4. | a. | Per yaḳmada pervāne ṣıfat şemʿ·i rūẖuña |
| b. | ʿIşḳuñ beni üstād·ı cihān itmemek olmaz |
| 5. | a. | Gülşende görürsin güli her ẖār ile Mihrī |
| b. | Tā ṣubḥa degin āh ü figān itmemek olmaz |
| 61 |
| 1. | a. | Sensüz ṣanemā cismüme bu cānı gerekemez |
| b. | Cānum sen imişsün baña cān anı gerekmez |
| 2. | a. | Gülzār·ı ẖadüñsüz baña ey cān·ı cihānum |
| b. | Firdevs·i cinān ü gül·i ẖandānı gerekmez |
| 3. | a. | Dişüñ var iken lüˀlüˀ vü mercānı niderler |
| b. | Laʿlüñ var iken çeşme·i ḥayvānı gerekmez |
| 4. | a. | Derdüñ yeter ey dōst benüm derdüme emsem |
| b. | Dil ẖastene cānā daẖi dermānı gerekmez |
| 5. | a. | Ḫaddüñle ḳaddüñ ü ruẖun var iken ey dōst |
| b. | Serv ü semen ü lāle vü reyḥānı gerekmez |
| 6. | a. | Cānānuñı terk it didi cānuñ gerekise |
| b. | Mihrī didi cānānı gerek cānı gerekmez |
| 7. | a. | Öldürmekse ey dōst raḳībī yeter elḥāḳ |
| b. | Ol ḳelb·i laʿīnüñ bir avuç ḳanı gerekmez |
| 62 |
| 1. | a. | Sen var(i)ken ey dōst baña yār gerekmez |
| b. | Cevrüñ çekeyüm ġayri vefādār gerekmez |
| 2. | a. | Cevrüñ de vefādur baña derdüñ de devādur |
| b. | Bī-mār·ı dile bir daẖi tīmār gerekmez |
| 3. | a. | Cānā bu cihān içre vefādār ṣanemler |
| b. | Her kūşede gerçi nicesi var gerekmez |
| 4. | a. | Kūyuñda senüñ dāˀimā ʿüryān olayın dek |
| b. | Cennetde baña ḥülle vü destār gerekmez |
| 5. | a. | Pend itme baña yār içün yarını nāṣıḥ |
| b. | Yārum baña pendüñ saña hey var gerekmez |
| 6. | a. | Çeşmüñ beni öldürdi vü sen yoḳ niçe dirsin |
| b. | Ġamzeñ ẖo şehādet ider inkār gerekmez |
| 7. | a. | Mest·i mey·i ʿışḳ ol yüri ʿālemde ey Mihrī |
| b. | Pes rind ü ẖarābāt olana ʿār gerekmez |
| 63 |
| 1. | a. | ʿIşḳ āteşine yanıcı pervānelerüz biz |
| b. | Bu āteşe per yaḳmıyacaḳ ya nelerüz biz |
| 2. | a. | Nūş eylemişüz rūz·ı ezel cāmını ʿışḳuñ |
| b. | Tā ḥaşre dek ol şevḳ(i)le mestānelerüz biz |
| 3. | a. | Var ẖān-ḳaḥı bekle riyāy ile sen ey şeyẖ |
| b. | S̲ābit ḳademüz sākin·i meyẖānelerüz biz |
| 4. | a. | Ġāfil ḳomazuz ẖublaruñ elden ölince |
| b. | Zencīr·i ser·i zülfiñi divānelerüz biz |
| 5. | a. | Rüsvālıġumuz ẖalḳ·ı cihān bildi ne ġam çün |
| b. | Gūş eylemezüz nāṣıḥı rindānelerüz biz |
| 6. | a. | Meydānına ʿışḳuñ bugün iẖlāṣla girdük |
| b. | Baş oynayıcı bir niçe merdānelerüz biz |
| 7. | a. | Ey dōst raḳībile ṭurup ṣoḥbet idersin |
| b. | ʿUşşāḳlaruz çün yine bī-gānelerüz biz |
| 8. | a. | Ḳılmaḳ dileriseñ dil·i vīrāneyi maʿmūr |
| b. | Gel göñlümüzi yap ḳatı virānelerüz biz |
| 9. | a. | Terk·i dil ü cān itmeyecek dōst yolında |
| b. | Ey Mihrī nice ṭālib·i cānānelerüz biz |
| 64 |
| 1. | a. | Gördi bir māh-likāyı yine sevdi gözümüz |
| b. | Göz ucından göze göz odlara atduḳ özümüz |
| 2. | a. | Leb·i vaṣfından anuñ ṣormaġa ben cān virürem |
| b. | ʿArż·ı ḥāl itmeġe līkin aña doymaz yüzümüz |
| 3. | a. | Ruẖ·ı devrinde virür zülfi bize ʿömr·i dırāz |
| b. | Feraḥından bir olupdur gicemiz gündüzümüz |
| 4. | a. | Yapışup dāmen·i aġyāra müdārā iderüz |
| b. | Nitekim yalvaruruz bir çöpe geçmez sözümüz |
| 5. | a. | ʿIşḳ·ı rāhında anuñ ẖāk ile yeksān olalum |
| b. | Cān mülkin yıḳalum göklere çıḳsun tozumuz |
| 6. | a. | Āsumānīler atar göklere āhum dün ü gün |
| b. | Berḳ·i āhumla ʿaceb yanmaz ise yıldızumuz |
| 7. | a. | Ruẖ·ı şemʿine anuñ Mihrī çü pervānelerüz |
| b. | Yanalum yaḳılalum bir pula almaz yüzümüz |
| 65 |
| 1. | a. | Neyleyem bī-çāreye göñlüm bir dem olmaz yārsuz |
| b. | Öpsem olmaz nitekim cehd eylerem bu ʿārsuz |
| 2. | a. | Ben dilümde nāmını vird itdüm ammā dil-berüm |
| b. | Bir dem añmaz ādem olmaz bir nefes aġyārsuz |
| 3. | a. | Vaṣlını iḳrār idüp ṣaldı beni sevdālara |
| b. | Döndi inkār eyledi bu dīnī yok iḳrārsuz |
| 4. | a. | Ey ṭabīb·i cān meded bī-māruñam öldüm meded |
| b. | Didi ẖūdur ʿāşıḳ öldürmek baña tīmārsuz |
| 5. | a. | Görmedüm bir ẖūb kim yanında olmaya raḳīb |
| b. | Bu cihān baġında hiç gül olmaz imiş ẖārsuz |
| 6. | a. | Ḫūblaruñ mihrini Mihrī ölürüz terk itmezüz |
| b. | Kim ne dirise disün biz olmazuz yarsuz |
| 66 |
| 1. | a. | Yolına can virmege cānāne gelmişlerdenüz |
| b. | Ṭālib·i derd olmışuz dermāne gelmişlerdenüz |
| 2. | a. | Başumı ṭop itmeg içün zülfüñüñ çevgānına |
| b. | ʿIşḳıñuñ meydānına merdāne gelmişlerdenüz |
| 3. | a. | Mührüñi göñülde muḥkem ṭutmışum ḥaḳ söylerem |
| b. |
|
| 4. | a. | Gülsitān·ı hüsnüñüñ her kūşesinde dōstum |
| b. | Bülbül·i gūyā olup efġāne gelmişlerdenüz |
| 5. | a. | Gelmişüm ḥüsnüñ zekātından ki şeyallah idem |
| b. | Ṣanma bu derviş·i cānā nāne gelmişlerdenüz |
| 6. | a. | Ey tabīb·i dil beni bend ile dermān vaktidür |
| b. | Zülfüñüñ zencīrine dīvāne gelmişlerdenüz |
| 7. | a. | Şemʿ·i ruẖsārına cānānuñ ey Mihrī dāˀimā |
| b. | Yānalum pervāneveş çün yāne gelmişlerdenüz |
| 67 |
| 1. | a. | Nitekim yārüñ yolında cān virüp itdüm heves |
| b. | Vuṣlatına bulmadum ʿālemde bir gün dest-res |
| 2. | a. | Yıllar ile görmezem yārüm yüzin ben müddeʿī |
| b. | Sāyesi gibi ḳatından eksik olmaz bir nefes |
| 3. | a. | Lāʿl·i şīrīnüñe ben cān virürem irmez elüm |
| b. | Āh kim ḳarşumda dāˀim lā-tekellüf yer mekes |
| 4. | a. | Nice feryād idesin ʿışḳuñ belāsından göñül |
| b. | Bulmaduñ ʿālemde çün feryāduña feryād-res |
| 5. | a. | Kūyuñ içre geceler tā ṣubḥ olınca dōstum |
| b. | İtlerüñle hem-dem olduġum baña ʿālemde pes |
| 6. | a. | ʿĀşıḳuñ ḳadrin bilür yolında cān virseñ revā |
| b. | Bī-vefā hercāˀiler sevdāsına yelmek ʿabes |
| 7. | a. | ʿĀrife bir ḥarf pesdür hiç taṭvīl eyleme |
| b. | Ṭāliʿüñ yoḳdur güzellerden ey Mihrī sözi kes |
| 68 |
| 1. | a. | Ruẖuñ envār·ı şevḳinden ṭolupdur bu cihān āteş |
| b. | Vücūdum mülkini yaḳsa ʿaceb mi her zaman āteş |
| 2. | a. | Yaḳup ʿışḳuñ odın sīnemde dāˀim saḳlaram cānā |
| b. | Anuñçün ẖāne·i dilde yanar her dem nihān āteş |
| 3. | a. | Firākuñla visālüñle dil·i mehcūr ey dilber |
| b. | Olur her nār bir gülşen olur her gülistān āteş |
| 4. | a. | İlāhī gülşen·i ḥüsnin gözüm yaşı ile sen saḳla |
| b. | Ṭolupdur gerçi āhumdan zemīn ü āsuman āteş |
| 5. | a. | Çıḳar cān rāẖtını şehr·i bedenden Mihrī dil-ẖaste |
| b. | Fedā ḳıl yār olunda ki ider nā-geh ziyān āteş |
| 69 |
| 1. | a. | Dost beḥaḳḳ·ı sūre·i iḥlāṣ |
| b. | Beni öldür belādan eyle ẖalaṣ |
| 2. | a. | Yeter atsun müjeñ tīrini ḳaşuñ |
| b. | Oḳ nişānına urdı yayuñı aṣ |
| 3. | a. | Dil·i dīvānemüzi zülfüñde |
| b. | Dōstum bir kıl ile baġla ya aṣ |
| 4. | a. | Maʿnā dükkānıçinde ṣarrāf ol |
| b. | Sende bulsun ḳāmusı gevher·i ẖāṣ |
| 5. | a. | Virme nādān eline kim ne bilür |
| b. | Altınuñ ḳıymetini ehl·i raṣāṣ |
| 6. | a. | Baḥr·i şiʿr içre Mihrī bir dürdür |
| b. | Ki anı görmemiş ola ġavvāṣ |
| 70 |
| 1. | a. | Teşnedür dil leblerüñden çeşme·i cāñ eyle ʿarż |
| b. |
|
| 2. | a. | Ruẖlarunuñ pertevin setr itmesün kāfir ẖaṭuñ |
| b. | Hey begüm göster cemālüñ nūrın īmān eyle ʿarż |
| 3. | a. | Müntehā ḳaddüñ gibi bir nārven görsün henüz |
| b. | Būstāna gel bugün serv·i ẖırāman eyle ʿarż |
| 4. | a. | Pāḍişāhum seyr iderken bāġ·ı ḥüsnüñ kūşesin |
| b. | Bu dil·i dervīşüñe sib·i zenāẖdān eyle ʿarż |
| 5. | a. | Ḫāk·i pāyine nis̲ār etmeklikiçün dil-berüñ |
| b. | Ḳanlu yaşuñdan ey Mihrī dürr ü mercān eyle ʿarż |
| 71 |
| 1. | a. | ʿArż itdi gülşene görüñ ol gülʿiẕār ẖaṭ |
| b. | Naḳş itdi gül varaḳlarına yazdı yār ẖaṭ |
| 2. | a. | Ṣandum seḥāba girdi veyāẖud ṭutıldı gün |
| b. | Olmış güneş yüzinde meġer āşikār ẖaṭ |
| 3. | a. | Yazmış cemāli levḥine reyḥān ẖaṭ·ı rikāʿ |
| b. | Devr·i ḳamerde gör nice bulmış ḳarār ẖaṭ |
| 4. | a. | İster ki laʿli çeşmisīle tāze ter ola |
| b. | Āb·ı kenāre geldügi bu sebzezār ẖaṭ |
| 5. | a. | Bildi ẖadin de yazdı ẖaṭın ḳıl ḳalemle yār |
| b. | Merġūb olur kenāre yazılsa ġubār ẖaṭ |
| 6. | a. | Şimden girü vefā ẖaṭını ḳıl ḳalemle yaz |
| b. | Cān levḥasında ṣaḳlayalum yāḍigār ẖaṭ |
| 7. | a. | Geldi ʿiẕārı üstine leşker çeküp bugün |
| b. | ʿĀşıḳların yaʿni ki ide tār ü mār ẖaṭ |
| 8. | a. | Ṣanma cemāl·i ayīnesinden gözüm ıram |
| b. | Bir toz getürmek ile sen ey nā-bekār ẖaṭ |
| 9. | a. | Geldise ẖaṭṭı gül yüzine Mihrī ġam degül |
| b. | Ter ġonca iken eylemişüz iẖtiyār ẖaṭ |
| 72 |
| 1. | a. | Cān bülbüli itdükçe sen ġonca-dehāndan ḥaẓ |
| b. | İtmedi cihān içre bir bāġ·ı cināndan ḥaẓ |
| 2. | a. | Ey ehl·i ṣafā cehd et ʿışḳ ile geçir ʿömri |
| b. | Bulmaḳ dileriseñ ger cān ile cihāndan ḥaẓ |
| 3. | a. | Tīr·i müjeñi cānā atsun ḳo kemān ebrūñ |
| b. | Eyler bu dil ü cānum ol tīr ü kemāndan ḥaẓ |
| 4. | a. | Gülzār·ı cemālüñi bozdı mı ṣanur ẖaṭṭuñ |
| b. | İtmez mi ṣafā ehli her vaḳt ẖazāndan ḥaẓ |
| 5. | a. | Çeşmi dirimiş Mihrüñ cānın ḳıluram yaġma |
| b. | İtsün iderüz ġayet hey biz o ziyāndan ḥaẓ |
| 73 |
| 1. | a. | Dile cevrin ḥabīb itmişdi ḳāṭıʿ |
| b. | Dirīġā yine beñzer itdi rāciʿ |
| 2. | a. | İçer ṣu yirine ḳanumı ġamzeñ |
| b. | ʿAceb budur ki olmaz daẖi ḳāni |
| 3. | a. | Beni bir tīrle öldürmüşdi ġamzeñ |
| b. | Arada çeşmüñ olmasaydı māniʿ |
| 4. | a. | Düşelden ʿışḳuñuñ sevdāsına āh |
| b. | Neler oldı benüm başuma vāḳiʿ |
| 5. | a. | Ṭapuñdan ummazidim dost āẖir |
| b. | Ḳatuñ olayıdı külli żāyiʿ |
| 6. | a. | İrilmez yāra cehd ile ey Mihrī |
| b. | Kişide olmıyacaḳ zerre ṭālīʿ |
| 74 |
| 1. | a. | Bir büt·i gül-çihre ile ʿārif ol ʿazm eyle baġ |
| b. | Fırṣatı fevt itme seyrān it ki tīz giçer bu çaġ |
| 2. | a. | Baġruñuñ ḳanı ile pür eyle çeşmüñ sāġarın |
| b. | Dil kebābından ḥabībe mā-ḥażar eyle yaraġ |
| 3. | a. | Gonca laʿli yāḍına nūş eylesün gülgūn-mey |
| b. | Lāle ẖaddi şevḳına ser-mest olup ṣunsun eyaġ |
| 4. | a. | Vaḳt·i nevrūz irdi bu es̲nāda ġāyet cehl ola |
| b. | Bir nefes olmaḳ ḥabībüñ ẖāk·i pāyinden ıraġ |
| 5. | a. | Ya sevindür ʿīd·i vaṣluñla ya öldür Mihrīyi |
| b. | Ḳıl teraḥḥüm vaḳtidür kim süñüge irdi bıçaġ |
| 75 |
| 1. | a. | Dōstum dil mürġine ḳurmış ḳara zülfeynüñ aġ |
| b. | Göz ḳızardup düşdüm illā āh kim müşkül duzaġ |
| 2. | a. | Nitekim cehd eylerem meyl itmeyem meh-rūlara |
| b. | Çıḳarur yoldan beni bir zülfi ḳara yüzi aġ |
| 3. | a. | Ol ḳadar yaḳdum şehā ʿışḳuñ fitīlin sīnede |
| b. | Ḳurıdı cismümde ḳanum eridi yürekde yaġ |
| 4. | a. | Yaḳmasa ġam ẓulmetinde ḳalmış idüm tā ebed |
| b. | Ruẖları nārı ẖayāli ẖāne·i dilde çerāġ |
| 5. | a. | Düşdi Mihrī bir perīnüñ zülfinüñ çengāline |
| b. | Key hünerdür bu belādan ḳurtarursa cānı ṣaġ |
| 76 |
| 1. | a. | Şimdiden girü cihān ẖūblarınuñ vārına yuf |
| b. | Ḳurı daʿvālar ile itdügi iḳrārına yuf |
| 2. | a. | Eyü çekdüñ bularuñ cevr ü cefāsın be yüri |
| b. | Nice bir yalvaralum yārına aġyārına yuf |
| 3. | a. | Hey bu rīş ẖandelerüñ bir beşi vü biñ dil ile |
| b. | ʿĀşıḳuñ aldayıcı ḳavli yalan yārına yuf |
| 4. | a. | Seveni sevmez ü bunlar ha sever sevmeyeni |
| b. | Ḳo bu maḥbūblaruñ dünyede bī-ʿārına yuf |
| 5. | a. | İʿtimād itdügiçün ʿahdine hercāˀīlerüñ |
| b. | Mihrīnüñ daẖi cihāñda çürük efkārına yuf |
| 77 |
| 1. | a. | Ġamzeñ ġarażı cān ise cānā ne tekellüf |
| b. | Başumda senüñ cān daẖi cānā ne tekellüf |
| 2. | a. | Ger sen ḳılasın dōst ser·i zülfüñi çevgān |
| b. | Ben daẖi ḳılam başumı meydāne tekellüf |
| 3. | a. | Geldükçe ẖayālüñ dile mihmān ṭutar elde |
| b. | Ḫūn·ı cigerümle ṭolu peymāne tekellüf |
| 4. | a. | Kūyuñda raḳībüñi aṣayduḳ boġazından |
| b. | İt degmeñüz olmaz yazuḳ urgane tekellüf |
| 5. | a. | Mihrī saña bin cān dileriseñ virür ey dost |
| b. | Bir būse vire sen de aña rindāne tekellüf |
| 78 |
| 1. | a. | Cürmüm nedir ki dilbere bizden ṣafāsı yoḳ |
| b. | Ben bendesine ẕerrece meyl ü vefāsı yoḳ |
| 2. | a. | Her bir ẖabīs̲le ṣalınur nice ölmeyem |
| b. | Gördükçe beni yüz çevirür merḥabāsı yoḳ |
| 3. | a. | ʿIşḳuñ esīri derd ile dermānda kim begüm |
| b. | Alsañ bizim de göñlümüz ele ẖaṭāsı yoḳ |
| 4. | a. | Her bī-nevāya vaṣl·ı nevāsın ʿaṭā ider |
| b. | Ben bī-nevāya zerrece vaṣl·ı ʿaṭāsı yoḳ |
| 5. | a. | Bir nev-bahāra bir gün olur kim ẖazān irer |
| b. | Ġırra olma ḥüsne sevdügüm āẖir beḳāsı yoḳ |
| 6. | a. | Her māh-rūy ʿāşıḳuñ āhı duẖanıile |
| b. | Hiç görmedüñ ki soñra yüzinüñ ḳarası yoḳ |
| 7. | a. |
|
| b. | ʿĀşıḳ bu yolda yanmaġa ṣanma rıżāsı yoḳ |
| 8. | a. | Ey dil hemīşe cevr ü cefāya taḥammül it |
| b. | Ṣanma cihānda her kişinüñ bir belāsı yoḳ |
| 9. | a. | Mihrī gerekse yolına cān vir gerek cihān |
| b. | Oynar güler rakīb ile senden ṣafāsı yoḳ |
| 79 |
| 1. | a. | Ḫırḳaʿ·i ʿirfāndan it zāhid başuña tāclıḳ |
| b. | Ger dilerseñ görmeyesin tā ebed muḥtāclıḳ |
| 2. | a. | Cürʿa·i ʿışḳ·ı mecāzı nūş eyle ṣıdḳ ile |
| b. | Tā ḥaḳīḳatden yaña yol bulasın miʿrāclıḳ |
| 3. | a. | Nefsüñi ten ẖānesinden çek ḳanāʿat küncine |
| b. | Kim seni esrār·ı ġayba ergüre bu aclıḳ |
| 4. | a. | Cehd idüp dīdara ir çekme beriyye zaḥmetin |
| b. | Edegör Kāˀbe ṭavāfın itmeden ḥaccāclıḳ |
| 5. | a. | Nice bir nā-ḥaḳ yere ḳanlar dökersin ẓulm ile |
| b. | Varise ʿaḳluñ gel eyle nefsüne ḥaccāclıḳ |
| 6. | a. | Ney gibi iñle derūnuñdan ḳo bülbül nālesin |
| b. | Ḳumrī gibi dōst dōst di eyleme dürrāclıḳ |
| 7. | a. | Aṭlasına virme sen Mihrī emīrüñ fāriġ ol |
| b. | Dervīşüñ yiter palāsı ʿārife dībāclıḳ |
| 80 |
| 1. | a. | Dāmen·i dil-berden olalı başuma tāclıḳ |
| b. | Ḥamdülillāh kimseye göstermedüm muḥtāclıḳ |
| 2. | a. | Ruẖları naṭʿında şehmāt olmadan cān oynaram |
| b. | Ālem içre var ise ancaḳ ola leclāclıḳ |
| 3. | a. | Tācir·i ʿışḳı olaldan şehr·i dilde her zemān |
| b. | Ġayriler sīm ile zer ben cān virürem bāclıḳ |
| 4. | a. | Ben kemān ebrūlaruñ göreli ḳurbān olmışam |
| b. | Ġamzesi tīrine sīnem itmişem avmāclıḳ |
| 5. | a. | Tā ebed ẓulmet şebinde ḳalmış idüm dōstuñ |
| b. | Māh-tābı ḥüsninüñ ger itmese iẖrāclıḳ |
| 6. | a. | Zehr·i hicriyle helāk olmışdı çoḳdan cān ü dil |
| b. | Luṭf idüp şīrīn lebi ger itmese güllāclıḳ |
| 7. | a. | Bir ġıdā virmişdirür rūḥına ʿışḳı Mihrīnüñ |
| b. | Görmez ol tā ḥaşre dek rūy·ı cihānda aclıḳ |
| 8. | a. | Bī-günah ʿāşıḳları öldürmek ister ẓulmile |
| b. | Çeşm·i ẖūn-rīzüñ ki haydi itmesün ḥaccāclıḳ |
| 81 |
| 1. | a. | (sīn) Sen rūḥ·ı revān ey cān dil·i mürdeme cān ancaḳ |
| b. | Gül ruẖlarınıñ şevḳi gün gibi ʿayān ancaḳ |
| 2. | a. | (lām) Lāle ẖadüñi bülbül gülşende görüp ider |
| b. | ʿĀlemde gül·i ter çok bu gonca-dehān ancaḳ |
| 3. | a. | (ye) Yaylañile ḥüsnüñi her kim göre dir şāhā |
| b. | Kendüsidurur ġılmān yaylāḳı cinān ancaḳ |
| 4. | a. |
(mīm) |
| b. | Gerçeġi sözümün bu ġayrısı yalan ancaḳ |
| 5. | a. | (elif) İtüñle eşigüñde çün her gece hem-demdür |
| b. | ʿİzzet ise Mihrīye yiter bu hemān ancaḳ |
| 6. | a. | (nūn) Ne vaḳt·i ferāẖ devrān·ı ʿālem bu deme ẖayrān |
| b. | Biñ cāna deger bir an ne ẖoşca zamān ancaḳ |
| 82 |
| 1. | a. | Ḳulaḳdan olmış idüḳ gerçi ʿāşıḳ |
| b. | Bi-ḥamdillāh ki ẖoş gösterdi ẖālıḳ | |
| c. | Ne söz söylendise ḥaḳḳında ṣādıḳ | |
| d. |
|
| 2. | a. | Yeşil dibāyı giymişler çemenler |
| b. | Yaḳarlar sīm ḳandīl yāsemenler | |
| c. | Her eṭrāfı gül ü serv ü semenler | |
| d. | Ne ẖoş yaylaḳ imiş bu şehr·i Lādiḳ |
| 3. | a. | Kenārı ṣāfi cūy·ı erġuvānlar |
| b. | Aḳar her yaña da āb·ı revānlar | |
| c. | Dimāġa bū baġışlar cāna cānlar | |
| d. | Ne ẖoş yaylaḳ imiş bu şehr·i Lādiḳ |
| 4. | a. | Hevāsı muʿtedildür ṣuyı kevs̲er |
| b. | Dıraẖtı nārvenle serv ü ʿarʿar | |
| c. | Otı reyhān ü sünbül ẖāki ʿanber | |
| d. | Ne ẖoş yaylaḳ imiş bu şehr·i Lādiḳ |
| 5. | a. | Biter deryāsı içre nīlūferler |
| b. | Ruẖ·ı zerdi virür ʿışḳdan ẖaberler | |
| c. | Gülistānlar teferrüc-gāh yerler | |
| d. | Ne ẖoş yaylaḳ imiş bu şehr·i Lādiḳ |
| 6. | a. | Yapılmış bir serīr·i ʿālī eyvān |
| b. | Yeşil yapraḳlar olmış aña seyvān | |
| c. | İçindedür anuñ ol şāh·ı devrān | |
| d. | Ne ẖoş yaylaḳ imiş bu şehr·i Lādiḳ |
| 7. | a. | Çü şāhuñ beytini maʿmūr gördüm |
| b. | İçinde berḳ urur ol nūrı gördüm | |
| c. | Aña ṣaf baġlamışlar ḥūri gördüm | |
| d. | Ne ẖoş yaylaḳ imiş bu şehr·i Lādiḳ |
| 8. | a. | Ki bir ẖurşīd meh-ṭalʿat cebīndür |
| b. | Ḫadin kim görse der kim yāsemīndür | |
| c. | Ṭarāf·ı kūyı ṣan ẖuld·ı berīndür | |
| d. | Ne ẖoş yaylaḳ imiş bu şehr·i Lādiḳ |
| 9. | a. | Leb·i yādına olmış germ lāle |
| b. | Ṭurur yek-pā ṭutar elde piyāle | |
| c. | Ḳurardı üstine ẖayme·i vāle | |
| d. | Ne ẖoş yaylaḳ imiş bu şehr·i Lādiḳ |
| 10. | a. | Pür olmışdı gülile ṣaḥn·ı gülşen |
| b. | Ḳabaġı ṭoldurup dutmışdı sūsen | |
| c. | Çemen sultānı güldür vech·i aḥsen | |
| d. | Ne ẖoş yaylaḳ imiş bu şehr·i Lādiḳ |
| 11. | a. | Düzetmiş ṭūti ḳumrī çengine çeng |
| b. | Nevāda sāza ṭutmış ḳuşlar āheng | |
| c. | Eline bāde almış lāle gül-reng | |
| d. | Ne ẖoş yaylaḳ imiş bu şehr·i Lādiḳ |
| 12. | a. | Terennümler ḳılurdı anda bülbül |
| b. | Ṣafāsından didi ẖandān olup gül | |
| c. | Ṣurāhī mül demidür ne taḥammül | |
| d. | Ne ẖoş yaylaḳ imiş bu şehr·i Lādiḳ |
| 13. | a. | Ḳamu eşcār cemʿ olmış bu cāya |
| b. | Ferḥādan her biri ḳarṣardı aya | |
| c. | Melek ṣalmış meger üstine sāye | |
| d. | Ne ẖoş yaylaḳ imiş bu şehr·i Lādiḳ |
| 14. | a. | Güle nergis ṭurup süzmiş gözini |
| b. | Açılmış goncalar düzmiş yüzini | |
| c. | Budur firdevs bāġınuñ güzīni | |
| d. | Ne ẖoş yaylaḳ imiş bu şehr·i Lādiḳ |
| 15. | a. | Çiçekler vecde gelmiş eylemiş cūş |
| b. | Kimi ser-ẖōş olmış kimi ẖāmuş | |
| c. | Bular ẖoş ʿışḳ ayaġın eylemiş nūş | |
| d. | Ne ẖoş yaylaḳ imiş bu şehr·i Lādiḳ |
| 16. | a. | Emīr·i ʿāşıḳān gül bu karanfil |
| b. | Biter anda benefşe nergis ü gül | |
| c. | Güle ḳarşu ider efġān bülbül | |
| d. | Ne ẖoş yaylaḳ imiş bu şehr·i Lādiḳ |
| 17. | a. | Eger ʿaḳluñ varise ṭoġru dut rāh |
| b. | Varıdur elmalu baġçeye hergāh | |
| c. | Aġaçlar sāye ṣalmış ṣanki her gāh | |
| d. | Ne ẖoş yaylaḳ imiş bu şehr·i Lādiḳ |
| 18. | a. | Ne dil ile kılayum taḳrīr anı |
| b. | Dinilmez ḥaşre dek anuñ beyānı | |
| c. | Bulunmaz ser-te-ser gezseñ cihānı | |
| d. | Ne ẖoş yaylaḳ imiş bu şehr·i Lādiḳ |
| 19. | a. | Yapılmış anda bir şāhāne ḥammām |
| b. | Yeni ḥammām dirlermiş aña nām | |
| c. | Hem olmış ay ü güneş saḳfına cām | |
| d. | Ne ẖoş yaylaḳ imiş bu şehr·i Lādiḳ |
| 20. | a. | Ṣuyı cüllāba beñzer ḥavżı vardur |
| b. | Māl-ā-māl olmış içi āb·ı güldür | |
| c. | Diyār·ı Rūm içinde şimdi birdür | |
| d. | Ne ẖoş yaylaḳ imiş bu şehr·i Lādiḳ |
| 21. | a. | Eyü çekdük bu devrānuñ cefāsın |
| b. | Görelüm bārī bir kere vefāsın | |
| c. | Sürelim imdi zevḳile sefāsın | |
| d. | Ne ẖoş yaylaḳ imiş bu şehr·i Lādiḳ |
| 22. | a. | Zehī vaḳṭ ü zehī zevḳ ü zehī dem |
| b. | Ferāḥlar geldi gitdi ġuṣṣa vü gam | |
| c. | Diyeyin cān ile ben daẖi her dem | |
| d. | Ne ẖoş yaylaḳ imiş bu şehr·i Lādiḳ |
| 23. | a. | Zehī ferḥunde ṭāliʿ bunda her gāh |
| b. | Muḳīm olur bu cāya sāl ü bā-māh | |
| c. | Ki geçmiş ʿömrümüz ḥayfā hezār āh | |
| d. | Ne ẖoş yaylaḳ imiş bu şehr·i Lādiḳ |
| 24. | a. | Duʿālar eyle Mihrī şehr·i yāre |
| b. | Ki anuñ luṭfından irdüñ bu diyāre | |
| c. | Ki gördüñ gizlü genci āşikāre | |
| d. | Ne ẖoş yaylaḳ imiş bu şehr·i Lādiḳ |
| 25. | a. | Kerem kānıdur ol şehler emīri |
| b. | Ki ṭopraḳdan götürdi her faḳīrī | |
| c. | Ḫudā olsun ilāhī dest-gīri | |
| d. | Ne ẖoş yaylaḳ imiş bu şehr·i Lādiḳ |
| 83 |
| 1. | a. | Olmasun aġyar ile yāri İlāhi kimsenüñ |
| b. | Arṭmasun günden güne derd ile āhı kimsenüñ |
| 2. | a. | Geceler ney gibi nālān eylerem gündüz fiġān |
| b. | Olmasun bencileyin ḥāli İlāhi kimsenüñ |
| 3. | a. | Āsitānuñdan beni menʿ itme nāṣıḥ dil-berüñ |
| b. | Kāʿbeye yüz süricek ḳalmaz günāhı kimsenüñ |
| 4. | a. | Zāhidā ʿayb eyleme dil virdigüm dilberlere |
| b. | Olmamaḳ bunlara olur mı nigāhı kimsenüñ |
| 5. | a. | Ḥüsn iline şāh olalıdan yıḳar dil şehrini |
| b. | Böyle zālim olmasun hiç pādişāhı kimsenüñ |
| 6. | a. | Gāh zülfi ḥāˀil olur ruẖlarına geh ẖaṭı |
| b. | Ḳalmasun Mihrī seḥāb içinde māhı kimsenüñ |
| 84 |
| 1. | a. | Oldı hengām·ı bahār irdi demi gülzāruñ |
| b. | İmdi dil bülbüli artur demidür gel zāruñ |
| 2. | a. | Varalum ṣahn·ı gülistānda temāşa idelüm |
| b. | Serv·i reftārını ṣalınduġını dildāruñ |
| 3. | a. | Deñe yüz şabāşed ola bir rūhi gül gonca-lebe |
| b. | Çekmişüz cevr ü cefāsını heẓārān ẖāruñ |
| 4. | a. | Sīnemüz def ḳıluban ḳāmetümüz çeng idelüm |
| b. | Diñlesün yār maḳāmātı nedür edvāruñ |
| 5. | a. | Müddeʿī olsa cihān ẖalḳı ḳamu bize ne ġam |
| b. | Ger bizümle ola bir ẕerre vefāsı yāruñ |
| 6. | a. | Dāmen·i vaṣlı ḥabībüñ hele girsün elüme |
| b. | Ṭutmışam tīg·i belāsına boyun aġyāruñ |
| 7. | a. | Gerçi noḳṣān·i ġazelsün leb·i yāri añıcaḳ |
| b. | Ṭūṭīyi māt ider ey Mihrī şīrīn güftāruñ |
| 85 |
| 1. | a. |
|
| b. | Dillere virür ḥayat āb·ı revānı günicek |
| 2. | a. | Gülsitān etmiş bu ārāyī ser-ā-ser nev-bahār |
| b. | Ḫane ber-ẖāne müzeyyen eylemiş rengīn çiçek |
| 3. | a. | Otı sünbül ẖāki ʿanber ābı kevs̲er ẖalḳı ẖub |
| b. | Cennete beñzettüm anı ben hem-ān-dem göricek |
| 4. | a. | Rūz ü şeb elḥān ider bübülleri ẖoş şevk ile |
| b. | Gül gibi güler göñül gūşa ṣadāsı iricek |
| 5. | a. | Āsitānını edeb itdük ziyāret itmege |
| b. | Yüzümüz sürdük ḳadem baṣduġı yire giricek |
| 6. | a. | Bir ʿazīzüñ bu maḳāmıdur ki Mihrī ṣıdḳla |
| b. | Cān ü dilden bir muḥibbisin sen anuñ girçek |
| 7. | a. | Müzdine Aḳşemseddinüñ vir ṣalavāt ḳıl duʿā |
| b. | Ḳurtarur ʿisyāndan ol seni himmet idicek |
| 86 |
| 1. | a. | Çekmişüm ḥadden aşa cevr ü cefāsın feleġüñ |
| b. | Görmedüm ẕerre ḳadar mihr ü vefāsın feleġüñ | |
| c. | Sürmedüm neyleyeyin zevḳ ü şafāsın feleġüñ | |
| d. | Āh elinden feleġüñ dād elünden feleġüñ |
| 2. | a. | Mihnet ü derd ü belāyile gözüm yaşlar ider |
| b. | Ḥasret ü hicr ü cefāyile dilüm başlar ider | |
| c. | Nideyün baña felek ummaduġum işler ider | |
| d. | Āh elinden feleġüñ dād elünden feleġüñ |
| 3. | a. | Arturur nāle ile şām u seḥer zārumuzu |
| b. | Aġladur bizi ne ẖoş güldürür aġyārumuzı | |
| c. | Āh u efġān ile her dem geçirür kārumuzı | |
| d. | Āh elinden feleġüñ dād elünden feleġüñ |
| 4. | a. | Hem-demi ġuṣṣa ve ġam eyledi devrān bize |
| b. | Raḥm idüp luṭfını göstermedi bir an bize | |
| c. | Pür ider kāseyi her dem içürür ḳan bize | |
| d. | Āh elinden feleġüñ dād elünden feleġüñ |
| 5. | a. | Her kimi görse anuñ gül gibi yüzine güller |
| b. | Ṣoñradan ẖār·ı cefā-tīġ ile baġrını deler | |
| c. | Ne özi göynür esirger ne ẖo yaşını siler | |
| d. | Āh elinden feleġüñ dād elünden feleġüñ |
| 6. | a. | Görmedük bir güli gülşende ki ṣolmaya felek |
| b. | Ṣanma bir kimse ki etdüġünü bulmaya felek | |
| c. | Bu cihān bāḳī degül saña da ḳalmaya felek | |
| d. | Āh elinden feleġüñ dād elünden feleġüñ |
| 7. | a. | Nice saˀyümüzi yoluñda hebā eylesin |
| b. | Nice bir ehle cefā cehle vefā eylesin | |
| c. | Mihrīyi öldüricek kime cefā eylesin | |
| d. | Āh elinden feleġüñ dād elünden feleġüñ |
| 8. | a. | Gözümüz yaşını döndürdi bizüm ḳanlara |
| b. | Bir nefes derdümüz irgürmedi dermāñlara | |
| c. | Ḥasret itdi bizi uş sevgilü cānānlara | |
| d. | Āh elinden feleġüñ dād elünden feleġüñ |
| 87 |
| 1. | a. | Ḥabībüm naḳş·ı rūyuñdan gönül buldı muṣavverlik |
| b. | Cemālüñ āfitābından cihān ṭoldı münevverlik |
| 2. | a. | ʿAceb mi laʿl·i nābuñdan senüñ yāḳūt reng alsa |
| b. | Dehānuñ noḳṭasından dür bulupdur çün müdevverlik |
| 3. | a. | Egerçi budurur her dem ẖıtānuñ miski ʿālemde |
| b. | Ṣaçın būyından ermişdür aña daẖi muʿattarlıḳ |
| 4. | a. | Ḫüdā ḥalḳ itdi ʿālemde velī gül yüzlü dil-berler |
| b. | Senüñ ẕātuñda cemʿ etmiş güzellik tāzelik terlik |
| 5. | a. | Rakībüñ laf urup dermiş anı öldürürün bir gün |
| b. |
|
| 6. | a. | Nola meydān·ı ʿışḳuñda senüñ cān oynasa Mihrī |
| b. | Geh tīġ oldı aña ġamzeñ ider zülfüñ de çenberlik |
| 88 |
| 1. | a. | Depele ey raḳīb gel beni tek |
| b. | Dāmeninden ḥabībümüñ el çek |
| 2. | a. | Ḳapusından ḳaçan gidesin āh |
| b. | Meger Allāh ala seni tizcek |
| 3. | a. | Beni öldür rakībe raḥm it yār |
| b. |
| 4. | a. | Bu mıdur ʿādetüñ eyü gökçek |
| b. | Kime ḥālüm didüm(i)se ḥaḳḳuñda |
| 5. | a. | Bī-vefā derler idi hep gerçek |
| 6. | a. | Mihrīyi ġamzeñ etdi ḳanına ġarḳ |
| b. | Dōstum yarasına gel nemek ek |
| 89 |
| 1. | a. | Dil virdümise saña ey cān böyle mi gerek |
| b. | Her demde çeşmüñ eyleye ḳan böyle mi gerek |
| 2. | a. | Terk itdüñ itmezem der iken mübtelāñı āh |
| b. | Ḫūblar içinde ʿahd ü emān böyle mi gerek |
| 3. | a. | Ḳavlüñ benümle göñlüm alınca mıydı ey yār |
| b. | Döndüresin yüziñi revān böyle mi gerek |
| 4. | a. | Sen bī-vefāyi sevdümise kāfir olmadum |
| b. | Nāz ü ʿitāb ü cevr hemān böyle mi gerek |
| 5. | a. | Bī-çāre Mihrī müşterī iken ḳamu ünās |
| b. | Bende itdi ise saña zamān böyle mi gerek |
| 90 |
| 1. | a. | Didi dilber yapayın göñlini sen vīrānenüñ |
| b. | Ben didüm cān mülketine ḥükmi var cānānenüñ |
| 2. | a. |
|
| b. | Ḥāline baḳsañ ḥabībüm bu dil·i dīvānenüñ |
| 3. | a. | Ṭutuşur şemʿüñ zebānı micmerüñ göynür özi |
| b. | Yanduġın gördükçe ruẖsāruña ben pervānenüñ |
| 4. | a. | ʿIşḳdan fārig olan diller ne bilsün ḥālini |
| b. | Ṭutuşup hicr āteşi ile gece gündüz yananuñ |
| 5. | a. | Çün ṣabā peyki getürdi yār kūyından es̲er |
| b. | Müjde-gānı cān gerekdür Mihrī bu şükrānenüñ |
| 91 |
| 1. | a. | Ruẖlaruñ nārıyla dil yandı kebāb oldı yürek |
| b. | Çeşmünüñ ḳaṣdı eger cānise alsun tīzrek |
| 2. | a. | Yaralar urduḳça ġamzeñ sīne·i mecrūḥuma |
| b. | Dökmese seylāb·ı eşküm bāri üstine nemek |
| 3. | a. | Dōstum cevr ü cefādan öldürem derseñ beni |
| b. | Degme bir derdile ölmez ʿāşıḳam ben cānı pek |
| 4. | a. | Ḫūblar zülfi hevāsına yeler çoḳdur velī |
| b. | Yoḳdurur ammā benüm gibi yile virmiş emek |
| 5. | a. | Ḳılmaduñ bir gün ḥabībüñ zülfine hem-ser beni |
| b. | Neyleyelüm bu cihāndur saña da ḳalmaz felek |
| 6. | a. | Cān ü dilden oldı bir meh-rūya Mihrī mübtelā |
| b. | Cānıdur bir kimsenüñ kim adını olmaz demek |
| 92 |
| 1. | a. | Ṣalaldan boynuma ḥalḳa kemend·i zülf·i müşkīnüñ |
| b. | Siyeh-baẖt olmaḳ oldı kār ü bārı cān·ı miskīnüñ |
| 2. | a. | Gözüm yaşını ḳan itdüñ beni bī-ʿaḳl ü cān itdüñ |
| b. | Velī ben ẖasteden ey dōst hergiz kesmedüñ kīnüñ |
| 3. | a. | Rakībā beni menʿ itme nigāruñ ẖāk·ı pāyından |
| b. | Eger menʿ ideriseñ bil ne dīnüñ var ne āyinüñ |
| 4. | a. | Ölince çünkü el çekmez göñül dil-dār mihrinden |
| b. | Şifā virmez baña hergiz señün ey şeyẖ talḳınuñ |
| 5. | a. | Görelden Mihrī ẖaddüñle semen-sīmāñı ey meh-rū |
| b. | Başından çıḳdı sevdāsı gül ü serviyle nesrīnün |
| 93 |
| 1. | a. | Ġamzeñ ẖadengin yā ḳaşuñ tā çekdi peykānıña dek |
| b. | Atdı geçürdi sīneden ʿāşıḳlaruñ cānına dek |
| 2. | a. | Boynına çeşmi ʿāşıḳuñ zünnār·ı zülfüñ baġladı |
| b. | Şimdi görüñ ol kāfiri ḳaṣd eyler īmānına dek |
| 3. | a. | Cārūb olur kirpüklerüm bāzāra gitdükce ḥabīb |
| b. | Ṣular gözümüñ yaşları rāhını dükkānına dek |
| 4. | a. | Budur ʿaceb kim ol kemān ebrūsı tīrin atmadan |
| b. | Yasına ḳurbān olmaġa cānum gider yanına dek |
| 5. | a. | Gitdükce her dem ol ṣanem sīnem nişānın atmaġa |
| b. | Yüzüm sürerem izine tā oḳı meydānına dek |
| 6. | a. | Ṭārusı ṭarlası ṣanup ṭolandı kūyuñı raḳīb |
| b. | Bir kesme urdum ol ṭoñuz tā gitdi ormanına dek |
| 7. | a. | Çün ʿandelībisin bu gün gül yüzlü yaruñ Mihrīyā |
| b. | Var imdi nālan itmege dil-ber gülistānına dek |
| 94 |
| 1. | a. | Gel gül ey dil-ber ki sensin tende cānı kendümüñ |
| b. | Senüñile şād olur rūḥ-ı revānı kendümüñ |
| 2. | a. | Yidügüm derd içdügüm ġamdur enīsüm ġuṣṣa yār |
| b. | Sensüzin niçe geçer gör bu zamānı kendümüñ |
| 3. | a. | Dil ne çekmişdür Züleyhā-veş belā·yı hicr ile |
| b. | Eline girince sen Yūsuf·ı s̲āni kendümüñ |
| 4. | a. | Ḳāmetüm çeng oldı ten bir ḳıla döndi rāstī |
| b. | Eyleyince āh sen mūy-meyānı kendümüñ |
| 5. | a. |
|
| b. | Gör ne çıḳdı ʿāleme nām u nişānı kendümüñ |
| 6. | a. | Gördügine meyl ider dil epsem olmaz nidem āh |
| b. | Kendü kendümden gelür baña ziyānı kendümüñ |
| 7. | a. | Cān vire hicrüñde Mihrī mihrüñi terk etmeye |
| b. | Çürüyüp ger ẖāḳ olırsa üstüẖānı kendümüñ |
| 95 |
| 1. | a. | Maṭlaʿ·ı ḥüsnüñ gibi bir burc·ı aʿlā görmedük |
| b. | Māh·ı ruẖsāruñ gibi bir şems·i ġarrā görmedük |
| 2. | a. | Çoḳ cihān gülşenlerin seyr etdük ammā rāstī |
| b. | Müntehā ḳaddüñ gibi bir serv·i raʿnā görmedük |
| 3. | a. | Görseler bir nokta·i ḥüsnüñ Kirāmen kātibin |
| b. | Diyeler kim Allah Allah böyle inşā görmedük |
| 4. | a. | Sünbül ü gül-pūşlar çoḳdur cihān mülkinde līk |
| b. | Bu gülālüñ gibi bir zülf·i semen-sā görmedük |
| 5. | a. | Ḥayy ider dir demde biñ ʿaẓm·ı remīm |
| b. | Ḥaḳ bilür kim böyle enfās·ı mesīḥā görmedük |
| 6. | a. | Dil garībin gerçi bend itdi hevā·yı zülf·i dōst |
| b. | Āh kim cān ḳurtarur biz bundan aṣlā görmedük |
| 7. | a. | Gerçi ey Mihrī cihānda ġonçe-leb maḥbūblar |
| b. | Çokdur ammā biz bunuñ mānendi kaṭʿā görmedük |
| 96 |
| 1. | a. | Nola begüm keremüñden bizümle yār olsañ |
| b. | Güzeller içre ne varsın bir iẖtiyār olsañ |
| 2. | a. | Vefā ḳılam dimüşidüñ cefālaruñ çekene |
| b. | Naẓīrüñ olmazidi ʿahde ber-ḳarār olsañ |
| 3. | a. | Ġamuñla sen daẖī bilseñ neler çeker ʿāşıḳ |
| b. | Bu cevri itmezidüñ ʿāşıḳ ṭālib·ü dīdār olsan |
| 4. | a. | Bahār faṣlı vü gül devri ġonca ʿālemidür |
| b. | Demidür imdi ey dil sen daẖi hezār olsañ |
| 5. | a. | Cihānda ʿizz ü saʿādet yeterdi Mihrī saña |
| b. | Ayaġı ṭopraġına dil-berüñ ġubār olsañ |
| 97 |
| 1. | a. | Yine dil mürġine dāne döker ne ḥāldür zülfüñ |
| b. | Meger cān boynına ḥalḳa salar muḥtāldür zülfüñ |
| 2. | a. | Ḳamer serv üzre çıḳmışdur görinür ṭurrañ altında |
| b. | Cemālüñ gülsitānından egilmiş daldur zülfüñ |
| 3. | a. | Egerçi çeşm·i ẖun-rīzün içer nā-ḥaḳ yire ḳanı |
| b. | Velī ḳatline ʿuşşāḳuñ igen fi_l_ḥaldür zülfüñ |
| 4. | a. | Dizer bir ḳılda ʿuşşāḳı meger ḥüsnüñ ḳıyāmetdür |
| b. | Ki ʿaḳl u dīn ü dil alur begüm deccāldür zülfüñ |
| 5. | a. | Hevā·yı zülfüñüñ Mihrī daẖi geçmez hevāsından |
| b. | Ki anı yel gibi yeldürdi nice meh-sāldur zülfüñ |
| 98 |
| 1. | a. | Taḥṣīl odur ki ʿāşıḳ maʿşūḳa ola vāṣıl |
| b. | Ḥāṣıl budur cihānda taḥṣīlden ne ḥāṣıl |
| 2. | a. | Cūy kenāre her dem seyr eyle ol revāne |
| b. | Eyyām·ı nev-bahāruñ tīz geçer olma ġāfil |
| 3. | a. | Devlet anuñ ki bu dem rūy·ı nigāra ḳarşu |
| b. | Nūş ide sāġar·ı mül meh-tāb ola meşāʿīl |
| 4. | a. | Efsāne ile zāhid künc·i riyāda ḳalma |
| b. | Ġam-nāk cān ü dilden mül defʿ ider belābil |
| 5. | a. | Efġānlar itdügince şām ü seherde her dem |
| b. | Ṣaḥn·ı çemende gūş et billāh ne dir belābil |
| 6. | a. | Dūlāb-veş nigāruñ gördükçe gülsitānda |
| b. | Ḳıl eşḳ·i çeşmüñ ile ẖāk·ı rehini pür gil |
| 7. | a. | İnʿāma geldük ey dōst bir būse vir lebüñden |
| b. | Maḥrūm ḳılma luṭf et şey_illāh etse sāʿil |
| 8. | a. | Boynına Mihrīnüñ gel ṣal zülf·i ʿanberīnüñ |
| b. | Dīvāneye bilürsin lāzımdurur selāsil |
| 99 |
| 1. | a. | ʿArż itdi gülşene yine ruẖsār·i yār gül |
| b. | Ḫāmūş olma key ṣaḳın ey mürġ·i zār gül |
| 2. | a. | Ṣahrā yüzini ṭut geçer eyyām·ı nev-bahar |
| b. | Fevt itme fırṣatı ki degül ber-ḳarār gül |
| 3. | a. | Ṣāfī meyile ṣāḳī getür cām·ı sāġarı |
| b. | Bülbül terennüm ile geçer gülʿizār gül |
| 4. | a. | Gül mevsiminde gülşene gel ʿayş u nūş ḳıl |
| b. | Destinde deste deste ṭutar her nigār gül |
| 5. | a. | Nergis gözüñ ẖayal ile ser-mest sebzede |
| b. | Ġonca tebessüm itmege uş intiẓār gül |
| 6. | a. | Devrān bahārı bir gün irer kim ẖazān olur |
| b. | Evrāḳını ḳılur ḥaẕer et tār u mār gül |
| 7. | a. | ʿÖmrüñi ẖoş geçür ki geçer Mihrī devr·i gül |
| b. | Dersin ki ḳanı bülbül ya nev-bahar gül |
| 100 |
| 1. | a. | Gitmeġe ʿaẓm eylemişsin āh şāhum gitme gel |
| b. | Ḳorḳaram kim saña teˀs̲īr ide āhum gitme gel |
| 2. | a. | Ḳılma maḥrūm ẖǎn·ı vaṣlüñden dil·i sāˀilleri |
| b. | Āsitānuñdur bugün püşt ü penāhum gitme gel |
| 3. | a. | Gerçi kim ʿışḳuñ yolında cürmi çoḳdur ʿāşıḳuñ |
| b. | Ben seni sevmekden özge yoḳ günāhum gitme gel |
| 4. | a. | Çenberin çarẖuñ yaḳar nār·ı şerārum dōstum |
| b. | ʿĀlem·i ẓulmete ḳor dūd·ı siyāhum gitme gel |
| 5. | a. | Ṭāḳ·ı ebrūñsuz sücūd etmez bilürsin ehl·i ʿışḳ |
| b. | Ehl·i islāma yazıḳdur ḳıble-gāhum gitme gel |
| 6. | a. | Gün cemālüñle münevver olmışiken cān u dil |
| b. | Ẓulmet·i ġamda ḳoma Mihrīyi māhum gitme gel |
| 101 |
| 1. | a. | Gördi çeşmüm yine bir şāh·ı cihānı ne güzel |
| b. | Sevdi cānum yine bir ẖub·ı zemānı ne güzel |
| 2. | a. | Gerçi gülşende iken çoḳ biter serv·i sehī |
| b. | Rāstī bu ṣanemüñ ḳadd·ı revānı ne güzel |
| 3. | a. | Bitmedi bāġ·ı cihānda daẖi hiç bitmeyiser |
| b. | Ruẖları güllerile gonce-dehānı ne güzel |
| 4. | a. | Kirpigi oḳların atmaġa göñül pūtasına |
| b. | Bu gözi āhūnuñ ebrū·yı kemānı ne güzel |
| 5. | a. | Her ki gördiyse cemālin didi taḥsīnler idüp |
| b. | Mihrīnün ḥaḳḳı budur rūḥ·ı revānı ne güzel |
| 102 |
| 1. | a. | Ey dost seni yār·i vefā-dār ola ṣandum |
| b. | Bilmezlik ile gör ki nice odlara yandum |
| 2. | a. | İnanmaz idüm kimseye öldüm dise elḥaḳ |
| b. | Yalan dilüñe aldanup ey yār inandum |
| 3. | a. | Dūr itme tapuñdan beni aġyār söziyle |
| b. | Allāha ḳodum anı vü ben saña ṭayandum |
| 4. | a. | Göz yaşı gibi sen de naẓardan düşürürseñ |
| b. | Derdā vü dirīgā vü hezār āh efendüm |
| 5. | a. | Biñ dürlü cefānile bu cān ḥulḳuma geldi |
| b. | Çıḳmaz nideyin ben bu ʿālemden uṣandum |
| 6. | a. | Bir mūyuñı virmez bu cihān mülkine Mihrī |
| b. | Vallāhi vü billāhi inan kim budur andum |
| 103 |
| 1. | a. | İşidüp şīrīn sözin ol laʿl· ḳadümden benüm |
| b. | Ḥaḳ bilür kim gitdüm oldum kendü kendümden benüm |
| 2. | a. | Şādam ol cānān meger efġānum işidüp dimiş |
| b. | Gitmemiş ʿışḳum daẖi bu derd-mendümden benüm |
| 3. | a. | Zülfüñe ṭolaşdı dil mürġi didüm dil-ber didi |
| b. | Ki ey ḥazer ḳıl kimse ḳurtılmaz bu bendümden benüm |
| 4. | a. | Didi miskīn sen misin zülfüm giriftārı hemān |
| b. | Niçe cānlar boynı baġlıdur kemendümden benüm |
| 5. | a. | Ger size cānān gerekse cān virüñ cānān buluñ |
| b. | Ġāfil olmañ mübtelālar işbu pendümden benüm |
| 6. | a. | Muṣḥaf·ı ḥüsnüñ ḥaḳiçün bir naẓar ḳıl ḥālüme |
| b. | Ḥaḳḳı ḥāżır gör begüm ḳorḳmaẓsañ andumdan benüm |
| 7. | a. | Mihrī sen ḳılma şikāyet dest·i cevr·i yārdan |
| b. | Her ne gelse hoş gelür baña efendümden benüm |
| 104 |
| 1. | a. | Ey cihān ẖalḳı bilüñ kim yārdan ben dönmezem |
| b. | Serv-ḳadd ü lāle-ẖad dil-dārdan ben dönmezem |
| 2. | a. | Küfr·i zülfinde ḥabībüñ ʿışḳla cāñ virmege |
| b. |
Gelmişem
|
| 3. | a. | Dil-berā ʿahd eylemişdüm yoluña cānum virem |
| b. | Dōstum vallāh ol iḳrārdan ben dönmezem |
| 4. | a. | Zāhidā döndüñise ger yārdan sen nār içün |
| b. | Yanayın ol nāra ben ol yārdan ben dönmezem |
| 5. | a. | Cānına ḳaṣd eylemiş ẖūn-rīz çeşmüñ Mihrīnüñ |
| b. | Vireyin biñ cānsa ol ẖun-ẖ*ārdan ben dönmezem |
| 105 |
| 1. | a. | Bulmadum bir gün vefā sevgülü yārumdan benüm |
| b. | Geçmedi bilmem nedür devlet kenārumdan benüm |
| 2. | a. | İñlerem ta ṣubḥ olınca nālem işitmez ḥabīb |
| b. | Gerçi ʿālemler ṭolupdur āh ü zārundan benüm |
| 3. | a. | Umma ey dil bülbüli ol gülden igen raḥm kim |
| b. | Yeg anuñ ḳatında bir ẖārı hezārumdan benüm |
| 4. | a. | Şemʿ gibi yanduġum hicrüñde görüp ehl·i ʿışḳ |
| b. | Cān cirür pervāneveş almaġa nārumdan benüm |
| 5. | a. | Cānı vir cānān yolında yārı kes aġyārdan |
| b. | Yoẖsa ey Mihrī nolur ʿālemde vārumdan benüm |
| 106 |
| 1. | a. | Bugün şādān u ẖandānam ki mürde cisme cān buldum |
| b. | Göñül mülkine çün şāh·ı emīr·i kāmrān buldum |
| 2. | a. | Bu eşk·i seyl·i ceyḥūnum ḳo baḥr·ı nīl olsun kim |
| b. | Kenārında ḳadüñ gibi sehī serv·i revān buldum |
| 3. | a. | Def ü çeng ü rebābile demidür ʿayş ü nūş idem |
| b. | Viṣāl·i yār ile çünkim şarāb·ı erġuvān buldum |
| 4. | a. | Nigārā tā ẖalāṣ etdüñ beni girdāb·ı ḥasretden |
| b. | Ferāḥdan şādmān oldum belālardan amān buldum |
| 5. | a. | Teşebbüh ideli Mihrī ẖadüñe verd·i ẖamrāyı |
| b. | Çemende lālenün baġrın ḥasedden ṭolu ḳan buldum |
| 107 |
| 1. | a. | Benefşem ẖaṭṭuñ ü ḥüsnüñ bahārum |
| b. | Hemān pesdür baña sevgülü yārum |
| 2. | a. | Cemālün bāġın idelden temāşā |
| b. | Cihān bāġına yoḳdur iʿtibārum |
| 3. | a. | Ruẖun güldür baña ġonçe dehānuñ |
| b. | Ḫadüñ berg·i semendür gülʿiẕārum |
| 4. | a. | Tapuña bende‿olaldan cān ü dilden |
| b. | Elüñe virmişemdür iẖtiyārum |
| 5. | a. | İki ʿālemde yārından ilāhi |
| b. | Ayırma Mihrīyi perverdigārum |
| 108 |
| 1. | a. | Çün bir nefes oldum saña ben bende ki hem-dem |
| b. | ʿĀlemde niçün pes çekerem ölmek içün ġam |
| 2. | a. | Ḳorḳutma beni nār·ı ceḥīm ile ey nāṣıḥ |
| b. | Āhum şererinden yanar odlara cehennem |
| 3. | a. | Öldürse gerek beni ẖayāl·i lebüñ ey dost |
| b. | Bu ẖaste dile ḳılmaz iseñ ẕerre kadar em |
| 4. | a. | Ġamzeñ ne ʿaceb yüregüme yaralar urdı |
| b. | Vaṣluñdan irişdür meded it yaraya melhem |
| 5. | a. | Ey dost benüm ḥālüme luṭf it naẓar eyle |
| b. | Cān ḥalḳuma irişdi hemān ḳaldı vü bir dem |
| 6. | a. | Cürmine baḳup Mihrīyi dūr itme ṭapuñdan |
| b. | Olmaz bu cihānda çü günāh işlemez ādem |
| 109 |
| 1. | a. | Haṣretüñden sūretüm zerdi ʿayāndur lā-cerem |
| b. | Firḳatüñden gözlerüm yaşı revāndur lā-cerem |
| 2. | a. | Hem-demüm āhum olupdur mūnisem gözüm yaşı |
| b. | Kimse bilmez ḥālümi derdüm nihāndur lā-cerem |
| 3. | a. |
Niçe |
| b. | Gice gündüz ẕikri sen şīrīn-zebāndur lā-cerem |
| 4. | a. | Çünki sultān oldı dil taḥtında ʿışḳuñ dil-berā |
| b. | Ser-be-ser cān mülkine ḥüḳmüñ revāndur lā-cerem |
| 5. | a. | Ol kemān ebrūña cānum nice ḳurbān etmeyelim |
| b. | Ġamzeñ oḳlarına çün sīnem nişāndur lā-cerem |
| 6. | a. | Bende dil cānā ṭapuñdan hergiz āzād olmasun |
| b. | Kim ẖayālüñ göñlümüñ taḥtında ẖāndur lā-cerem |
| 7. | a. | Varise müşkīn ṣaçuñ būyından etmişdür güẕer |
| b. | Ki ol hevāyile ṣabā ʿanber-feşāndur lā-cerem |
| 8. | a. | Yıḳma göñlin ʿāşıḳuñ uyma raḳībe dostum |
| b. | Çün bilürsin iblīsün sözi yalandur lā-cerem |
| 9. | a. | Ḥamdülillah bezm·i ḥüsnüñde ḥabībüm Mihrīnüñ |
| b. | Sāġar·ı çeşmi lebüñ ʿaksile ḳandur lā-cerem |
| 110 |
| 1. | a. | Ḥüsnüñüñ üstindeki ol māh ḥaḳḳıçün begüm |
| b. | Cān ü dilden bendenem ben şāh ḥaḳḳıçün begüm | |
| c. | Her seḥer-gāh itdügüm bu āh ḥaḳḳıçün begüm | |
| d. | Ṣādıḳam yoluñda ben Allah ḥaḳḳıçün begüm |
| 2. | a. | Ḳıble yüzüñden ölince yüzümi döndürmezem |
| b. | Virseler bir ḳıluña iki cihānı virmezem | |
| c. | Gerçi aylar yıllar oldı ben yüziñi görmezem | |
| d. | Ṣādıḳam yoluñda ben Allah ḥaḳḳıçün begüm |
| 3. | a. | Eyledüm seni sevelden ġayrılardan dil beri |
| b. | Dimedüñ bir gün ki hey bī-çare miskīn gel beri | |
| c. | Günde biñ kez ġamzeñ ursa yüregüme ẖançeri | |
| d. | Ṣādıḳam yoluñda ben Allah ḥaḳḳıçün begüm |
| 4. | a. | Döndürürsem yüz yüzüñden ḳıbleden dönsün yüzüm |
| b. | Senden ayruġa naẓar ḳılsa derem çıḳsun gözüm | |
| c. | Seni sevelden behey kāfir saña budur sözim | |
| d. | Ṣādıḳam yoluñda ben Allah ḥaḳḳıçün begüm |
| 5. | a. |
Ey beni |
| b. | Ben seni sevmekde gerçek ʿāşıḳam ṣanma yalan | |
| c. | A benüm çok sevdügüm vallahi billahi inan | |
| d. | Ṣādıḳam yoluñda ben Allah ḥaḳḳıçün begüm |
| 6. | a. | Ġamzeñüñ peykānı sīnemde ʿayāndur dostum |
| b. | Ḥalimüz ẖod gün gibi saña ʿayāndur dostum | |
| c. | Yoluña cān virürem bunca zamāndur dostum | |
| d. | Ṣādıḳam yoluñda ben Allah ḥaḳḳıçün begüm |
| 7. | a. | Rāżıyam cānā gerek aġlat gerek güldür beni |
| b. | Dönmezem senden gerek dirgür gerek öldir beni | |
| c. | Mihrīyem ʿışḳuñda daẖi niçe yıl yeldur beni | |
| d. | Ṣādıḳam yoluñda ben Allah ḥaḳḳıçün begüm |
| 111 |
| 1. | a. | Dest-gīr ol ben üftādeye ey kān·ı kerem |
| b. | Ki kerīm ẕat olanuñ şānıdur iḥsān kerem |
| 2. | a. | Dergehüñ dār·ı şifā oldı çü bī-mārlara |
| b. | Senden irdi ḳamu derd ehline dermān kerem |
| 3. | a. | Dil ü cān ẖastesine luṭfuñ ile eyle ʿilāc |
| b. | Ki erür ṣıḥḥate luṭfuñla anı ān kerem |
| 4. | a. | ʿAdlüñ ābı nola dil-teşnelere virse ḥayāt |
| b. | Ki virür mürdeye ʿĪsā nefesüñ cān kerem |
| 5. | a. | Ḥaḳḳa minnet ḳademüñ baṣdı yüzüm üzre bu dem |
| b. | Ḥamdülillāh ẖoş ediser yine devrān kerem |
| 6. | a. |
|
| b. | Yapısar ʿadlüñ ile her dil·i vīrān kerem |
| 7. | a. | Mihrī üftādeye raḥm it demidür luṭf ile |
| b. | Dest-gīr ol aña ʿadlünle gel ey kān·ı kerem |
| 112 |
| 1. | a. | Dili yiter yaḳa efendicegüm |
| b. | Cānı yiter yaḳa efendicegüm |
| 2. | a. | Yüregüm yāresine vuṣlatuñuñ |
| b. | Merheminden yaḳa efendicegüm |
| 3. | a. | Ne çeker cevrüñ ile ẖaste dilüm |
| b. | Ḥāline bir baḳa efendicegüm |
| 4. | a. | Çoḳdan ʿışḳ eline ben bende |
| b. | Virmişemdür yaḳa efendicegüm |
| 5. | a. | Unudursañ belālu Mihrīyi |
| b. | Seni ḳodum ḥaḳa efendicegüm |
| 113 |
| 1. | a. | Didi cānān terk ḳıl yolumda cān didüm be-çeşm |
| b. | Didi çeşmüm ẖūnīdür tez ol hemān didüm be-çeşm |
| 2. | a. | Didi ebrū·yı kemānum atsa ġamzem tīrini |
| b. | Sīneñi her dem aña eyle nişān didüm be-çeşm |
| 3. | a. | Didi serv-kaddümüñ gelse ẖayāli dīdeñe |
| b. | Gözlerüñ yaşın revāñ eyle revān didüm be-çeşm |
| 4. | a. | Didi laʿlüm yādına cān meclisinde māḥażar |
| b. | Nūş ḳıl dil sāġarından ṭolu ḳan didüm be-çeşm |
| 5. | a. | Didi kim gel itlerümden yād olma bir nefes |
| b. | Āsitānum kūşesinde ṭut mekān didüm be-çeşm |
| 6. | a. | Mihrīye bir būse enʿām it didüm dil-ber didi |
| b. | Sen de gel şükrāne teslim eyle cān didüm be-çeşm |
| 114 |
| 1. | a. | Düşmişem derdüñe cānā derde dermān isterem |
| b. | Dōstum derdüñ yeter derdüme dermān isterem |
| 2. | a. | Gülsitān·ı ḥüsnüñi dur itme çeşmümden şehā |
| b. | ʿAndelībem gül yüzüñ şevḳinde nālān isterem |
| 3. | a. | Bu dil·i şūrīdenüñ taḥtında sulṭān bolmaġa |
| b. | Bir senüñ gibi yüzi gül-berg·i ẖandān isterem |
| 4. | a. | Dōstum kūyūñda ben ẖāra hemān ʿizzet yeter |
| b. | İtlerüñle bir gice kūyuñda mihmān isterem |
| 5. | a. | Ġamzeñüñ tīrine Mihrī sīnesin ḳıldı nişān |
| b. | Ḳaşlaruñ yāsına cānā cānı ḳurbān isterem |
| 115 |
| 1. | a. | ʿÖmür vefā ideriken cihānı ẖoş görelüm |
| b. | Bahār faṣlı irince ẖazānı ẖoş görelüm |
| 2. | a. | Getürdi cevr ü cefāsın dile ẖayāl·i ḥabīb |
| b. | Bize hemīşe budur armaġanı ẖoş görelüm |
| 3. | a. | Niçe sevelüm anı kim seve o ġayrıları |
| b. | Muḥabbeti bizümile olanı ẖoş görelüm |
| 4. | a. | Rakībi kendüye maḥrem idündi ʿāşıḳı yāḍ |
| b. | Ol anuñile ẖoş olsun biz anı ẖoş görelüm |
| 5. | a. | Ne gül ḳalur ne ẖu bülbül ne nev-bahār u ḥazān |
| b. | Cihān ile gel ey Mihrī bu cānı ẖoş görelüm |
| 116 |
| 1. | a. | Getür götür meyi sākī bahārı ẖoş görelüm |
| b. | İrişdi vaḳt·i şükufe kenārı ẖoş görelüm |
| 2. | a. | Bu gün ki mevsim·i güldür çemende bülbül ile |
| b. | Ḫurūş ü nāle ḳılup āh ü zārı ẖoş görelüm |
| 3. | a. | Ḳomaz gülüñ nidelüm dāmenini elden ẖār |
| b. | Gülün riżāsı(i)çün bāri ẖārı ẖoş görelüm |
| 4. | a. | Yoluña tuḥfe getürdüm begüm bu cānı didüm |
| b. | Didi getür sen eli boşda varı ẖoş görelüm |
| 5. | a. | Cihān ü cānı revān it yolına Mihrī ḥabīb |
| b. | İtüm dimiş saña bu īʿtibārı ẖoş görelüm |
| 117 |
| 1. | a. | Gördüm yüzüñi āhla efġāndan el yudum |
| b. | Ṣordum lebüñi çeşme·i ḥayvāndan el yudum |
| 2. | a. | Gözüm göreli sidre ḳadüñ mühtehāsını |
| b. | Cān gülşeninde serv·i ẖırāmāndan el yudum |
| 3. | a. | Ġavvāṣ olalı ol sānemüñ ʿışḳı baḥrına |
| b. | Baḥr·i muḥīte baḳdum ü ʿummāndan el yudum |
| 4. | a. | Laʿl·i lebüñle dişlerüñüñ vaṣfın işidüp |
| b. | Ḥaḳḳa budur ki dür(i)le mercāndan el yudum |
| 5. | a. | Öldürmesün igen daẖi ġamzeñ di Mihrīyi |
| b. | Ben ẖūnī gözlerüñ görelü (ḳ)andan el yudum |
| 118 |
| 1. | a. | Gün yüzüñ oldı gözümden ki nihān iki gözüm |
| b. | Ḳarañu oldı baña işbu cihān iki gözüm |
| 2. | a. | Dimedüñ bu daẖi āşuftelerümden biridür |
| b. | Sürünürem yoluña bunca zemān iki gözüm |
| 3. | a. | Bāġ·ı ḥüsnüñde görüp müddeʿīyi dīdelerüm |
| b. | Oldı ḳanlu yaş ile şadūrvān iki gözüm |
| 4. | a. | Gözümüñ ṣuları her cānibe bāġı ṭoplanur |
| b. | Her ḳaçan seyr idesin serv·i revān iki gözüm |
| 5. | a. | Gözüme nūr irişsün yine göñlüme sürūr |
| b. | Göreyüm gün yüzüñi bir dem emān iki gözüm |
| 6. | a. | Ḫūbken eyle vefā yoluña cāñlar virene |
| b. | Böyle ḳalmaz bu güzellik de hemān iki gözüm |
| 7. | a. | Baña raḥm etse gerek yār didüm aġyāra |
| b. | Mihrīyi eyleme billāh yalan iki gözüm |
| 119 |
| 1. | a. | Gör nice derde esīr olduñ ey bī-çāre başum |
| b. | Bulmadum ḳaldı senüñ derdüne bir çāre başum |
| 2. | a. | Ṭopraġuñ çünki gözüñ yaşile yoġrılmış ezel |
| b. | Biz aña neyleyelüm ey yazusı ḳare başum |
| 3. | a. | Bī-vefā yāra göñül virdüm ü bilmezlik ile |
| b. | Kendü elüm ile atdum seni odlare başum |
| 4. | a. | Vay eger güldüre düşmānlarumı yār baña |
| b. | Ḳılalar ṭaʿne ṭaşiyle seni biñ pāre başum |
| 5. | a. | Yüzümi ẖāk ideyin gitdigü yollara ḥabīb |
| b. | Seni hem-ser ideyin baṣduġı taşlare başum |
| 6. | a. | Göredursun bu gözüm bāri ölince yüzini |
| b. | Kefen(in) boy(nı)na takup vara yalvare başum |
| 7. | a. | Bilmezem baẖt·ı siyāhumla nice aġlayayın |
| b. | Seni ġam ẖānelerinde yine āvāre başum |
| 8. | a. | Müddeʿī nükteleriyle ṣanemüñ guṣṣaları |
| b. | Mihrīyī öldürse bir gün seni ḳurtare başum |
| 120 |
| 1. | a. | Nigār ruẖlarını lāle-zāra beñzetdüm |
| b. | Benefşe ṣaçlarını müşg-bāra beñzetdüm |
| 2. | a. | Cemāli gülşenini gördüm ü didüm elḥaḳ |
| b. | Şukūfeyile müzeyyen bahāra beñzettüm |
| 3. | a. | Çemende ḳāmetini gördüm ol gül-endāmuñ |
| b. | Gözini nergis ü boyın çenāra beñzetdüm |
| 4. | a. | Sefīne·i dili garḳ idicek gözüm yaşı |
| b. | Ḥabīb dāmenini ben kenāre beñzetdüm |
| 5. | a. | Dilinde şām ü seḥer Mihrīnüñ budur ẕikri |
| b. | Vefāsı yoḳ ṣanemi rūzgāra beñzetdüm |
| 121 |
| 1. | a. | Niçe bir hicrüñle idem āhı çoḳlar sevdügüm |
| b. | Āhum odı yaḳdı mihr ü māhı çoḳlar sevdügüm |
| 2. | a. | Dürlü dürlü dil-berā cevr ü cefāñile beni |
| b. | Ḳaṣduñ öldürmek midür billāhi çoḳlar sevdügüm |
| 3. | a. | Her ne yüzden cevr iderseñ ben ẖo yüz döndürmezem |
| b. | Sen daẖi ẖāżır göre Allāhı çoḳlar sevdügüm |
| 4. | a. | Dōstum luṭf eylegil aġyārile seyr eyleme |
| b. | Dīvüñ olmasun melek hem-rāhı çoḳlar sevdügüm |
| 5. | a. | Hey ḥaẕer ḳıl dōstum Mihrīnüñ āhından ṣaḳın |
| b. | Āhı āhenden geçer vallāhi çoḳlar sevdügüm |
| 122 |
| 1. | a. | Ayru düşdügüm ḥabībümden ẖüdā göstermesün |
| b. | Olduġum serv·i bülendümden ẖüdā göstermesün |
| 2. | a. | Laʿl·i nābından beni maḥrūm ḳılsun rāżıyam |
| b. | Dek raḳībe vaṣl·ı h*ānından ʿaṭā göstermesün |
| 3. | a. | Yüze yüz yāre muḳābil olmasun deñ āyine |
| b. | Kendü özin gizlesün ol bī-ḥayā göstermesün |
| 4. | a. | Ḳande bir ẖubı görürse bizden artuḳ cān virür |
| b. | ʿĀrifāne ẕevḳ idüp zāhid riyā göstermesün |
| 5. | a. | Dōstlar billāhi diñ ol sevdügüm dil-dāre kim |
| b. | Mihrīye cevr idüp aġyāre vefā göstermesün |
| 123 |
| 1. | a. | Biz bendesinde düşmen işin bāri etmesün |
| b. | Bir ẖaste ṣıḥḥat ister iken cānı gitmesün |
| 2. | a. | Bāzār·ı ʿışḳ içinde beni hiçe ṣatdı yār |
| b. | Ayaġa düşdük ise yabanlara atmasun |
| 3. | a. | Ol bī-vefāya billāh eyit ey nesīm·i ṣubḥ |
| b. | ʿIşḳ·ı şehīdi derdile öldi unutmasun |
| 4. | a. | Her kişi etdügin bu cihānda bulur velī |
| b. | Ben buldum uş ṣaḳın bunı düşmen işitmesün |
| 5. | a. | Bī-ḳadre bu cihānda kimesne göñül virüp |
| b. | Mihrī senüñ gibi emegi yile gitmesün |
| 124 |
| 1. | a. | Ben umardum ki seni yār· vefā-dārolasın |
| b. | Ne bileydümki begüm böyle cefā-kār olasın |
| 2. | a. | Hele sen ḳāʿide·i cevrde eksik ḳomaduñ |
| b. | Dōstluḳ ḥaḳḳı ise ancaḳ ola var olasın |
| 3. | a. | Reh·i ʿışḳuñda neler çekdügüm ey dōst benüm |
| b. | Bilesin bir gün ola ʿışḳa giriftār olasın |
| 4. | a. | Sözüme uymaduñ ey aṣılası dil dilerem |
| b. | Ser·i zülfine anuñ āẖiri ber-dār olasın |
| 5. | a. | Sen ki cān gülşeninüñ bir gül·i nev-restesisin |
| b. | Ne revādur bu ki her ẖār ü ẖasa yār olasın |
| 6. | a. | Beni āzāde iken ʿışḳa giriftār etdüñ |
| b. | Göreyin sen de benüm gibi giriftār olasın |
| 7. | a. | Sen çıkarduñ beni zülfine uyup başdan ey dil |
| b. | Göreyin sen daẖi bu yolda ki ber-dār olasın |
| 8. | a. | Bed-duʿā etmezem ammā kim ilenen düşmenine |
| b. | Bir senüñ gibi cefā-kāra hevā-dār olasın |
| 9. | a. | Şimdi bir ḥaldeyem kim ilenen düşmenine |
| b. | Dir ki Mihrī gibi sen daẖi siyeh-kār olasın |
| 125 |
| 1. | a. | Ḫüdā yaratdı mı ola bed-sitāre bencileyin |
| b. | Felek getürdi mı ola baẖtı ḳare bencileyin |
| 2. | a. | Cihānda çoḳdurur ammā belā-keş ʿāşıḳlar |
| b. | Kimesne uġramadı āh ü zāre bencileyin |
| 3. | a. | Meger ki ney ola hem-dem fiġānuma her dem |
| b. | Ki olupdurur yüregi pāre pāre bencileyin |
| 4. | a. | Göñül evinde bir ʿāşıḳ ḥabībinüñ ismin |
| b. | Yazar mı āḥıyile her duvāre bencileyin |
| 5. | a. | Cihāna geleli Mihrī dir erdügine ʿaceb |
| b. | Ḫüdā yaratdı mı ola bī-sitāre bencileyin |
| 126 |
| 1. | a. | Dōst hicrüñdür dem-ā-dem baġrumı ḳan eyleyen |
| b. | Laʿl·i nabuñdur ṣorarsam aña demān eyleyen |
| 2. | a. | Gülşen·i ḥüsnüñde cānā giceler ta ṣubha dek |
| b. | Derd ile cān bülbülidür āh ü efġān eyleyen |
| 3. | a. | Aġlamaḳdan münḳaṭıʿ olmazdı çeşmüm neyleyem |
| b. | Ḳanlu yaşumdur raḳīb·i kelbi ẖandān eyleyen |
| 4. | a. | Key ḥazer ḳıl gözlerinden ẖūnīdür dil-berlerüñ |
| b. | Günde biñ kez hey budur nā-ḥaḳ yere ḳan eyleyen |
| 5. | a. | Ḥasret·i çāh·ı zeneẖdānuñ oluram ger varise |
| b. | Bu cihān gülşenlerin Mihrīye zindān eyleyen |
| 127 |
| 1. | a. | Devlet atına süvār olmış iki simīn beden |
| b. | Gūyiyā ẖalḳ·ı cihāna biri cāndur biri ten |
| 2. | a. |
|
| b. | Tīġ·i ḳahrına bularuñ doyumı burc·ı beden |
| 3. | a. | Bularuñ biri melekdür bir ferīşte ʿayān |
| b. | Ki temāşā ider anları ol arada giden |
| 4. | a. | Mihrī mihrin bularuñ göremez illā ki raḳīb |
| b. | Neyleyelüm kişiye her şeyˀi ṭāliʿdür iden |
| 5. | a. | ʿĪd·i edhā ne mübārek gündi gördüm ẖōş |
| b. | Devlet atına süvār olmış iki sīmīn beden |
| 128 |
| 1. | a. | Düşdüm ayaḳlara elden ḳomadum yār etegin |
| b. | Gerçi yārum ḳomadı bir nefes aġyār etegin |
| 2. | a. |
|
| b. | Dil·i divāne vaṭan eyledi ṭaġlar etegin |
| 3. | a. | Degmedüm bir güle bu ṭāliʿi yoḳ başumı gör |
| b. | Ṭutaram bunca zamān oldu ki gülzār etegin |
| 4. | a. | Mihrī yār ister iseñ dāmen·i aġyare yapış |
| b. | Gül ele girmez imiş ṭutmayıcak ẖār etegin |
| 5. | a. | Öl diril ol yaḳasuz ey dil eger ʿārifseñ |
| b. | Ḫublaruñ ḳoma elden hele zinhār etegin |
| 129 |
| 1. | a. | Sāḳiyā ṣoḥbeti kerem et ḳadeḥi ṣun yürisün |
| b. | Şöyle ḳan mest olalum ʿālemi ḥumret bürisün |
| 2. | a. | İçelüm ṭurma muḥabbet ayaġın ṭolu getür |
| b. | El bir idüp açalum defter·i ʿişret dürisin |
| 3. | a. | Allāh aldayı aldayı şikār eyleyelüm |
| b. | Mecllise cemʿ idelüm gözleri āhū sürüsün |
| 4. | a. | Ḫāce vuṣlat vuṣlat ḳapusın kimse çün āsān açamaz |
| b. | ʿÖmr naḳdin virelüm vaṣlı yolında çürüsün |
| 5. | a. | Ġonceler bezmine ol zāġ raḳībi ḳomasun |
| b. | Diyelüm gülşeni bülbüllere her dem ḳorusun |
| 6. | a. | Silelüm laʿl·i meyin ol büt·i ʿayyārelerüñ |
| b. | Bu ḥasedden dili aġzında raḳıbüñ ḳurusun |
| 7. | a. | Zāhidā saña behişt Mihrīye dīdar gerek |
| b. | Aña maḥbūbı yeter saña cinānuñ ḥūrisün |
| 130 |
| 1. | a. | ʿIşḳuñ meyini ele alayın mi ne dirsin |
| b. | Ġayret kelimin ṣuya ṣalayın mı ne dirsin |
| 2. | a. | Dil ṣaḳladuġı şīşe·i ʿārı ṭaşa cānā |
| b. | Hengāme·i ʿışḳuñda çalayın mı ne dirsin |
| 3. | a. | Ḳanlu yaşum ey dōst senüñ rāh·ı ġamuñda |
| b. | Dil zevrāḳı ġarḳ oldı ṭalayın mı ne dirsin |
| 4. | a. | Ṭutmazsañ elüm luṭfuñ ile ḳaldum ayaḳda |
| b. | Cānā demidür yoẖsa öleyin mi ne dirsin |
| 5. | a. | Miḥrāb ḳaşuñ ṭaḳıdurur ḳıble·i cānum |
| b. | Dil ḳıblesine secde ḳılayın mı ne dirsin |
| 6. | a. | Eksik ḳomaduñ Mihrīye sen cevr ü cefāda |
| b. | Bir yār·ı vefādārı bulayın mı ne dirsin |
| 131 |
| 1. | a. | Ḳande varam ṣaçlaruñ gibi kemendüm variken |
| b. | Ḥalka·i zülfüñ gibi boynumda bendüm variken |
| 2. | a. | Ṯūbāya meyl etmezin ben sidre ḥaḳḳı dōstun |
| b. | Müntehā ḳaddüñ gibi serv·i bülendüm variken |
| 3. | a. | Ḫūblar içre ger şeh-devrānsa bende olmazam |
| b. | Ehl·i ḥüsn içre senüñ gibi efendüm variken |
| 4. | a. | Leblerüñ ẕikri yeter dil ṭūṭīsinüñ şekkeri |
| b. | Neylerin ḳandi dehānum ṭolı ḳandüm variken |
| 5. | a. | Dilde ġam gözümde nem sīnemde āteş her zemān |
| b. | Kime derdüm yanayın ben kendü kendüm variken |
| 6. | a. | Vaṣlın isterseñ ey dil dil-ber ġamıyla ẖürrem ol |
| b. | Kimseyi gūş etme benüm böyle pendüm variken |
| 7. | a. | Şādām ol dil-ber demiş kim kimseye raḥm etmezem |
| b. | Mihrī gibi bir belā-keş derd-mendüm variken |
| 132 |
| 1. | a. | Gülşene meyl etmezem gül gibi yārum vāriken |
| b. | Bülbüli gūş etmezem āhile zārum vāriken |
| 2. | a. | Serve baş indirmezem ṭūbāya boynum egmezem |
| b. | Müntehā kaddüñ gibi raʿnā çenārum vāriken |
| 3. | a. | Cān ü dil naḳdini cānān yolına ẖarc eyledüm |
| b. | Ḫoş ṣafā sürdüm cihānda elde varum vāriken |
| 4. | a. | Sīnemüñ gencīnesinden eksik olmaz laʿl ü dür |
| b. | Müflis olmaz dil ne ġam bu eşk-bārum vāriken |
| 5. | a. | Neylerem ben ʿizz ü cāhı ya cihānuñ rifʿatin |
| b. | İtlerile eşiginde ʿitibārum vāriken |
| 6. | a. | Çalmışidüm ṭaşa ben nāmus ü ʿārum şīşesin |
| b. | ʿĀlem içre ġayretüm ẖalḳ içre ʿārum vāriken |
| 7. | a. | Mihrīyi bī-iẖtiyār etmişdüñ ey dil-dār·ı men |
| b. | Başda ʿaḳlum vü elümde iẖtiyārum vāriken |
| 133 |
| 1. | a. | Geldi çün ġarrā ġazeller bize ol cānāndan |
| b. | ʿĪsāveş irdi nefes ben mürde cisme cāndan |
| 2. | a. | Oldı şīrīn laʿlinüñ Ferhāḍı dil āşuftesi |
| b. | Geçiser cān ü cihāndan geçmeyiser andan |
| 3. | a. | Firḳatüñden ḳāmetüm ḥalḳa etmişem ẖātem gibi |
| b. | Başuma seng·i melāmet almışam mercāndan |
| 4. | a. | Ruẖlaruñ gül-zārına erdükçe cānā bād·ı ṣubḥ |
| b. | ʿĀlemi ẖoş bū ṭutar ol sünbül ü reyḥāndan |
| 5. | a. | Göreli kūyuñda cānum sen güzeller şāhını |
| b. |
|
| 6. | a. | Şüphesüz nā-dān ü ebter cilf ü bī-idrākdür |
| b. | Ehl·i şiʿr içre seni yeg görmeyen Selmāndan |
| 7. | a. |
|
| b. | Sümme vallāhi seni Mihrī yeg sever oġlandan |
| 134 |
| 1. | a. | Kim görürse dir ser·i zülfeynüñ ey ġonce-dehen |
| b. | Baġlamış müşkīn resenler nāfe·i āhū-ẖoten |
| 2. | a. | Geh-geh ol serv·i sehī seyr etdügince bāġda |
| b. | Ḫāk·i pāyīne yüzüñ sür benden ey serv ü semen |
| 3. | a. | Senüñ ile dil-berā ʿālem ḳamu gülzārdur |
| b. | Görinür sensüz gözüme dōstum her gül diken |
| 4. | a. | Çün dem·i ʿİsā gibi ʿışḳuñ dirüldürmiş öli |
| b. | Gelmeyince başuma bilmedüm ol nesneyi ben |
| 5. | a. | Mihrīnüñ biñ cān ile gitdi dil·i bī-çāresi |
| b. | Şām·ı zülfinde ḥabībüñ ṭutdı ol miskīn vaṭan |
| 135 |
| 1. | a. | Kimseler bencileyin ʿışḳa giriftār olmasun |
| b. | Kimsenüñ bencileyin sevdügi aġyār olmasun |
| 2. | a. | Kimsenüñ yārı gözinden dūr olup yād olmasun |
| b. | Kimseler ġam ẖānesinde çār ü nā-çār olmasun |
| 3. | a. | Kimseler dil-ẖaste olup düşmesün yārdan cüdā |
| b. | Kimsenüñ şehrinde ʿālem gözine ṭar olmasun |
| 4. | a. | Kimselerüñ gül gibi yāri yüzine gülmesün |
| b. | Kimseler bülbül gibi feryād idüp zār olmasun |
| 5. | a. | Dilerem ḥaḳ ḥażretinden Mihrī gibi dōstum |
| b. | Gice gündüz zāri ḳıl yāruñ saña yār olmasun |
| 136 |
| 1. | a. | Nola dil-ber luṭf idüp yād etse ben bī-çāresin |
| b. | Görse tīr·i ġamzesinden dilde yüz yüz yāresin |
| 2. | a. | Çeşm·i ẖūn-rīzüñ elinden kime feryād ideyin |
| b. | Kim içer ḳanumı her dem gözlemez āvāresin |
| 3. | a. | Dūd·ı āhından es̲er tā bilesin ʿāşıḳlaruñ |
| b. | Göresin gül ṣafḥanuñ üstinde ẖaṭṭuñ ḳaresin |
| 4. | a. | Ya tapuñdan dūr idem cānā rāḳīb·i kelbi ben |
| b. | Ya yedürem bir gün aña loḳma loḳma pāresin |
| 5. | a. | Yolına cān virmek imiş Mihrī ancaḳ çāresi |
| b. | Yāriçün aġyāra varup nice bir yalvaresin |
| 137 |
| 1. | a. | Nice bir ʿizzet ideyin yār içün aġyāre ben |
| b. | Nice bir yalvarayın bir gül içün biñ ẖāre ben |
| 2. | a. | Kande baḳsa ẖārdur baġrına baṣan ġonceyi |
| b. | ʿĀciz oldum dōstlar varmaġa bir gül-zāre ben |
| 3. | a. | Ḫār·ı ġayret pāreler bir anda biñ kez cigerüm |
| b. | Kendülügümle mi hem-dem oldum āh ü zāre ben |
| 4. | a. | Leblerüm sırrın dehānından çıḳarmasun dimiş |
| b. | Ser verem bu sırrı hiç fāş etmeyem diyāre ben |
| 5. | a. | Yüz çevürür beni gördükçe raḳībe meyl ider |
| b. | Sevdügümden ġayrı bilmem neyledüm ol yāre ben |
| 6. | a. | Zülfüne dil-ber beni ʿahdeylemiş ber-dār ide |
| b. | Rāżıyam biñ cānla aṣılmaġa ol dāre ben |
| 7. | a. | Ḫalḳ içinde Mihrīyem ʿuşşāḳ içinde mübteẕel |
| b. | Yār ḳatında ʿāciz ü āvāre vü bī-çāre ben |
| 138 |
| 1. | a. | Yoġimiş çünkim nasībüm vaṣl·ı cānān olmadan |
| b. | El yudum şimden gerü derdüme dermān olmadan |
| 2. | a. | Ḥoḳḳa·i laʿlinden aġyāra müferrihler virür |
| b. | Ben araḳdan ölmişemdür aña ẖayrān olmadan |
| 3. | a. | Hicr ile yandı göyündi ḳalmadı cāndan es̲er |
| b. | Āteş·i tennūr·ı ġamda sīne biryān olmadan |
| 4. | a. | Olalı şeydāsı bir ẕerre gunāhum bilmezem |
| b. | Her ne dirse dil-berüñ emrine fermān olmadan |
| 5. | a. | Raḥm idem bir gün demiş bī-çāre Mihrīye ḥabīb |
| b. | Bu kelāmı ṣaḳlasun yā-Rabb yalan olmadan |
| 139 |
| 1. | a. | Bu gün bir ġonce-fem gördüm didüm kim hey ne bu cāndur bu |
| b. | Didiler bu ruẖ·ı zībāyı ṣorma özge cāndur bu |
| 2. | a. | Düşelden leblerüñ ʿaksi bu cām·ı dīdeme cāna |
| b. | Görenler dir ḳabaġumı ki ṣāfi ṭolu ḳandur bu |
| 3. | a. | Didi ḳaddüm ẖayālini derūn·ı dilde muḥkem ṭut |
| b. | Didüm kim bir elif gibi bu cān içre nihāndur |
| 4. | a. | Didi şükrāne vaṣlum çün vir evvel baş ü cān didüm |
| b. | Yolına öldügüm çoḳdan yoluñda dermiyāndur bu |
| 5. | a. | Müjeñ tīrini sīnemden dirīġ etme ki evvelden |
| b. | Ḫadeng·i ġamze·i dil-berleriçün bir nişāndur bu |
| 6. | a. | Getür bād·ı ṣabā luṭf et ḥabībüñ zülfi būyından |
| b. | Dil·i mecrūḥuma zīra be-ġāyet armaġandur bu |
| 7. | a. | Görüp ıġmāz·ı ʿayn etme kimine Mihrīyi cānā |
| b. | Reh·i ʿışḳuñda cān virür senüñ ẖayli zemāndur bu |
| 140 |
| 1. | a. | Çün perdesini keşf ide gül bülbüle ḳarşu |
| b. | Bülbül daẖi cān virse ʿaceb mi güle ḳarşu |
| 2. | a. | Terk·i dil ü cān eyledüm ey dōst rehüñde |
| b. | Geh geh kerem et baṣ ḳademüñ o yola ḳarşu |
| 3. | a. | Zülfüñ ṣanemā her yaña cānlar ḳılur efṣān |
| b. | Depretse ṣabā zülfüñi ger sünbüle ḳarşu |
| 4. | a. | ʿĀşıḳlaruñ iñletme gel ey rūḥ·ı revānum |
| b. | Seni sevenüñ yüzine bārī güle ḳarşu |
| 5. | a. | Mihrüñde senüñ bir gün eyā māh-likā āh |
| b. | Fāş eyleyiser sırruñı Mihrī ile ḳarşu |
| 141 |
| 1. | a. | Kūy·ı cānān çün yeter mesken baña şimden geru |
| b. | Yüri zāhid cennetüñi var saña şimden geru |
| 2. | a. | Şuʿle·i yāruñ cemāliyle müşerref olmışuz |
| b. | İmdi ey meh var ḳalursañ ḳal ṭaña şimden geru |
| 3. | a. | Gördi beni zülfini dil-ber dışına aldı çün |
| b. | Bildüm anuñ meyli var benden yaña şimden geru |
| 4. | a. | Luṭf ile cānān çıkardı ġam belāsından beni |
| b. | Ġuṣṣa çekmem ṣarınursam būrıyā şimden geru |
| 5. | a. | Ruẖları bāġında geçdi ʿömrümüz eyāyile |
| b. | Umaruz şeftālūdan geh geh aña şimden geru |
| 6. | a. | Gülsitānda ġonce laʿlin gördi yāruñ lāle çün |
| b. | Ṭaġlara düşüp didi yāhū saña şīmden geru |
| 7. | a. | Mihrīye vaṣlı ḥabībinüñ müyesser oldı çün |
| b. | Yolına cān virmek āsāndur ana şimden geru |
| 142 |
| 1. | a. | Nice zülf ü nice mū ʿanber-gīsūdur bu |
| b. | Var ise sünbül ü reyḥāna viren būdur bu |
| 2. | a. | Bir nazarda nice ʿāşıḳları Ferhād eyler |
| b. | Nice şīrīn nice dil-ber nice meh-rūdur bu |
| 3. | a. | Çeşmi ṣalmış dili ẕülfi ẖamına ṭoymadı cān |
| b. | Allah Allah nice ʿayyār ü ne cādūdur bu |
| 4. | a. | Saña al etmesün aldanma ey dil ġamzesine |
| b. | Dilleri ṣayd edici gözleri āhūdur bu |
| 5. | a. | Diḳḳat ile naẓar etmekden aña inceldüm |
| b. | Bilmedüm daẖi miyān mı veyāhūd mūdur bu |
| 6. | a. | Yaş degüldür gözüm akıṭduḳi ḳaddüñ göricek |
| b. | Serv ayaġına yüzin sürmekçün ṣudur bu |
| 7. | a. | Dir gören ol ṣanem·i lāle-ruẖı birbirine |
| b. | Mihrī·i bī-çāreyi āşufte ḳılan budur bu |
| 143 |
| 1. | a. | Āteş·i ġamda kebāb oldı cīger döne döne |
| b. | Göklere çıḳdı duẖānumla şerer döne döne |
| 2. | a. | Cān firāḳuñla fitil oldı göñül ẖānesine |
| b. | Ten ẖayālüñle fener oldı yanar döne döne |
| 3. | a. | Ḫāk·ı pāyüñe yüzin sürmekiçün şems ü ḳamer |
| b. | Ser·i kūyūña gelür şām ü seḥer döne döne |
| 4. | a. | Ḳaşuña beñzemekiçün senüñ ey zühre-cebīn |
| b. | Kendüzin ṭutdı hilāl etdi ḳamer döne döne |
| 5. | a. | Cān cāñ-bāzını gör laʿlüñe irişmek içün |
| b. | Rīsmān·ı ser·i zülfüñden iner döne döne |
| 6. | a. | Düşeli şevḳi ẖayāl· lebinüñ Mihrī dile |
| b. | Āteş·i ġamda kebāb oldı ciger döne döne |
| 144 |
| 1. | a. | El virmiş idi ẖoş bize devrān geçen gece |
| b. | Hem-soḥbetidi dil-ber ü cānān geçen gece |
| 2. | a. | Ẓulmet şebinde ḳalmış idüm ẖayli derdile |
| b. | Girdi elüme bir meh·i tābān geçen gece |
| 3. | a. | Bir dil-rübā vü ḥüsn elinüñ şāhı luṭf idüp |
| b. | Olmışdı ben gedāsına mihmān geçen gece |
| 4. | a. | Dil-ber ẖayāli şevḳi ile yandı ṣubḥa dek |
| b. | Bir ayaġ üzre şemʿ·i şebistān geçen gece |
| 5. | a. | Zeyn etmişidi meclisi ḥüsni leṭāfeti |
| b. | Ol ẖaṭṭ ü ẖāl ü zülf·i perīşān geçen gece |
| 6. | a. | Bir ġonca laʿl şevḳine mest-āne germ olup |
| b. | Çāk etmişidi Mihrī girībān geçen gece |
| 145 |
| 1. | a. | Eyledük yārile ṣaḥrāları seyrān bu gece |
| b. | Vācib oldur baña şükrāne virem cān bu gece |
| 2. | a. | Devlet atına süvār olmış(ı)duḳ nir nice yār |
| b. | Bizüm olmışıdı başdan başa meydān bu gece |
| 3. | a. | Tīġ·i ḳahr ile rakībüñ iki çalduḳ başın |
| b. | Elümüzdeydi belī ṭop(ı)la çevgān bu gece |
| 4. | a. | Ẓāhir etdi rūẖını zülfi seḥābın götürüp |
| b. | Yārlıḳ etdi bizümle meh·i tābān bu gece |
| 5. | a. | Mest idüm ʿışḳı meyinden daẖi bir bāde sunup |
| b. | Curʿa·i laʿli beni eyledi ḥayrān bu gece |
| 6. | a. | Müddeʿī yārumı menʿ etmege cehd etdi velī |
| b. | Azduramadı ne dirsin anı şeyṭān bu gece |
| 7. | a. | Aramuzdan şükür Allāh ki eksildi raḳīb |
| b. | Hele ser-vaḳtümüze irmedi hicrān bu gece |
| 8. | a. | Kaʿbe· ḥüsnini çünkim bize etdürdi ṭavāf |
| b. | Eyledüm biñ dil ile cānumı ḳurbān bu gece |
| 9. | a. | Māh·ı zī_l_hiccenüñ on beş gecesi ẖoş şeb idi |
| b. | Ki eyledi yār ile Mihrī bile seyrān bu gece |
| 146 |
| 1. | a. | Bit ṭabīb oldı bizümle yine hem-dem bu gece |
| b. | Dil·i bī-mārumuza eyledi emsem bu gece |
| 2. | a. | Yaralanmışdı ciger ġamzesi peykānlarile |
| b. | Laʿli verdi yine ol yāreye merhem bu gece |
| 3. | a. | Rūzgāruñ elemin çekmiş(i)dük ẖayli zamān |
| b. | Ḥamdülillāh bizi yār eyledi bī-ġām bu gece |
| 4. | a. | Meclisinde ṣanemüñ rāḥāt olup ṣubḥa degin |
| b. | Biñ ṣafāyile geçildi hele bir dem bu gece |
| 5. | a. | Fırṣat el virmiş(i)ken būse-ḳenār it yāri |
| b. | Dāˀimā girmez ey Mihrī ele bu dem bu gece |
| 147 |
| 1. | a. | Bilsem ki perī misin ey cān yoẖsa ferişte |
| b. | Biñ cāñ ile sevdüm seni bir kerre görüşte |
| 2. | a. | Gerçi ki müjeñ ẖançer ile sīnemi deldi |
| b. | Dil daẖi senüñdür dileriseñ meh al işte |
| 3. | a. | Terk eyledüm ey yār senüñ ʿārı yoluñda |
| b. | Rüsvāy·ı cihānam bu gün ʿışḳuñla bil işte |
| 4. | a. | Kūyuñda gedā olalı ey şāḥ·ı cihāñum |
| b. | Meyl eylemezem ẕerrece firdevs·i behişte |
| 5. | a. | Dil-ber didi bir būse virem cān virür iseñ |
| b. | Mihrī didi bir cāna ne minnet meh al işte |
| 148 |
| 1. | a. | Ben umardum gele bir zülf·i perīşān bu gece |
| b. | Şemʿ·i ruẖsārına pervāne ḳılam cān bu gece |
| 2. | a. | Nāgehān girdi içerü bir nice bed rūyi didüm |
| b. |
|
| 3. | a. | Bir bölük aṣılası geldi bir araya bu dem |
| b. | Ḳanda buluna ʿaceb bunlara urġan bu gece |
| 4. | a. | Kimi keldür kimi kördür miki saḳaṭ bunlaruñ |
| b. | Kimlere ḳıldı müṣāḥib bizi devrān bu gece |
| 5. | a. | Şeb·i yeldā gecesi Mihrīye gör nitdi felek |
| b. | Görmez idi getürüp eyledi mihmān bu gece |
| 149 |
| 1. | a. |
|
| b. | Cān ṣafhasında eyledüm anı müsvedde |
| 2. | a. | Yil gibi yıllar ile hevāsında yelmişem |
| b. | Oldum esīr aẖīr o zülf·i mücaʿede |
| 3. | a. | Çokdur cihānda cevr ü cefāsı ile mübteẕel |
| b. | Bulınmaya benim gibi bir daẖi ġamzede |
| 4. | a. | Kūyuñda gözlerüm yaşı ol deñlü aḳdı kim |
| b. | Ġarḳ oldı her haremleri dürr ü zebercede |
| 5. | a. | Kanūn·ı ʿışḳ ḳāmetümi eylemīşdī çeng |
| b. | Nāy itdi cismimü daẖi iñlede iñlede |
| 6. | a. | Ġamzesi cānumı çekeşür çeşmi göñlümi |
| b. | Eksik degül çu mestler arasında ʿarbede |
| 7. | a. | Dānā odur ki ẖūblara zāhid göñül vire |
| b. | Nādān odur ki sevmedi mahbūbı dünyede |
| 8. | a. | Kimse cihānda müddeʿīye boyun egmesin |
| b. | Muḥtāc itme Mihrīyi yā Rabb muẖannede |
| 9. | a. | Gūyā siperde āyinelerdür żiyā virür |
| b. | Tīr·i ẖadengi ġamzesi peykānı sīnede |
| 150 |
| 1. | a. |
|
| b. |
|
| 2. | a. | Gül ruẖlaridi ẖande şehlerdi buña bende |
| b. | Şeftālūsı ṭurfanda merġūb idi vaḳtinde |
| 3. | a. | Ebrūsı kemān idi ṣayd itdügi cān idi |
| b. | Bir gonçe-dehan idi maṭlūb idi vaḳtinde |
| 4. | a. | Cānlardı buña ḳurbān baḳmazdı yüze bir an |
| b. | ʿĀşıḳları hep ḳurbān-āşūb idi vaḳtinde |
| 5. | a. | Şimdi ẖaṭını Mihrī gördükçe ẖadinde dir |
| b. | Bu yār·ı cefā-kārum maḥbūb idi vaktinde |
| Taḥmīs·i merġūb |
| 151 |
| 152 |
| 1. | a. | Bu hüsn ü bu melāḥat ü ẖulḳ ü ẖūyla |
| b. | Ḳılduñ cihān dimāġını tāze bu būyla |
| 2. | a. | Cānā bu cānı sidre ḳadüñ müntehāsına |
| b. | Teslīm çoḳdan eylemişüz yüzi ṣuy(ı)la |
| 3. | a. | Dil her ne deñlü çekse ġamuñdan belā senüñ |
| b. | Döndürmez ol yüzini eger postı ṣoy(ı)la |
| 4. | a. | Zülfüñ ġamını dest·i ezel yazdı başuma |
| b. | Ṣanma ki ta ölince bu yazuyı bozıla |
| 5. | a. | Devlet hümāsı olmış(i)ken ismüñ ey perī |
| b. | Pervāz urup neden ki uçasın şimdi tüyile |
| 6. | a. | Hem-dem edinme kendüñe aġyārı sevdügüm |
| b. | Sen meh ṣıfatlu yürimesün zengī rūyla |
| 7. | a. | Zencir ṭutmazidi bu dīvāne Mihrīyī |
| b. | Bend itdi bend· zülfüñ anı şimdi mūyla |
| 153 |
| 1. | a. |
|
| b. |
|
| 2. | a. | Zühre çengin çala çarḥ içre yere çār-pāresin |
| b. | Her ḳaçan ol māh-rūlar ırladı āvāz ile |
| 3. | a. | Ḳāmetüm çeng eyleyüp düzdi nevāda rāṣtī |
| b. | Çekdi tenüm ḳıl ḳılup ʿuşşāḳı ẖoş şeh-nāz ile |
| 4. | a. | Ol Süleymān·ı zamānuñ meclis·i ẖāṣından ẖoş |
| b. | Zülfi ʿanber ẖūb-rūlar ẖidmet ider nāz ile |
| 5. | a. | Gördüm ol ḳaṣr·ı muʿallaḳ kim yapılmış bī-naẓīr |
| b. | Gökyüzinde ṣandum uçardı hümā pervāz ile |
| 6. | a. |
|
| b. |
|
| 154 |
| 1. | a. | Temāşā ideli çeşmüm o ẖadd ü ẖāli bir laḥẓa |
| b. | Ḫayāli dīde vü dilden degüldür ẖāli bir laḥẓa |
| 2. | a. | Dehānuñ cānum ü zülfüñ benüm ʿömr·i dırāzumdur |
| b. | Ölürem āh görmezsem o mīm ü dālı bir laḥẓa |
| 3. | a. | Cefā ẖārında bülbülveş gönül feryād ider her dem |
| b. | Cemālüñ gülşenin göster ẖoş olsun ḥāli bir laḥẓa |
| 4. | a. | Reh·i ʿışḳuñda ʿuşşāḳuñ naẓar ḳıl ḥāline cānā |
| b. | Ne ḥālile geçer sensüz göre aḥvāli bir laḥẓa |
| 5. | a. | Cinān içinde her dāˀǐm ḥabībüm ḥülle giymişdür |
| b. | Ḳapuñda yegdürür giymek ʿabā vü şālı bir laḥẓa |
| 6. | a. | Bugün ḳorkuḳutma sen nāṣıḥ cahīmüñ erte nārından |
| b. | Kerem ḳıl başum aġrıtma ḳo ḳīl ü ḳāli bir laḥẓa |
| 7. | a. | Cemālüñ muṣḥafın ʿarż it begüm kim saʿd·ı ekberdür |
| b. | Açılsun Mihrī bed-baẖtuñ mübārek fālı bir laḥẓa |
| 155 |
| 1. | a. | Cān vir ġamumla ger dir(i)señ başum üstine |
| b. | Teslīm·i cān idem ṣanemā başum üstine |
| 2. | a. | Sehm·i belāña sīnemi ḳılsam siper nola |
| b. | Rūz·ı ezelde yazdı çü ḥaḳ ḳaşum üstine |
| 3. | a. | Mey-gūn lebüñ ẖayāli ile rūz ü şeb müdām |
| b. | Baġrum ḳanını nūş iderem aşum üstine |
| 4. | a. | Cānāne cān virüp ġam(i)le olduġum helāk |
| b. | Dāġ·ı dilümle yazuñ anı ṭaşum üstine |
| 5. | a. | Ḳaddüñ ẖayāli dīde·i Mihrīde dōstum |
| b. | Bir servdür ki ṭutdı vaṭan yaşum ustine |
| 156 |
| 1. | a. | Çünki zeyn oldı cihān bāġı gülistānlar(i)le |
| b. | Gel el dil seyr idelüm biz daẖi cānānlar(i)le |
| 2. | a. | Götürüp perde·i ʿuşşāḳı ser-āġāz idelüm |
| b. | Bülbüli māt idelüm nāle vü efġānlar(i)le |
| 3. | a. | İçelüm laʿl·i şarābından o gül çehrelerüñ |
| b. | Müddeʿīnüñ yüregin ṭolduralum ḳanlar(i)le |
| 4. | a. | Yaşum ırmaġı kenārın ṭolanup her demde |
| b. | Ṣalınup seyr idelüm serv·i ẖırāmānlar(i)le |
| 5. | a. | Yaḳalum cān ü göñül mūm(i)le en micmerini |
| b. | Ṣubḥa dek ʿayş idelüm şemʿ·i şebistānlar(i)le |
| 6. | a. | Oldı ṣahn·ı çemenüñ kūşeleri bāġ·ı behişt |
| b. | Bezm·i ẖāṣ eyleyelüm gel berü ġılmānlar(i)le |
| 7. | a. | ʿÖmr bir anda geçer devr·i gül eyyāmı daẖi |
| b. | Bāḳī ḳalmaz bu zemān bari geçür anlar(i)le |
| 8. | a. | Mihrī hem-dem olagör ʿömr·i ṭavīl ister iseñ |
| b. | Zülfi sünbül gözi nergis ẖaṭı reyhānlar(i)le |
| 157 |
| 1. | a. | Dōstum geçmedi bir gün sözümüz yanuñda |
| b. | Baña itdükleüñi bulasın īmānuñda |
| 2. | a. | He bugün cevr ü cefānile beni öldüresin |
| b. | Yarin elüm olura hele girībānuñda |
| 3. | a. | Sen ciger zaẖmına her demde ṭurup ek nemegi |
| b. | Ben diyem ḳomaya ḥaḳḳı var ise nānuñda |
| 4. | a. | Yüzüme baḳma raḳībüñ sözi ile ḳo beni |
| b. | Öleyüm çekmeyeyüm minnetini anuñ da |
| 5. | a. | Mihrī dil-ẖasteyi öldürdi ġamuñ sen ṣaġ ol |
| b. | Sevdügüm var saña şimden geru dermānuñ da |
| 158 |
| 1. | a. | Dōstum ẖaste dili hicrüñ odı nice yaḳa |
| b. | Aldı ʿışḳuñ eline yaḳamı ḥālüme baḳa |
| 2. | a. | ʿĀr ü nāmūsı yoluñda yile virmişdi göñül |
| b. | Şimdi ġarḳ itdi gözüm yaşı anı aḳa aḳa |
| 3. | a. | Müddeʿī gerçi bizüm aramuza girdi velī |
| b. | Yine benzer ki laʿīn çatladısardur ṭıraḳa |
| 4. | a. | Āsitānuñdan anı sürmek ile gitmedi bu āh |
| b. | Götüre bir gün ola biz ḳoyalüm anı ḥaḳa |
| 5. | a. | Yüzüñi görmese çıḳsun niderem iki gözüm |
| b. | Gündüzin güneşe tā kim gece bedr aya baḳa |
| 6. | a. | Buña ṭaş çatlar ey Mihrī ne taḥammül demidür |
| b. | Ġayrıyı yār ide yāruñ seni gözden bıraḳa |
| 159 |
| 1. | a. | Didüm yüzüñi görmedüm evvelki görüşte |
| b. | Bürḳaʿ götürüp açdı yüzin didi gör işte |
| 2. | a. | Geh şānededür zülfüñ ü geh fikr·i dilümde |
| b. | El·ḳıṣṣa bu miskīni ḳoduñ dilde vü dişde |
| 3. | a. | Göz gördi göñül bildi ki ben güşte·i ʿışḳum |
| b. | Kimse baña raḥm itmedi bilişde görişde |
| 4. | a. | Çün alduñ elüñe yaḳamı ḥālüme baḳ kim |
| b. | Dirler gözüñ aşda olsun olurken elüñ işde |
| 5. | a. | Ey ġamze cigerden gidicek cān bile gitmiş |
| b. | Billāh bu Mihrīye getür anı gelişte |
| 160 |
| 1. | a. | Sevdi göñlüm yine bir ẖūb-likāyı yeñile |
| b. | Çāre mi var ki benüm gözüm ü göñlüm yañıla |
| 2. | a. | Aldadı ẖāli göñül mürġini bir dāne ile |
| b. | Dām·ı zülfine göñül düşdi mi kendü dek ile |
| 3. | a. | Aġlaram yaş yerine ḳan dökülür çeşmümden |
| b. | Yār raḥm eyleyüben silmedi bir gün yeñile |
| 4. | a. | Düşeli ʿışḳı hevāsına anuñ leyl ü nehār |
| b. | Geçdi kūyında günüm derd(i)le āh etmegile |
| 5. | a. | Ney gibi tīġ·i cefāsıyla delindi cigerüm |
| b. | İmdi dil sen de fiġān eyle derdinden iñile |
| 6. | a. | Bulmaduḳ yār·ı vefādār behey yār dirīġ |
| b. | Cānumuz çıḳdı vefāsız güzeli sevmegile |
| 7. | a. | Bir nefes Mihrī vücūduñdan ıraġ olmadı ġam |
| b. | Ḫublaruñ cevri meger kim bile yuġrıldı gile |
| 181 |
| 1. | a. | Aġyār(i)le yār oldı vü cānān yola gitdi |
| b. | Ten bunda ḳalup rūh· revānum bile gitdi |
| 2. | a. | Ġam ẖānelerinde yine ben aġlayu ḳaldum |
| b. | Raḥm etmedi dil ẖastesine o güle gitdi |
| 3. | a. | Kūyuñda ḥabībüm şu ḳadar aġlamışam kim |
| b. | Ḳanlu gözümüñ yaşile ʿālem sile gitdi |
| 4. | a. | Aġlañ gelüñ ol ʿāşıḳı ey ḥāl bilenler |
| b. | Cānānı ḥabībī anuñ ıraḳ ile gitdi |
| 5. | a. | Ey ṭālīʿi yoḳ Mihrī hemān eyle taḥammül |
| b. | Anca bu hevālara emegüñ yile gitdi |
| 182 |
| 1. | a. | Oldı dil bülbüli bu gül·i ruẖ-zībā delüsi |
| b. | Biñ ola bencileyin ʿāşıḳ·ı şeydā delüsi |
| 2. | a. | Düşdi ṣaḥrāya yeler derd ile mecnūn göñül |
| b. | Olalıdan berü ol şaçları leylā delüsi |
| 3. | a. | Gerçi çoḳ o ṣanemüñ ʿışḳunuñ āşufteleri |
| b. | Olmaya bencileyin bir daẖi rüsvā delüsi |
| 4. | a. | Gice gündüz başını serv ṣalar gülşende |
| b. | Meger olmış o daẖi ol ḳadd·i raʿnā delüsi |
| 5. | a. | Ol mehüñ Mihrī cihān ẖalḳı da dīvānesidür |
| b. | Sen seni ṣanma hemān dünyede tenhā delüsi |
| 183 |
| 1. | a. | Bir eyü güzeller güzeli göñlümi aldı |
| b. | Göz göre benüm başumı ġavġavlara ṣaldı |
| 2. | a. | Ḳudurdı hemān gözlerine ḳaşları yayın |
| b. | Kirpikleri oḳların atup baġrumı deldi |
| 3. | a. | Öldürmese gücile beni bāri igen de |
| b. | Derdine düşelden berü baña olan oldı |
| 4. | a. | Cānumı benüm sevgüsi odlara yaḳaldan |
| b. | Āhum tütüni yerlere vü göklere ṭoldı |
| 5. | a. | Göñlümü alalı ol baña itdüklerini vāh |
| b. | Dōstlar işidüp aġladı düşmen ḳatı |
| 6. | a. | Ey Mihrī saña yār cefā etse ʿaceb mi |
| b. | Gücini çeker dünyede ancaḳ seni buldı |
| 184 |
| 1. | a. | Bizden olduñsa raḳībüñ sözile bīzār hey |
| b. | Gücile gökçeklik olmaz neyleyelüm var hey | |
| c. | Eksük olmaz bu cihāndur ʿāşıḳa bir yār hey | |
| d. | Ben de senden vāzgeldüm vāzgeldüm var hey |
| 2. | a. | Bulunur hey bu cihānda tāze tāze ẖūblar |
| b. | Nāzenīnler ẖūblar ü maḥbūblar ü merġūblar | |
| c. | Rūy·ı ʿālemde hemān ḳaṭʿ olmadı merġūblar | |
| d. | Ben de senden vāz geldüm vāz geldüm var hey |
| 2. | a. | Bī-vefā maḥbūblara rīş-ẖande ʿāşıḳlar gerek |
| b. | Ṣādıḳu'l_ḳavl olana yār· muvāfıḳlar gerek | |
| c. | Gerçeġi terk et yüri saña muvāfıḳlar gerek | |
| d. | Ben de senden vāzgeldüm vāzgeldüm var hey |
| 3. | a. | Mıṣr·ı dilde Yūsuf·ı cāndan ʿazīz etdüm seni |
| b. | Cevr ile pīr eyledüñ āẖır Züleyẖāveş beni | |
| c. | Yār idünmek yoġimiş bildüm ki cilf oġlanı | |
| b. | Ben de senden vāzgeldüm vāzgeldüm var hey |
| 4. | a. | Yüzüñi görmege gerçi kim virürem cānı ben |
| b. | Sen daẖi ẖūblarda bir ʿāşıḳ-perest idüñ igen | |
| c. | Gördügüñcebeni iġmāż idüp ayruḳlanma sen | |
| d. | Ben de senden vāzgeldüm vāzgeldüm var hey |
| 5. | a. | Gerçi ʿışḳuñ nārına düşelden itdüm ẖayli āh |
| b. | Dūd·ı āhum āẖır itdi gün cemālüñi siyāh | |
| c. | Sen gedā·yı ẖūb olduñ Mihrī ʿışḳa pādişāh | |
| b. | Ben de senden vāzgeldüm vāzgeldüm var hey |
| 185 |
| 1. | a. | Ben ne resm·i kevn ile mersūm olaydum kaşki |
| b. | Bu cihāna gelmeyüp maʿdūm olaydum kaşki |
| 2. | a. | Geçdi ʿömrüm rūzgāruñ şiddetiyle her zemān |
| b. | Ben bu cāndan āh eẕel maḥrūm olaydum kaşki |
| 3. | a. | Ḳılletile ẕilletile añulup her bābda |
| b. | Ṣoñra ʿizz ü nāzile maẖdūm olaydum kaşki |
| 4. | a. | Bülbül olup kārı dilde her dem efġān olmadan |
| b. | Ḫūbidi virānelerde būm olaydum kaşki |
| 5. | a. | Muttaṣıl ġam ẖānesinde cān ʿazābile geçer |
| b. | Ermeyeydüm bu güne maẖrūm olaydum kaşki |
| 6. | a. | Bunca maʿlūmātile meşhūr olınca ʿāleme |
| b. | Dürlü mechūlātile meẕmūm olaydum kaşki |
| 7. | a. | Şimdiki ẖalkuñ ḳatında terklikdür ʿitibār |
| b. | Keşlü tarẖānalarında s̲ūm olaydum kaşki |
| 8. | a. | Ḳandese nā-ehle virürmiş murāḍını felek |
| b. | Mihrī ben de cehl ile maʿlūm olaydum kaşki |
| 186 |
| 1. | a. | Bu ẖaste göñül derdine dermān yetişdi |
| b. | Virāne göñül taẖtına sulṭān yetişdi |
| 2. | a. | Zeyn itmege cān gülşenin el_minnetü_lillāh |
| b. | Ol ruẖları gül ṣaçları reyḥān yetişdi |
| 3. | a. | Dil bülbüli feryād ü fiġān etse demidür |
| b. | Bir ġonçe-dehen serv·i ẖırāmān yetişdi |
| 4. | a. | Getürdi ṣabā peyki cilā ẖāk· rehünden |
| b. | Ta gözlerüme kuḥl·i Ṣıfāhān yetişdi |
| 5. | a. | Cān raẖtını yaġmaladı ol demde ẖayālüñ |
| b. | Dil ẖānesine geldi çü mihmān yetişdi |
| 6. | a. | Şükrāne vir ey Mihrī revān yolına cānı |
| b. |
|
| 187 |
| 1. | a. | Böyle cihāna ẖūb yaratdı hüdā seni |
| b. | Ḫūb itdi ise dimedi ol pür cefā seni |
| 2. | a. | Ḥüsnüñ bahārı bulmış iken revnaḳ ey perī |
| b. | Ergürmeye ẖazāna ṣaḳın bed-duʿā seni |
| 3. | a. | Çokdur cihānda gerçi senüñ mübelālaruñ |
| b. | Ben dende gibi sevmedi bir mebtelā seni |
| 4. | a. | Hey kime ḳaldı di bu güzellik saña ḳala |
| b. | Cehd it hemān ki olmayasın bī-vefā seni |
| 5. | a. | Az it cefāyı ʿāşıḳa göster vefā yüzin |
| b. | Her ehl·i ʿışḳ ẖayr duʿādan aña seni |
| 6. | a. | Ġırra olma ḥüsne ẖūblıġuñ eyyāmı tīz geçer |
| b. | ʿĀşıḳlar āhın alma gerekse saña seni |
| 7. | a. | Dime bu gün hüṣn ilinüñ pād-şāhıyam |
| b. | Mihrī gibi ider felek irte gedā seni |
| 188 |
| 1. | a. | Bī-mār·ı ʿışḳa düşenüñ olur mı ṭāḳāti |
| b. | Ey dil hemīşe böyledür ʿışḳuñ ʿalāmeti |
| 2. | a. | Ḳanġı derūnı ney gibi nālān itmedi |
| b. | Ḳanġı dimāġı yaḳmadı ʿışḳuñ ḥarāreti |
| 3. | a. | Bu meclis içre sīnesi kimüñ def olmadı |
| b. | Çeng gibi kimüñ olmadı ẖam serv-kāmeti |
| 4. | a. | Bir gün ola igen daẖi ġam çekme ẖaste-dil |
| b. | Dil-ber müyesser ola bulasın selāmeti |
| 5. | a. | Her cevr ü her cefāyı saña ṭāliʿüñ ider |
| b. | Etme igen de Mihrī felkden sikāyeti |
| 6. | a. | Ṭabluñ āvāzı semʿe ıraḳdan ḳaba gelür |
| b. | Etseñ yeg idi sen bu hevādan ferāġati |
| 189 |
| 1. | a. |
|
| b. | Seni ḥaḳ mübtelā ḳılsun ilāhi |
| 2. | a. | Ruẖı bāġında bülbülveş ḥabībüñ |
| b. | Fiġān ü nāle ile eyle āhı |
| 3. | a. | Ṭaḳup boynuña zülf·i rīsmānın |
| b. | Zenaẖdānında ḳılsun saña çāhı |
| 4. | a. | Yaḳup cānuñ fitīlin ġam şebinde |
| b. | Uyarsun ʿālemüñ bir mihr ü māhı |
| 5. | a. | Lebi cām·ı meyinden yād ḳılsun |
| b. | Seni meclisde bir boynı sürāhi |
| 6. | a. | Dem-ā-dem ṣu yerine ḳanuñ içsün |
| b. | Kemān ebrūlaruñ çeşm·i siyāhı |
| 7. | a. | Ser·i zülfine ber-dār etsün āẖīr |
| b. | Seni bir ḥüsn ilinüñ pādişāhı |
| 8. | a. | Muʿāyin işbu şiʿri ger ṣorarsañ |
| b. | Nedür derseñ Güvāhīnün günāhı |
| 9. | a. | Ki bir ḳaç beytüñ ile Mihrīyi sen |
| b. | Niçün yād eylemezsin gāhi gāhi |
| 190 |
| 1. | a. | Çokdur cihānda gerçi güzeller nenüñ gibi |
| b. | Bir nāzenīn görmedüm elḥaḳ senüñ gibi |
| 2. | a. | Ḳomam ölince elden etegüñi dōstum |
| b. | Buldum saʿādetise yeter dāmenüñ gibi |
| 3. | a. | Cānā ḳapuñda cānla serden geçenlerüz |
| b. | Uyma raḳībe sürme bizi düşmenüñ gibi |
| 4. | a. | Dil zülfüñe aṣıldı dedüm didi neyleyin |
| b. | Her bir ḳılında biñ aṣılupdur anuñ gibi |
| 5. | a. | Dil zülfüñ vaṭan ideli dir ḳamu ünās |
| b. | Yoḳdur cihānda Mihrī senüñ meskenüñ gibi |
| 191 |
| 1. | a. | Çünkü gönderdi Ḫudā devlet ile rāha seni |
| b. | Mübtelā ḳılsun ilāhi yine bir şāha seni | |
| c. | Ḳomayalum hele var āh·ı seḥer-gāha seni | |
| d. | Yüri şāhum yüri ıṣmarladum Allāha seni |
| 2. | a. |
|
| b. |
| |
| c. | Ḫūblar içre ṣanemā sen daẖi bir server idüñ | |
| d. | Yüri şāhum yüri ıṣmarladum Allāha seni |
| 3. | a. | Varalum kūyuña her demde fiġānlar idelüm |
| b. | Yaşum ırmaġını her cāya revānlar idelüm | |
| c. | Yüzümüz sürüp eşigüñde mekānlar idelüm | |
| d. | Yüri şāhum yüri ıṣmarladum Allāha seni |
| 4. | a. | Ḳanı ol dem ki bizümle dün ü gün hem-dem idün |
| b. | Dil·i mecrūḥumuzuñ yarasına merhem idüñ | |
| c. | Hey benüm bigcegüzüm sen daẖi bir ādem idüñ | |
| d. | Yüri şāhum yüri ıṣmarladum Allāha seni |
| 5. | a. | Seni heyhāt ki bir daẖi görince gözümüz |
| b. | Āh ü zārile geçiser gecemüz gündüzümüz | |
| c. | Cānumuz ḥalḳa erişince bu olsun sözümüz | |
| d. | Yüri şāhum yüri ıṣmarladum Allāha seni |
| 6. | a. | Ḳaşlaruñ yasına ḳanı ki nişān idi sīne |
| b. | Ġamzeñ oḳların atarduñ dil ü cān pūtasına | |
| c. | Dil·i āşufte unıtmaz seni var nicesine | |
| d. | Yüri şāhum yüri ıṣmarladum Allāha seni |
| 7. | a. | Āşinā olmış iken çün bizi yād itdi felek |
| b. | Yaralar üstine dāġ urdı yine derlü yürek | |
| c. | Ḳaldı fikrüñle ẖayālüñ bize ey dōst belek | |
| d. | Yüri şāhum yüri ıṣmarladum Allāha seni |
| 8. | a. | Bāġ·ı ḥüsnüñe ẖazān irmesün ey lāleʿiẕār |
| b. | Bulınur Mihrī gibi saña ne ġam günde hezār | |
| c. | Dōstı yād etmek imiş ʿādetüñüz āẖır kār | |
| d. | Yüri şāhum yüri ıṣmarladum Allāha seni |
| 192 |
| 1. | a. | Ḫaddüñ görinelden gül·i ẖandān unıdıldı |
| b. | Ḫaṭṭuñ ireli sünbül ü reyḥān unıdıldı |
| 2. | a. | Cānā bu cihān içre güzellükde cemālüñ |
| b. |
|
| 3. | a. | Çekdi lebüñüñ ḥasretile sīnesine dāġ |
| b. | Ṭaġlara düşüp lāʿle·i nūʿmān unıdıldı |
| 4. | a. | Maẖmūr gözüñ gülşen·i ḥüsnüñde görelden |
| b. | Her kūşede bu nergis·i mestān unıdıldı |
| 5. | a. | ʿAhd itmiş(i)düñ Mihrīyi ödürmege cānā |
| b. | Beñzer begüm ol ʿahdla peymān unıdıldı |
| 193 |
| 1. | a. | Ḫarc it deriseñ ʿışḳum içün ʿömrle cānı |
| b. | Olsun begüm olsun | |
| c. | Terk it deriseñ ʿışḳum içün iki cihānı | |
| d. | Olsun begüm olsun |
| 2. | a. | Ḳaddüm var iken ḳāmetini bāġ·ı cihānda |
| b. | Her ṣaḥn·ı çemende | |
| c. | Zinhār görüp añma ṣaḳın serv·i revānı | |
| d. | Olsun begüm olsun |
| 2. | a. | Bülbül gibi sen zārlıġ ü ẖār·ı cefāda |
| b. | Gülzār·ı cihānda | |
| c. | Gördükçe bu ben ẖaddi gül ü ġonçe-dehānı | |
| d. | Olsun begüm olsun |
| 3. | a. | Ṣanduḳını dāˀim sinenüñ imdi nişān it |
| b. | Beste aña cān it | |
| c. | Atduḳça müjem tīrini ebrūm kemānı | |
| d. | Olsun begüm olsun |
| 4. | a. | Cān levḥasına eyle cemālümi muṣavver |
| b. | Bulsün dilüñ enver | |
| c. | Ta görse ḥased ide anuñ naḳşına mānī | |
| d. | Olsun begüm olsun |
| 5. | a. | Metāʿına ger ʿışḳumuñ olduñsa ẖırīdar |
| b. | Cāndur bahā al var | |
| c. | Aṣṣı eyle bu bāzārda hiç añma ziyānı | |
| d. | Olsun begüm olsun |
| 6. | a. | ʿAḳl ü dil ü cānuñ baña virmişdüñ ezelde |
| b. | Neyler daẖi sende | |
| c. | Tīz vir beri anları gerekdür baña anı | |
| d. | Olsun begüm olsun |
| 7. | a. | Ol derdüm(i)le olma daẖi ẖūblara māʿil |
| b. | Ol cevrüme ḳāʿil | |
| c. | Maḥbūb·ı cihān ger ola etme nigerānı | |
| d. | Olsun begüm olsun |
| 8. | a. | Nā-gāh girürise elüñe dāmen·i vaṣlum |
| b. | Bir vaḳt·i şerefde | |
| c. | Sür yüzüñi vü gözüñ ayaġuma revāni | |
| d. | Olsun begüm olsun |
| 9. | a. | Gerçi cihānda bulınur ṭālibe maṭlūb |
| b. | Sevdügi ola bir ẖub | |
| c. | Yād eyleme ʿışḳumda daẖi sen o zemānı | |
| d. | Olsun begüm olsun |
| 10. | a. | Düketmiş imiş ʿömrüñi ey Mihrī güzeller |
| b. | Cevriyle cihānda | |
| c. | Şimden geru ʿışḳumla benüm gel ola fānī | |
| d. | Olsun begüm olsun |
| 194 |
| 1. | a. | Ḫǎbdan açdum gözüm nā-gāh ḳaldırdum seri |
| b. | Ḳarşuda gördüm ṭurur bir māh-rūy dil-beri |
| 2. | a. | Ṭāliʿüm saʿd oldı yāẖūd ḳadre irdüm ġālibā |
| b. | Kim maḥallüm içre gördüm gice ṭogmış müşterī |
| 3. | a. | Nūr aḳar gördüm cemālinden egerçi zāhirā |
| b. | Kendüsi beñzer müselmāna libāsı kāfirī |
| 4. | a. | Gözümi açup yumınca oldı çeşmümden nihān |
| b. | Şöyle teşẖīṣ itdüm anı yā melekdür yā perī |
| 5. | a. |
|
| b. | Gördi çün ẓulmet şebinde ol ʿayān İskenderi |
| 195 |
| 1. | a. | Ḫoş rūḥa ġıdāyidi ṣanem ḥüsni nevāsı |
| b. | İllā nidelüm vardur anuñ daẖi fenāsı |
| 2. | a. | Bir ġonçe· ter ṣaḥn·ı çemende açılınca |
| b. | Anuñla bile bitmese biñ ẖār·ı cefāsı |
| 3. | a. | Bülbül nice feryād ü fiġān eylemesün kim |
| b. | Bir heftelige hem-demidür ġonçe ṣafāsı |
| 4. | a. | Ġırr(a) olmañ igen ḥüsnüñüze ey ẖūb-ṣanemler |
| b. | Gül ʿömri gibi tīz geçer ḥüsn·i beḳāsı |
| 5. | a. | Bu güni bahārise vü yarını ẖazāndur |
| b. | Kendüye ḳalur her kişinüñ yüzi ḳarası |
| 6. | a. | Bir devridi ser-defter·i ẖūbān idi Mihrī |
| b. | Şimdi görüñ uş her güzelüñ oldı gedāsı |
| 196 |
| 1. | a. | Dergehinde ol şehüñ maʿlūm olaydum kāşki |
| b. | Ḫidmetinde ʿāḳıbet maẖdūm olaydum kāşki |
| 2. | a. | Vaṣl·i cānānı müyesser ḳılmaz imiş çün felek |
| b. | Bu belā-keş cāndan maḥrūm olaydum kāşki |
| 3. | a. | Gülsitānında çün ezhār olmadum ben dōstuñ |
| b. | Būstānında piyāz ü s̲ūm olaydum kāşki |
| 4. | a. | Ol ṣanem yazduḳda ʿuşşāḳın vefā mektūbına |
| b. | Ben siyeh-kārı daẖi merḳūm olaydum kāşki |
| 5. | a. | Kaʿbe kūyında ḥabībümüñ tavāf idenlerüñ |
| b. | Ayaġı altında ṭopraḳ ḳum olaydum kāşki |
| 6. | a. | Göyünince ḳahr·ı aġyār ile dil micmer gibi |
| b. | Cevr·i yārile yanaydum mum olaydum kāşki |
| 7. | a. | Biñ ʿaẕābile geçince bir nefes cānā yine |
| b. | Cānı teslīm eyleyüp merḥūm olaydum kāşki |
| 8. | a. | Ṭaʿn·i nā-dāndan sen ey zāhid yüri ḳıl iḥtırāz |
| b. | Ḫaşre dek ben ʿışḳ ile meẕmūm olaydum kāşki |
| 9. | a. | İtlerile hem-dem olaydum ey Mihrī dāʿimā |
| b. | Dergehinde ol şehüñ maʿlūm olaydum kāşki |
| 197 |
| 1. | a. | Dōstlar ṣanmañ ki bir lāle-ʿiẕār egler beni |
| b. | Ḫāne·i ġam içre her dem āhü zār egler beni |
| 2. | a. | Geh ẖayāl·i yār hem-dem eylerem gāhi ġamın |
| b. | Miḥnet ü derd ü belāyile bu kār egler beni |
| 3. | a. | Vaṣlı eglerken beni dil-dārumuñ her rūz ü şeb |
| b. | Şimdi gör ḥālüm ẖayāl·i rūy·ı yār egler beni |
| 4. | a. | Eglenür miydi bu cānum tende bir an yārsuz |
| b. | Vuṣlatına irgürem dir rūzgar egler beni |
| 5. | a. | Sīne·i pür-sūzuma çeşmüm aḳıdur çeşmesin |
| b. | Teşne-dil bulur ḥayātı bu bıñar egler beni |
| 6. | a. | İntiẓārile erişdi işde ʿömrüm āẖıra |
| b. | Vāʿde·i vaṣlı ile daẖi nigār egler beni |
| 7. | a. | Didiler lāzımdurur ʿuşşāḳa ṣabr ü ya sefer |
| b. | İmdi ey Mihrī hemān terk·i diyār egler beni |
| 8. | a. | Ġarḳa virsem baḥr·ı ʿışḳında direm dil zevraḳın |
| b. | Ha sürer beni kenāre rūzgār egler beni |
| 198 |
| 1. | a. | Dost nāzik yār imişsin böyle bilmezdüm seni |
| b. | Dil yaḳıcı nār imişsin böyle bilmezdüm seni |
| 2. | a. | Cevr ile ʿāşıḳlaruñ od yaḳdurursın başına |
| b. | Ḫayli ẖoş seḥḥār imişsin böyle bilmezdüm seni |
| 3. | a. | Gül gibi yüze güler didüklerince dōstum |
| b. | Şimdi bildüm var imişsin böyle bilmezdüm seni |
| 4. | a. | Göñlin aldum āl ile dirdüñ ẖoş inkār eyledüñ |
| b. | Hey ne bī-iḳrār imişsin böyle bilmezdüm seni |
| 5. | a. | Göñli ıraḳlara virmişsin dilile ẖoş beni |
| b. | Āh kim aldarimişsin böyle bilmezdüm seni |
| 6. | a. | Cümle ʿālem ẖalḳını aġyār idindüm seni yār |
| b. | Sen daẖi aġyār imişsin böyle bilmezdüm seni |
| 7. | a. | Ey ki düşdüñ Mihrī her bir bī-vefānuñ pāyına |
| b. | Sen daẖi bī-ʿār imişsin böyle bilmezdüm seni |
| 199 |
| 1. | a. | Rīsmān·ı zülfüñe dil tā ki cānın bagladı |
| b. | Ḫidmetüñe ṣıdḳla tende miyānın bagladı |
| 2. | a. | Bāġ·ı ḥüsnüñde görüp dil bülbülinüñ nālesin |
| b. | ʿAndelībān ṣaḥn·ı gülşende zebānın bagladı |
| 3. | a. | Ṣatdı ʿışḳuñ tāciri ben bendesin hicr ü ġama |
| b. | Müddeʿīye ẖoş feraḥlar armaġanın bagladı |
| 4. | a. |
|
| b. | Ehl·i diller Leylī vü Mecnūn divānın bagladı |
| 5. | a. | Ḫūnını ʿāşıḳlaruñ çeşmüñ meger dökmek diler |
| b. | Neşter·i mügānuña ḳaşuñ kemānın bagladı |
| 6. | a. | Almadan bir berg· gül haddüñden erdi ẖaṭṭuñ āh |
| b. | Ḫārlar ol gül ʿiẕāruñ çevre yanın bagladı |
| 7. | a. | Mihrī şevḳ·i ʿışḳuñ içre leblerüñ yād idicek |
| b. | Bu şīrīn güftārı şekkerler dükānın bagladı |
| 200 |
| 1. | a. | Şöyle teşhiṣ eyledüm cānānı bayrām ertesi |
| b. | Ġālib ider derdüme dermānı bayrām ertesi |
| 2. | a. | Laʿl·i nābından şeker sen būsesine dilberüñ |
| b. | Urmazısam ben ʿaceb dendānı bayrām ertesi |
| 3. | a. | ʿĀrif oldur nāzenīnler derpeyince seyr idüp |
| b. | Her kenāre eyleye seyrānı bayrām ertesi |
| 4. | a. | Ḫublaruñ zülfi ṣalıncaġında cānlar ṣalınur |
| b. | Zeyn olıcaḳ ḥüsninüñ meydāñı bayrām ertesi |
| 5. | a. | Ummasun kim ṣalına ol yār ile eydüñ raḳīb |
| b. | Ṣalınur ḥāżırdur uş urġānı bayrām ertesi |
| 6. | a. | Gerçi ʿīd·i vaṣlına ḳurbān idi Mihrī anuñ |
| b. | Līk teslīm itdi yāra cānı bayrām ertesi |
| 7. | a. | Çoḳ mübārek demlere ermīşdük ammā rāstī |
| b. | Olmaya ol dem gibi āh ḳanı bayrām ertesi |
| 201 |
| 1. | a. | Ṭutdı āfāḳı ser-ā-ser gün cemālüñ pertevi |
| b. | Ḥāʿil olmasa ġurūb etmezdi zülfüñ şeb-revi |
| 2. | a. | Ḳaşlaruñ ḳavs·ı ḳuzeh gibi kemān almış ele |
| b. | Cānlara pertāb atar cānā hilālüñ pertevi |
| 3. | a. |
|
| b. | Būy·ı zülfüñden ṣabā iltse nesīm·i ʿĪsevī |
| 4. | a. | Darbet·i şemşīrine ṭāḳat getürmez kimsene |
| b. | Ḥażret·i şehzādeye cemʿ olsa ʿālem hüsrevi |
| 5. | a. | Zühre çengin çala çerẖ içre yere çār-pāresin |
| b. | Meclis·i ẖāṣ içre raḳṣ urursa şāhā mevlevī |
| 6. | a. | Ḳıl ʿimāret göñlümüñ vīrānın ey kān·ı kerem |
| b. | Mihnet ü derd ü belāyile yıḳılmışdur evi |
| 7. | a. | Ṭāliʿ ol şāʿirlerüñ ki eşʿārınuñ maʿnāsı var |
| b. | Sen aralıḳda ey Mihrī ḳo ḳurı sözi ṣavı |
| 202 |
| 1. | a. | ʿIşḳuñ yolında her ki ṣaḳındı(y)sa ārını |
| b. | Ta ḥaşr olınca isteye bulmaya yārını |
| 2. | a. | ʿĀşıḳ mi direm aña ki cānān yolında ol |
| b. | Cān ü dil ile virmeye ta ʿömri vārını |
| 3. | a. | Dil ʿandelībi di nice feryād ḳılmasun |
| b. | Her hār ile görür gözi sen gülʿiẕārını |
| 4. | a. | Luṭfın raḳībe ḳılur vü ʿuşşāḳa cevrini |
| b. | Gör bu zemāne ẖublarınuñ iʿtibārını |
| 5. | a. | Devr·i ruẖında ṣatmaġa tiryāk leblerin |
| b. | Dil-ber eline almış iki zülf·i mārını |
| 6. | a. | Cānā virürse şevḳ·i ruẖuñla cihānda cān |
| b. | Pür nūr ḳıla ḥaşre dek anuñ mezārını |
| 7. | a. | Mihrī hevā·yı ʿışḳuñı elden ḳomaz eger |
| b. | Meydān·ı ʿışḳ içinde dikerlerse dārını |
| 203 |
| 1. | a. | ʿIşḳuñ ṣanemā çün yed·i ḳudret dile yazdı |
| b. | Başuma belā vü ġam·ı hicrüñ bile yazdı |
| 2. | a. | Sen gonçe-dehen gül gib yüzüme gülince |
| b. | Cān bülbüli bu ḥār·ı cefādan öle yazdı |
| 3. | a. | Ḫaddüñi gör görüp ḳorḳaram āh itmege cānā |
| b. | Zīrā bu hevādan niçe güller sola yazdı |
| 4. | a. | Hicrüñde ḥabībüm şu ḳadar aġlamışam kim |
| b. | Dil zevrāḳı ḳanlu yaşuma ġarḳ ola yazdı |
| 5. | a. | Bir būse vir öldüm didi Mihrī aña yārı |
| b. | Çeşmiyile ẖışm itdi egerçi güle yazdı |
| 204 |
| 1. | a. | Ġam-gīn dilümde zār ile efġān dükenmedi |
| b. | Nem-gīn gözümde derdle giryān dükenmedi |
| 2. | a. | Tennur·ı ġamda āteş·i hicrān ile ciger |
| b. | Biryān olalı dünyede biryān dükenmedi |
| 3. | a. | Derdā dirīġ geçdi günüm intiẓār ile |
| b. | ʿÖmrüm dükendi vaʿde·i cānan dükenmedi |
| 4. | a. | Ḫūblar ḳatuñda ḳançaru baḳsañ raḳībdür |
| b. | ʿĀlemde cevr·i yār ile şeyṭān dükenmedi |
| 5. | a. | Bir kerre mübtelālaruma raḥm idem diseñ |
| b. | Dünyāda sevdiġüm nola yalan dükenmedi |
| 6. | a. | İnʿām eyleye sāʿile ḥüsnin zekātını |
| b. | Şehler ḳatında luṭf ile iḥsān dükenmedi |
| 7. | a. | Mihrī olalı gülşen·i kūyuñda ʿandelīb |
| b. | Ġam-gīn dilünde nāle vü efġān dükenmedi |
| 205 |
| 1. | a. | Ġamuñdan ẖaste olup dil ḳapuñda yaṣdanur ṭaşı |
| b. | Teraḥḥum ḳıl ki ʿuşşāḳuñ ḳatı yaṣtıḳdadur başı |
| 2. | a. | Ġanīmet gör bu dem ʿömri ṣarıl bir nāzenīn ile |
| b. | Cihān aġyārdan ẖālī olıcaḳ ṭuymayasun nāşı |
| 3. | a. | Geçerken bende oldı dil ḥabībüm āsitānuñda |
| b. | Göñül der-ban gözüm saḳḳa müjemdür şimdi ferraşi |
| 4. | a. |
|
| b. |
|
| 5. | a. | Heva·yı ʿışḳa yoldaş ol dilerseñ bulasın vaḥdet |
| b. | İdinme kendüñe maḥrem dili bī-ʿışḳ yoldaşı |
| 6. | a. | Senüñ ʿışḳuñ hevasında budur taḥṣīli Mihrīnüñ |
| b. | Ciger biryān vü dil ẖaste aḳıdur gözleri yaşı |
| 206 |
| 1. | a. | Gitdi ʿaḳlum bilüm ey şāh·ı cihān sen gideli |
| b. | Bir nefes bende ḳarār itmedi cān sen gideli |
| 2. | a. | Çünki sen serv·i revān gitdi hemān oldı revān |
| b. | ʿAḳabince gözümüñ yaşı revān sen gideli |
| 3. | a. | Mührüñi saḳlar idüm dilde gözüm yaşı velī |
| b. | Eyledi sırrumı gün gibi ʿayān sen gideli |
| 4. | a. | Ẕikr ü tesbīḥi ḳodum şam u seḥer elümden |
| b. | Aduñı yād iderem şām ü seḥer sen gideli |
| 5. | a. | Yaluñuz şehr degüldür baña zindān görünen |
| b. | Mihrīnüñ gözine ṭar oldı cihān sen gideli |
| 207 |
| 1. | a. | Gel ki senden budur ey dōst bu cānuñ dilegi |
| b. | Yar neler vardur içinde göre derdlü yüregi |
| 2. | a. | Ḥamdülillāh ki müjeñ tīri ciġerden geçicek |
| b. | Hele peykānları ḳaldı dile yiter yelegi |
| 3. | a. | Rāyegān virseler almam dü cihān ẖūblarını |
| b. | Saña cān virüp aluram baña sensin yüreġi |
| 4. | a. | Yārile ẖoş-dem idük irdi bize bed-naẓaruñ |
| b. | Çatlaya şallāh raḳībā iki gözüñ bebegi |
| 5. | a. | Her geh yārumdan ayırur beni yā-Rab dilerem |
| b. | ʿÖmri az olsun vü dünyāda dükensün kepegi |
| 6. | a. | Baş ḳoşup zülfüñe Mihrī ḳuru sevdālarla |
| b. | Yel gibi yeldi yoluñda yile virdi emegi |
| 208 |
| 1. | a. | Kim ḳucar mūy·ı meyānuñı kemerden ġayrı |
| b. | Kim öper leblerüñi ṣāġar·ı zerden ġayrı |
| 2. | a. | Cānı yoḳ deprede biñ yıl ki hevāsında yele |
| b. | Zülfüñüñ bir ḳılını bād·ı seḥerden ġayrı |
| 3. | a. | Yalıñuz ben mi ẖırīdāruñam ey zühre-cebīn |
| b. | Gün daẖi müşterīdür saña ḳamerden ġayrı |
| 4. | a. | Mihrüñi cān ḳafeṣinde virürem rūḥa ġıdā |
| b. | Ṭūṭīye var mı ġıda daẖi şekerden ġayrı |
| 5. | a. | Cam·ı laʿlüñ meyiñ içürdi raḳībe nidelüm |
| b. | Bize ṣunmadı felek ẖūn·ı cigerden ġayrı |
| 6. | a. | Leb·i cānānı görüp diş biledüm geldi didi |
| b. | Nesne yoḳ Mihrī aña umma ḥacerden ġayrı |
| 209 |
| 1. | a. | Görünelden gözüme cānā cemālüñ gülşeni |
| b. | Bülbül·i şūrīdedür ta ṣubḥ olınca dāmeni |
| 2. | a. | Gülşen·i ḥüsnüñsüz ey dil-ber gerekmez cenneti |
| b. | Gerçi var her kūşesinde niçe biñ gül ẖirmeni |
| 3. | a. | Cānuma gamzeñ ẖadengin geçtigin menʿ eyleme |
| b. | Rāḥat olsun dōstum oẖ ẖoşça bulmış meskeni |
| 4. | a. | Ḳılca cānile yüz üstine sürinüp ẖaste dil |
| b. | Tuḥfe cān iltür ṭapuña görmege cānum seni |
| 5. | a. | Dünye vü ʿuḳbāda bu ʿizzet yeterdi Mihrīye |
| b. | Girse bir kez destine anuñ ḥabībi dameni |
| 210 |
| 1. | a. | Görmedüm senden kerem ey bī-vefā dil-dār hey |
| b. | Olmaduñ bir gün bu ben bī-çareyile yār hey | |
| c. | Eyledüñ cevrüñle ʿālemde beni bīzār hey | |
| d. | Ey cefā-ẖu yār senden vāzgeldüm var hey |
| 2. | a. | Var mıdur bir dem beni hicrüñle bīmar itmedüñ |
| b. | Raḥm idüp bir gün baña luṭfuñla ṭīmār itmedüñ | |
| c. | Müddeʿīnüñ sözine uyduñ beni yār itmedüñ | |
| d. | Ey cefā-ẖu yār senden vāzgeldüm var hey |
| 3. | a. | Gülşen·i ḥüsnüñde bülbül gibi nālān eyledüm |
| b. | Degmedüm bir ġonçene ki bunca ki efġān eyledüm | |
| c. | ʿĀḳıbet ẖār·ı cefāda baġrumı ḳan eyledüm | |
| d. | Ey cefā-ẖū yār senden vāzgeldüm var hey |
| 4. | a. | Uyduñ aġyāra benümle bir nefes yār olmaduñ |
| b. | Yoluña bunca zemāndur cānı virdüm bilmedüñ | |
| c. | Dāmen·i vaṣluñla bir gün ḳanlu yaşum silmedüñ | |
| d. | Ey cefā-ẖū yār senden vāzgeldüm var hey |
| 5. | a. | Cān içinde saḳladum mihrüñ elif gibi senüñ |
| b. | Gitmedi bilmem nedür cürmüm senüñ bende kīnüñ | |
| c. | Yoġidi dinüñ bilürdüm şimdi gitmiş āyīnüñ | |
| d. | Ey cefā-ẖu yār senden vāzgeldüm var hey |
| 6. | a. | Yalvarup biñ ʿözr ile cānum didükce ben saña |
| b. | Ḫışmla yüzüñ çevirürdüñ hemān benden yaña | |
| c. | Luṭfuñı aġyāra eylerdüñ revān cevrüñ baña | |
| d. | Ey cefā-ẖu yār senden vāzgeldüm var hey |
| 7. | a. | Komış idüm ʿışḳıñuñ yolına ben cān u seri |
| b. | Olmış idüm āsitānuñ bendesinüñ çākeri | |
| c. | Bulasın var imdi sende Mihrī gibi müşterī | |
| d. | Ey cefā-ẖu yār senden vāzgeldüm var hey |
| 211 |
| 1. | a. | Gözüm çü gördi sen yüzi gül boyı ʿarʿarı |
| b. | Virdi yoluña biñ dilile ʿömri serseri |
| 2. | a. | Ten yandı dil göyündi yürek deldi firḳatüñ |
| b. | Ġamzeñ ẖadenġi ẖışmla çün çekdi ẖançeri |
| 3. | a. | Çeşmüñ mi ḳıldı ġamzeñe ṭaʿlim dōstum |
| b. | Bir tīrile ẖoş ṭaġıtır yüz biñ ʿaskeri |
| 4. | a. | Nergis ṣarardı gördi vü ġonçe ḳızardı hem |
| b. | Ṣahn·ı çemende sen yüzi gül ʿaynı ʿabheri |
| 5. | a. |
|
| b. |
|
| 6. | a. | Ṭoḳsan birile yüzi ʿadedde laḳab çıḳar |
| b. | ʿAḳluñ yeterse kimidügi bil bu serveri |
| 7. | a. | Medḥüñde çoḳ ġazel diyici ẖūb ü bī-nazīr |
| b. | Maʿẕur ṭut ʿayıplama bu Mihrī-kemteri |
| 212 |
| 1. | a. | Ne cānı var yaza māni ḳaşuñ işāretini |
| b. | Ne ḥaddi var bile ʿāḳıl lebüñ ʿibāretini |
| 2. | a. | Firāḳuñ odını dilden viṣālüñ itmedi ḳatʿ |
| b. | Meger ki laʿl·i nebātuñ kese ḥarāretini |
| 3. | a. | Ġamuñla ẖāne·i dil her cihetten oldı ẖarāb |
| b. | Keremler eyleseñ itseñ nʿola ʿimāretini |
| 4. | a. | S̲ evāb·ı ḥaccı bulam dirseñ eyle gel cānā |
| b. | Şikeste ẖātırınuñ göñlinüñ ziyāretini |
| 5. | a. | Viṣāl·i dilberi Mihrī cihānda feth ide mi |
| b. | Saʿādeti çala mı baẖtınuñ beşāretini |
| 213 |
| 1. | a. | Nice bir bu dil çeke her bī-vefānuñ nāzını |
| b. | Nice bir pinhān idem sīnemde dil-ber rāzını |
| 2. | a. | Virüben ʿaḳl ü dil aldum ġussa·i yārı ṣatun |
| b. | Ġam metāʿından ṭolupdur şimdi cānum ẖāzini |
| 3. | a. | Nice ölmesün bir ādem ṣūfīnüñ ṭa'nından āh |
| b. | Kendü sevmez mi görüp bir ẖūblar şeh-bāzını |
| 4. | a. | Rīsmān·ı zülfüñde bir gün dōst ġamzeñ ṭīġına |
| b. | Düşüben cān vireyin gör āşıḳuñ can-bāzını |
| 5. | a. | Bir nefes Mihrī varur kūyuñda seyrān itmege |
| b. | Tiz ḳaçar çün seg raḳībin işidüp āvāzını |
| 214 |
| 1. | a. | Nice bir iñledesin derd ile ey yār beni |
| b. | Nice bir öldüresin cevr ile her bār beni |
| 2. | a. | Gözlerüñ ḳanum içer laḥẓada bir ṣu yerine |
| b. | Ḳande buldı ʿacabā bu iki ẖun-ẖ*ār beni |
| 3. | a. | ʿAḳl ü dil yoluña gitdi dil ü cān ḳalmış idi |
| b. | Firḳatüñ eyledi andan daẖi bīzār beni |
| 4. | a. | İşidüp derdle iñiledi mi dolāp daẖi |
| b. | Girye vü zār ile her dem dönüp aġlar beni |
| 5. | a. | Firḳatüñden niçe bir Mihrī senüñ cān çekişe |
| b. | Dōstum başuñ içün öldüre kurtare beni |
| 215 |
| 1. | a. | Yā-Rab ol serv·i revān ḳandedürür ḳandeyeki |
| b. | Yā-Rab ol āfet·i cān ḳandedürür ḳandeyeki |
| 2. | a. | Gözlerüm rūy·ı laṭīfinden ıraġ olalı cān |
| b. | Dir idüp āh ü fiġān ḳandedürür ḳandeyeki |
| 3. | a. | Āfitābı götürüp gülşen·i ḥüsni getüren |
| b. | Yā-Rab ol mūy-meyān ḳandedürür ḳandeyeki |
| 4. | a. | Ḳaşlaruñ yasına ḳurbān olayın ġamzesine |
| b. | İtdügüm cānı nişān ḳandedürür ḳandeyeki |
| 5. | a. | Ḫār·ı ġamda dil·i giryānum ider nāleleri |
| b. | ʿAceb ol ġonçe-dehān ḳandedürür ḳandeyeki |
| 6. | a. | Yüzüm üzre sürinüp ilte idüm ẖaste-dili |
| b. | Mihrīyā nām ü nişān ḳandedürür ḳandeyeki |
| 216 |
| 1. | a. | Yaḳdı hicr āteşine cānumı cānān ehli |
| b. | Olmasun bencileyin hiç müslümān ehli |
| 2. | a. | Küfr·i zülfine esīr oldum o kāfir beçenüñ |
| b. | Beni kurtarmaġa yoḳ mu ki bir īmān ehli |
| 3. | a. | Baġ·ı ḥüsnüñ sularam göz yaşile şām ü seḥer |
| b. | Daẖi şeft-ālū yemesün mi bu būstān ehli |
| 4. | a. | Muṣḥaf·ı ḥüsnüñi ezber oḳuram şeyˀüllāh |
| b. | Ḳapuña geldi vir iḥsānuñı Ḳur'ān ehli |
| 5. | a. | Beni aġlar görüp ey dōst niye gülmeyesin |
| b. | Ne bilür aġlayanuñ ḥālini ẖandān ehli |
| 6. | a. | Devr·i ḥüsnüñ geçer ey yār ḳalur bir eyü ad |
| b. | Unudılmaz añılur ẖayr ile iḥsān ehli |
| 7. | a. | Ḫūblaruñ derdine düşdünse yapış dāmenine |
| b. | Mihrī bu derde bulur derdine dermān ehli |